келнер – Kurir.mk

Некои го осудија, други го пофалија: Дознајте што направил овој келнер, па одлучете дали е фер што добил отказ

Ивана Ефремовски — Sat, 07 Nov 2020 20:34:14 +0000

Анонимен келнер ги подели во мислењата корисниците на социјалните мрежи. На „Редит“ тој признал дека на бремена клиентка наместо алкохолни и дал безалкохолни коктели. Оваа објава се рашири на социјалните мрежи: “За време на синоќешната смена, група жени во доцните дваесетти години дојдоа во барот каде што работам. Ми беше задоволство да ги служам. За почеток, тие нарачаа четири коктели на куќата”, напишал тој. Во еден момент тој слушнал разговор помеѓу жените во кој едната споменала дека е бремена 14 недели. Кога нарачале втор круг алкохолни пијалоци, тој сам ја донел одлуката. “Отидов во барот и му реков на шанкерот да направи еден од коктелите без алкохол. Тој беше збунет, но јас го уверив”, додал тој. Бремената клиентка, вели тој, не забележала ништо сè до моментот кога ја побарале сметката. „Тогаш виде дека се наплатени безалкохолни коктели. Таа не беше задоволна и затоа побара да разговара со мојот шеф. Тој веднаш ми даде отказ и ми рече дека сум можел да го загрозам барот поради дискриминација”, објаснил тој и ги прашал луѓето дали постапил исправно. Стотици луѓе се вклучиле во дискусијата за неговата постапка и не можеле да се согласат дали тој постапил правилно. „Ако навистина не си се чувствувал пријатно да и служиш алкохол, си можел да му кажеш на шефот и да не донесуваш ваква одлука сам“,„ Ако не сте виделе позитивен тест за бременост, немате право со сигурност да заклучите дека е бремена“, „Можеби решила да абортира. Ваквите одлуки не зависат од вас“, се коментарите на луѓето кои застанаа на страната на бремената жена. “Безалкохолниот коктел воопшто не е толку различен, не си направил ништо лошо”, “Јас сум шокиран од количината коментари против овој келнер. Да, вредеше да се направи”, велат оние кои имаат поинакво гледиште.

Скопјанец истепал келнер бидејќи му рекол да си стави маска

Ивана Ефремовски — Wed, 12 Aug 2020 14:37:13 +0000

На 11.08.2020 во 15.45 часот било пријавено дека во Скопје на ул.„Христо Татарчев“, пред угостителски објект, по претходна расправија околу носење на заштитна маска, П.У.(49) од Скопје кој бил вработен во објектот, бил физички нападнат од Л.М.(70) од Скопје. Сочинет е записник за констатиран прекршок по чл.12 од ЗППЈРМ.

Французин уби келнер- причината ќе ви ја заледи крвта

Дарко Андоновски — Sat, 17 Aug 2019 15:54:11 +0000

Гостин во еден француски ресторан уби со огнено оружје келнер бидејќи предолго чекал да му биде направен нарачаниот сендвич, објавија француските медиуми. Инцидентот се случил синоќа во едно предградие на Париз. Очевидци тврдат дека незадоволниот гостин во ресторанот го застрелал 28-годишниот келнер во грбот. Куршумот предизвикал сериозна повреда и екипата на итна медицинска помош, која пристигнала на местото на инцидентот, само констатирала смрт. Напаѓачот избегал, а полицијата трага по него.

Скопјанец истепал келнер

Ивана Ефремовски — Sun, 30 Dec 2018 12:59:42 +0000

На 29.12.2018 година во 18:30 часот во СВР-Скопје Ф.Ф.(20) од Скопје вработен како келнер во гостилница на улицата „Мраморец“ пријавил дека истиот ден околу 01:15 часот, бил физички нападнат од страна на едно лице, гостин во објектот. Се преземаат мерки за расчистување на случајот.

