Кејти Пери – Kurir.mk

Кејти Пери може да добие нов закон за недвижности – именуван по неа

Ивана Ефремовски — Tue, 24 Oct 2023 08:41:29 +0000

Американската пејачка Кејти Пери, се чини, може да добие нов закон за недвижности именуван по неа - и тоа, според познавачи, не е за пофалба, од нејзино гледиште. Поп-ѕвездата и нејзиниот партнер, холивудскиот глумец Орландо Блум, сѐ уште се во правна битка со Карл Весткот, 84-годишниот основач на „1-800-Флауерс“ - компанија за малопродажба што се занимава со цвеќиња и храна. Бизнис-менаџерот на Пери, Берни Гудви дејствувал како агент на пејачката кога таа и Блум во 2020 година ја купиле вилата на Весткот во Монтесито, Калифорнија, САД, вредна 15 милиони долари. Весткот и семејството потоа поднесоа тужба против Гудви во Врховниот суд во Лос Анџелес, наведувајќи дека како продавач не бил при чиста совест и здрав разум кога се согласил да го продаде својот дом. Купувачите, сепак, не отстапуваат од договорот. Од овој судски спор произлезе „Актот на Пери“ (The PERRY Act). Тој нов акт ќе има за цел да ги штити повозрасните лица од лоши трансакции со недвижности. Законот сѐ уште не е усвоен низ законодавна постапка, но има поддршка од повеќе од 30 американски политичари. (МИА)

Кејти Пери и Орландо Блум на суд – наводно купиле вила од повозрасен човек кој „не бил при здрав разум“

Ивона Петрова — Thu, 10 Aug 2023 10:15:17 +0000

Американската пејачка Кејти Пери и нејзиниот вереник, глумецот Орландо Блум, одат на судење со 83-годишен маж кој тврди дека на двојката ѝ го продал својот дом во Санта Барбара вреден 15 милиони долари додека тој „не бил при здрав разум и чиста свест“, пишува „Дејли мејл“. Имено, првичниот сопственик Карл Вескот смета дека договорот со Пери и Блум не бил фер. Тој тврди дека купопродажбата на куќата во Санта Барбара се случила набргу откако бил пуштен од болница, каде што неколку дена претходно имал шестчасовна операција на грбот. Вескот наводно земал и лекови против болки по операцијата и тврди дека не бил свесен што прави. Овој 83-годишник боледува и од Хантингдонова болест, којашто освен што влијае на мускулите, води и до промени во неговата психичка состојба, па поради тоа е прогласен за ментално болен. Вескот се вселил во куќата само два месеци пред продажбата, а наводно ја купил со цел „да живее таму до крајот на својот живот“. Сега тој бара договорот да биде поништен бидејќи „немал умствен капацитет да ја разбере природата и веројатните последици“ на продажбата. Тој истакнува дека никогаш не ги навел своите имоти и оти не разговарал со агент за недвижности за продавање на имотот со осум спални и 11 бањи. Според странските медиуми, тој нема да присуствува на судењето затоа што болеста трајно го онеспособила и го врзала за кревет. Но, неговото семејството ја продолжува правната битка за контрола на имотот на својот татко вреден 15 милиони долари.

Кејти Пери откри што се крие зад бизарното видео на кое изгледа како да е „расипана“

Ристе Здравков — Fri, 28 Oct 2022 19:18:41 +0000

Популарната американска пејачка Кејти Пери неодамна ги загрижи фановите со своето однесување на концерт во Лас Вегас. Сега таа откри што се крие зад сето тоа. За потсетување, Пери се бореше да го отвори едното око среде настап. Додека едното око ѝ беше постојано затворено, таа брзо трепкаше со другото. Таа во еден момент се обиде да ја „среди ситуацијата“ со раката, додека многумина забележале дека пејачката делува вознемирено. Како и да е, Кејти брзо се собра и продолжи со настапот, а бизарното видео како молња се прошири на социјалните мрежи. Пејачката сега ја откри вистината за тоа што се крие зад оваа бизарна ситуација. Имено, Кејти, која настапи во краток фустан со лименки, открива дека нејзиното „оштетување“ на окото всушност било трик за промоција на шоуто.

