Кемба Вокер – Kurir.mk

Кемба Вокер потпиша за тим од Евролигата

Бошко Тасиќ — Sat, 22 Jul 2023 06:08:04 +0000

Некогашната ѕвезда на Шарлот Бобкетс (Хорнетс) и екс член на Бостон Селтикс, Њујорк Никс и Далас Маверикс, Кемба Вокер за прв пат во својата кариера ќе се испроба надвор од САД, Канада и НБА лигата, односно доаѓа во Европа каде ќе настапува за една од најдобрите екипи во Евролигата. Четиркратниот НБА Ол стар се договори со француски Монако, тим кој ланската сезона ја заврши на третата позиција во Евролигата. Се работи за едногодишен договор кој дефинитивно е голема работа за Монако и воедно европската кошарка затоа што плејмејкерот е еден од играчите кој имаше значајна улога во НБА во изминатава деценија со тоа што мора да се потенција дека во последниве сезони не беше на посакуваното, очекуваното ниво.

Четирикратен НБА Ол-стар играч доаѓа во Евролигата

Бошко Тасиќ — Sun, 15 Jan 2023 07:26:00 +0000

Кевин Пангос поради повреда ќе го нема уште неколку месеци, па тренерот Еторе Месина е во потрага по квалитетна замена. Според пишувањата во „Газета дело спорт“, Емпорио Армани го договорил потписот на некогашната НБА ѕвезда, Кемба Вокер. Потребно е само Американецот да ги помине лекарските за трансферот да биде официјализиран. Искусниот 32-годишен бек имаше проблеми со повреда на коленото и токму поради тоа заврши неговата 12-годишна НБА кариера. Вокер во Бостон заработуваше и по 35 милиони долари во сезона, а четири пати беше дел од НБА ол-стар натпреварите и тоа во периодот од 2017 до 2020 година. Во кариерата, освен за Бостон, има играно и во екипите на Шарлот, Њујорк и Далас.

Далас се раздели со Кемба Вокер

Бошко Тасиќ — Sat, 07 Jan 2023 07:47:31 +0000

Искусниот кошаркар Кемба Вокер повторно е без клуб затоа што се раздели со Далас Маверикс. Еден од најискусните плејмејкери во НБА-лигата одигра неколку натпревари за Мавси, а посебно се истакна против Кливленд во дуел во кој даде 32 поени. Сепак, Далас има други планови, па се раздели со Вокер. Вокер во Маверикс дојде на местото на Кампацо. Неодамна, тимот од Тексас го отпушти и Тајлер Дорси.

Далас планира да потпише договор со Кемба Вокер

Тале Кристо — Mon, 28 Nov 2022 14:05:54 +0000

НБА-лигашот Далас маверикс планира да го ангажира 32-годишниот Кемба Вокер (32, 183 см), објави инсајдерот Шамс Чаранија. Пред почетокот на регуларниот дел од сезоната, Вокер беше отпуштен од Детроит. Минатата сезона за Њујорк одигра 37 натпревари, со просек од 11,6 поени и 3,5 асистенции. За да направат простор за Вокер, Маверикс планираат да се разделат со Факундо Кампацо (31, 178 см). Аргентинскиот кошаркар оваа сезона играше на шест натпревари, со просек од 1,3 поени и 1,1 асистенција за 6,5 минути на теренот.

Кемба Вокер го пропушта остатокот од сезоната

Ивона Петрова — Thu, 24 Feb 2022 07:19:34 +0000

Раководството на Њујорк објави дека нивниот кошаркар Кемба Вокер нема да игра за тимот до крајот на сезоната 2021/22. – Целосно ја поддржуваме одлуката на Кемба да престане да тренира до крајот на сезоната и да го искористи тоа време за да се подготви за следната сезона. Долгорочниот успех на Вокер на теренот останува наш главен приоритет, се вели во соопштението на Никс. Вокер му се приклучи на Њујорк во летото 2021 година како слободен агент, потпишувајќи двегодишен договор со тимот. Триесет и едногодишниот Американец оваа сезона одигра 37 натпревари за Њујорк никс, со просек од 11,6 поени, 3,5 асистенции и 3,0 скока по натпревар.