Дени Перов најбрз и најдобар келнер

Ивона Петрова — Thu, 05 Jul 2018 06:00:56 +0000

Дени Перов од Струмица е најдобар и најбрз келнер на Трката што синоќа се одржа на Плоштадот „Гоце Делчев“ во Струмица во рамките на отворањето на годинашново издание на Струмица опен фестивал. Наградата од 12 илјади денари за освоеното прво место му ја врачи градоначалникот на Струмица, Коста Јаневски. Перов и лани беше најдобар на Трката на келнерите. - Драго ми е што ја освојувам наградата по втор пат. Да се победи на трката треба да си брз и стабилен, а другото е среќа, изјави победникот Дени Перов. Второто место го освои Горан Митев од Струмица, а третопласиран е Игор Стефановиќ од Гевгелија. Трката на келнери е деветта по ред, а од тоа седум пати се одржува во рамките на Струмица опен фестивал. Во трката учествуваа 20 келнери од Струмица, Гевгелија и Радовиш, а имаше и две девојки кои рамноправно се натпреваруваа со своите колеги. МИА

Инцидент во ресторан на улица „Македонија“, келнер физички нападнал гостин

Ивона Петрова — Thu, 31 May 2018 12:45:13 +0000

Во ресторан на улица „Македонија“ вчера попладне дошло до нарушување на јавниот ред и мир. -Имено, лицето В.С.(49) од Скопје како гостин во ресторан по вербална расправија со келнерот З.С.(35) физички бил нападнат од истиот, како и од три лица надвор од ресторанот, информираат од МВР. Се преземаат мерки за целосно расчистување на случајот.

Тој е најдобриот фудбалер во историјата на Турција, а протеран од татковината: Можеше да биде министер, а сега е келнер

Матеја Петровски — Sun, 06 May 2018 09:14:30 +0000

Овде е се различно, Леброн говори против претседателот... Тоа е важно за слободата на луѓето. Ми велат дека можеби можам да се вратам ако молчам, но тоа не е фер, вели Хакан Шукур. Хакан Шукур е можеби најдобриот турски фудбалер на сите времиња, но веќе со години поради политика не живее во својата татковина. Шукур е најдобар стрелец во историјата на турската репрезентација, а во кариерата остави длабока трага играјќи за Галатасарај, Торино, Интер... Во своето прво интервју откако ја напушти Турција во 2015 година, Шукур откри со што се занимава денес и што би било различно доколку не се противел на моменталниот политички врв во Турција. Проблемите за него почнаа уште после фудбалската пензија во 2008 година кога Реџеп Тајип Ердоган го наговори да се приклучи во неговата партија за правда и развој. Шукур потоа беше избран за пратеник во турскиот Парламент, но после корупциската афера во партијата, само две години откако пристапи одлучи да се откаже од должноста. Шукур потоа се приклучи кон партијата на Фетулах Ѓулен, Ердоган го стави на црна листа, а Ѓулен го обвини за обид за државен удар во 2016 година, во кој загинаа повеќе од 250 луѓе, а повеќе од 60 илјади беа затворени. Една година пред споменатиот пуч, Шукур со сопругата и децата успеа да емигрира во САД, но во татковината му остана поголемиот дел од семејството, а неговиот татко дури и помина една година во затвор поради обвинение дека помагал за државен удар. Издаден беше налог и за апсење на славниот фудбалер, целиот имот во татковината му е запленет, а сметките блокирани. Во САД морал да започне нов живот, а својата друга кариера ја пронашол во угостителството. Косопственик е во еден ресторан во гратчето Пало Алто во Калифорнија, а гостите секојдневно и сам ги послужува. -Би живеел многу добар живот и би станал министер ако ја прифатев таквата игра и да го правев она што го бараа од мене. Но, еве сега продавам кафе, вели Шукур во разговор за „New York Times“. Во САД луѓето не го препознаваат. -Турција е мојата сакана земја. Ги сакам своите луѓе, иако поради контролираните медиуми сликата за мене е изобличена. Може ќе посетиме Турција во иднина. Нема секогаш да биде мрак. Верувам дека еден светлото ќе се врати. Темнината не трае вечно, вели турската легенда. -А овде е различно. Гледате и сами како Леброн Џејмс говори против претседателот... Тоа е важно, важно за слободата на луѓето. Овде може да кажете што и да сакате. Илјадници луѓе живеат во таква ситуација. Не можам да бидам толку себичен и да мислам само на себе, да се борам само за своето добро. Не би се почитувал ниту себе, ниту својата личност дека сум таков, заклучува Шукур, кого Ердоган минатата година го „избриша“ од историјата на репрезентацијата. Претседателот на Турција, Реџеп Тајип Ердоган нареди да се избрише неговото име, неговата статистика и достигнувања. Но, секако не можеше и не може да го избрише од сеќавањата на фановите, кои неговите голови и успеси постигнати како со турската репрезентација, со клубот Галатасарај и останатите клубови ќе ги паметат секогаш.