View this post on Instagram

A post shared by KATY PERRY (@katyperry)

Во објава на Инстаграм, таа го сподели бизарното видео со објаснување: „Кога ќе ги видите новите датуми на PLAY 2023“, со што ги покани фановите да ѝ се придружат на спектаклот и следната година. Кејти ја започна својата Play Tour во Лас Вегас во декември 2021 година и брзо заработи одлични критики. Сепак, пејачката продолжи да ја „привлекува“ публиката на уникатен начин. По кратката игра што им ја приреди на своите обожаватели, некои се пошегуваа дека пејачката изгледа како да се „расипала“, додека други сериозно се загрижени за здравјето на пејачката. Пери успешно го балансира приватниот и деловниот живот. Таа е во врска со актерот Орландо Блум шест години, а во 2020 година ја добија ќерката Дејзи Дов Блум. Орландо го има и синот Флин со Миранда Кер.

ВИДЕО: Пејачката изгуби свест – евакуирана салата при снимањето на Американски идол

Предраг Кукиќ — Fri, 21 Feb 2020 18:41:47 +0000

Поради проблем со цевките, на снимањето на Американски идол дошло до испуштање на штетни гасови. Американската пејачка Кејти Пери се онесвестила поради овие гасови. Снимањето во живо морало да биде прекинато. Кантри пејачот Лук Брајан и Лајонел Ричи кои заедно со Пери се во жирито на шоуто забележале чудна миризба на сетот. -Ова не е шега, навистина испушта гас, и кажа Брајан на публиката. Кога веќе биле евакуирани Кејти Пери рекла дека не се чувствува добро и се онесвестила.

Кејти Пери и Орландо Блум го чекаат првото дете? (ФОТО)

Предраг Кукиќ — Sat, 24 Aug 2019 15:08:20 +0000

Американската пеачка Кејти Пери и актерот Орландо Блум, присуствуваа на премиерата на серијата „Carnival Row“ во Лос Анџелес. На премиерата Кејти и Орландо позирале пред собраните фоторепортери и разменувале нежности и бакнежи. Освен што блескале од среќа, парот го покажа и својот атрактивен изглед. Пеачката се појави во долг, тесен, розов фустан, додека Орландо имаше син костум. Обожувачите на парот забележале дека стомакот на кејти е поголем од вообичаено, па веднаш почнало да се шушка дека парот го очекува своето прво бебе.

ФОТО: Се појави со лустер на себе- Пејачката сега стави чудо на главата

Предраг Кукиќ — Tue, 21 May 2019 20:42:48 +0000

Американската пејачка Кејти Пери изненади кога на финале на американско шоу се појави со чудо на главата. Откако се појави со лустер на себе на Мет галата, сега реши да се појави со нов шокантен стајлинг.

„Форбс“: Кејти Пери е најплатената пејачка за 2018 година, еве колку тежи пејачката

Ристе Здравков — Thu, 22 Nov 2018 10:09:52 +0000

Кејти Пери е прва на топ 10 листата најплатени пејачки за 2018 година на „Форбс“, со што ја симна Бијонсе од престолот по тригодишна доминација. Пери годинава заработила 83 милиони долари, од кои 20 милиони за своето учество во жирито на емисијата „Американски идол“, како и нешто над милион долари за секој настап. На второто место на листата на „Форбс“, се најде Тејлор Свифт со 80 милиони долари заработка, најмногу поради албумот „Reputation“. Трета е Бијонсе, со заработени 60 милиони долари, четврта – Пинк, со 52 милиони, а петта е Лејди Гага, која со својот филм „Ѕвездата е родена“, но и поради договорите со Версаче и МАК, на својата сметка има 50 милиони долари повеќе. Натаму следат Џенифер Лопез (47 милиони долари), Ријана, ѕвездата од филмот „Осумтемина на Оушн“ (37 милиони долари), Хелена Фишер (32 милиони долари)… Селин Дион, која за настап во Лас Вегас наплаќа 500.000 долари, а за патување до Европа наплаќа двојно – еден милион, годинава заработила 31 милион долари и се најде на деветтото место. На последното 10-то место е Бритни Спирс со заработка од 30 милиони долари.

Кејти Пери во депресија- ова е причината

Катерина Бојаџиева — Mon, 23 Jul 2018 08:15:19 +0000

Кејти Пери паднала во депресија поради релативно лошата продажба на последниот нејзин студиски албум „Witness“ од 2017 година. Тој ја достигна продажбата од 180.000 примероци, за разлика од албумот од 2012 година, „Prism“, кој беше продаден во околу 286.000 примероци. - Имам бранови на „последична депресија“, срцето ми беше скршено лани, оти несвесно му дадов многу голема важност на мислењето на публиката. А, таа пак, не реагираше онака како што не очекував... Тоа ми го скрши срцето, изјави поп пејачката во интервју за „Вог“, проследено со фото-сесија со неа. Таа натаму им препорачува на своите колеги, и на пријателите - да не потклекнуваат пред разочарувањата. Пери е во врска со глумецот Орландо Блум.