Кемал Киличдароглу – Kurir.mk

Кемал Киличдароглу по поразот на претседателските избори во Турција: Борбата продолжува

Тале Кристо — Sun, 28 May 2023 19:26:02 +0000

Кандидатот за претседател на турската опозиција Кемал Киличдароглу по поразот на изборите најави дека „борбата продолжува“. - Не можев да ги бранам вашите права, рече тој во обраќањето од партиското седиште. - Не побегнав од неправеден систем. Не можев да молчам против тоа милиони луѓе да станат граѓани од втор ред во оваа земја. Не можев да дозволам да ги прекршат вашите права, децата да ви одат во кревет гладни. Земјоделците да не можат да произведуваат. Не можев да ги дозволам работи, потенцираше Киличдароглу. Тој вели дека ќе продолжи да се бори за одбрана на правата на Турција, а потоа особено им се заблагодари на „жените и младите“. - Тие се вистински херои, истакна опозиционерот. - Желбата на луѓето да поддржат авторитарен режим излезе на виделина. Тоа ќе продолжи да биде дел од нашата приказна, додаде тој. На крајот им се заблагодари на 25-те милиони луѓе кои гласаа за него и порача дека „битката продолжува“.

Во пресрет на вториот круг од претседателските избори во Турција Киличдароглу вети враќање на мигрантите во нивните земји

Тале Кристо — Thu, 18 May 2023 15:26:07 +0000

Главниот ривал на турскиот претседател Таип Ердоган на претседателските избори, лидерот на опозициската Републиканско народна партија (ЦХП), Кемал Киличдароглу, денеска го заостри тонот кон мигрантите, изјавувајќи дека доколку биде избран за претседател на Турција во вториот круг од изборите, закажан за 28 мај, ќе ги врати во нивните земји. Киличдароглу, како кандидат на шестпартискиот опозициски блок, на изборите во неделата освои 45 отсто од гласовите, а актуелниот претседател 49,5 отсто, повеќе од очекуваното и за малку не успеа да го освои мнозинството за да го избегне вториот круг. На трето место е изненадувањето на изборите, националистичкиот кандидат Синан Оган со освоени 5,2 отсто од гласовите, кој е поддржан од антиимигрантската партија, а може да се покаже како предност во претседателското „доигрување“. Обраќајќи им се на партиските колеги во седиштето на ЦХП, Киличдароглу ја критикуваше мигрантската политика на Ердоган. -Ердоган, намерно дозволивте десет милиони бегалци да влезат во Турција. Продадовте турско државјанство за да обезбедите гласови, обвини Киличдароглу. Според официјалните податоци, во Турција живеат четири милиони бегалци, со што тоа е најголемата бегалска популација во светот. -Од овде објавувам дека кога ќе бидам избран за претседател, ќе ги вратам бегалците во нивните земји, рече Киличдароглу. Тој во предизборната кампања најави дека планира во координација со Обединетите нации да ги врати Сиријците дома во рок од две години по постигнувањето на договор со сирискиот претседател Башар ал Асад околу нивната тамошна безбедност.

Киличдароглу ги повика младите да го поддржат во вториот круг од изборите

Катерина Бојаџиева — Tue, 16 May 2023 15:48:10 +0000

Соперникот на Реџеп Таип Ердоган на претседателските избори во Турција, Кемал Киличдароглу, во вторникот им се обрати на младите и ги повика да гласаат за него во вториот круг од изборите на 28 мај, со цел долгогодишното владеење на неговиот ривал да не влезе во третата деценија. Во првиот круг, актуелниот претседател освои 49,5 отсто од гласовите, а Киличдароглу, кандидатот на шестпартиската опозициска алијанса освои 45 отсто од гласовите. На трето место е изненадувањето на изборите, националистичкиот кандидат Синан Оган со 5,2 отсто, а потоа Мухарем Инџе кој се повлече од трката, но предоцна, па сепак доби 0,43 отсто од гласовите. Бидејќи ниту еден кандидат не освои над 50 отсто од гласовите, вториот круг од изборите, прв во турската историја, ќе се одржи на 28 мај. Во меѓувреме, 74-годишниот Киличдароглу се обидува да ја прошири својата база на гласачи за да добие клучна поддршка во вториот круг.

Киличдароглу: Вечерва нема спиење

Катерина Бојаџиева — Sun, 14 May 2023 20:56:41 +0000

Кандидатот за претседател на турската опозиција Кемал Киличдароглу бара од поддржувачите да се подготват за долга ноќ, а луѓето кои работат на изборите да останат на своите позиции. - Вечерва нема да спиеме луѓе мои, напиша тој на Твитер, повикувајќи ги задолжените за гласачките кутии да останат на своите места. Тој ја предупреди изборната комисија дека „мора да обезбеди внесување податоци од провинциите“.

Избори во Турција: Киличдароглу ветува слобода и демократија

Катерина Бојаџиева — Thu, 04 May 2023 07:41:01 +0000

Главниот ривал на турскиот претседател Реџеп Таип Ердоган, Кемал Киличдароглу, ветува повеќе слободи доколку победи на изборите. Киличдароглу, кој е поддржан од шестпартискиот опозициски сојуз, вели дека ако победи, „по секоја цена ќе донесе слобода и демократија во Турција“. „Младите сакаат демократија“, изјави тој за Би-Би-Си. „Им порачувам на младите дека можат слободно да ме критикуваат. Ќе се погрижам да го имаат тоа право“, вели 74-годишниот Киличдароглу , кој ја предводи главната опозициска Републиканска народна партија. На прашањето дали Ердоган ќе си замине мирно од функцијата по 20 години власт, прво како премиер, а потоа како претседател, тој одговара дека „никој не треба да биде загрижен“. „Ние ќе го пензионираме, мирно ќе се повлече“, рече Киличдароглу. Има индикации дека турскиот лидер можеби се подготвува да го оспори резултатот доколку загуби. Министерот за внатрешни работи Сулејман Сојлу предупреди дека гласањето ќе биде „обид за државен удар од страна на Западот“. Киличдароглу рече дека опозицијата ќе биде внимателна, притоа „неверувајќи му ниту на претседателот, ниту на неговиот Врховен изборен совет, ниту на неговите судии“. „Со тоа што имаме повеќе од еден набљудувач на сите избирачки места, сакаме да обезбедиме дека гласањето е фер, безбедно и дека пребројувањето ќе се изврши правилно. Ги презедовме сите мерки на претпазливост за да биде така, напорно работиме година и половина“, истакна опозицискиот ривал на Ердоган.