Кемерово – Kurir.mk

Нови детали за пожарот во Кемерово: Загина 41 дете, еве што се случувало

Ивона Петрова — Wed, 28 Mar 2018 13:31:02 +0000

Окружниот суд во сибирскиот град Кемерово денеска одреди двомесечен притвор за Надежда Судјонок, закупец на трговскиот центар каде во пожарот загинаа 64 лица, од кои 41 дете. - Судјонок, која е обвинета дека не ги исполнила неопходните безбедносни мерки, а ќе биде во притвор до 25 мај, изјави судијата Дмитриј Шандров. Судот по сослушувањето ќе одреди дали ќе досуди притвор за уште четворица приведени, меѓу кои и техничкиот директор на компанијата, сопственик на трговскиот центар Александар Никитин и задолженото лице за одржување на противпожарниот аларм Игор Положињенко. На сослушување е и Сергеј Антјушин за кого истражителите претпоставуваат дека не го вклучил противпожарниот аларм. Во Кемерово денеска се се погребуваат жртвите, а претходно беа одржани комеморации во три градски цркви. Претседателот Владимир Путин денешниот ден го прогласи за Ден на жалост, а знамињата се спуштени на половина копја, а забавните манифестации се откажани ширум регионот. Во пожарот што изби во неделата во трговскиот центар „Зимњаја вишња“ (Зимска вишна) во Кемерово загинаа 64 луѓе, од кои 41 дете. Путин при вчерашната посетата на местото на несреќата изјави дека „криминалната негрижа“ е една од причините за пожарот, додека претседавачот на Истражниот комитет Александар Бастрикин на состанокот со кој претседаваше рускиот претседател изјави дека не работел противпожарниот апарат во трговскиот центар. - Противпожарниот апарат не работеше од 19 март и никој не се погрижи за тој проблем. Еден од чуварите во трговскиот центар заборавил на време да го вклучи системот за гласовно предупредување. Не можеме да пронајдеме разумни објаснување, најверојатно воопшто не бил обучен, посочи Бастрикин. Според истражителите причина за пожарот е неисправна електрична инсталација, а бројот на жртвите е голем бидејќи излезите за вонредни ситуации биле заклучени што ја отежнало евакуацијата. По пожарот повеќе стотини граѓани протестираа во Кемерово барајќи одговорност за несреќата. Огнот се прошири од четвртиот, највисокиот кат на трговскиот центар каде беа кино салите и куглана и зафати околу 1.600 метри квадратни. На видео снимките што беа објавени на социјалните мрежи се гледа како луѓето скокаат од прозорци за да се спасат од огнот. Но, претставникот на локалната власт Владимир Чернов изјави дека пожарот можеби е предизвикан од дете кое имало запалка. - Пожарот се прошири од просторијата со трамполина. Постои сомнеж дека некое дете имало запалка и запалило гумена пена во просторијата со трамполина, по што изби пожар, истакна Чернов. Во Русија пожарите често завршуваат со голем број жртви. Најголем број на жртви предизвика пожарот што се случи во 2009 година во ноќен клуб во Перн на Урал, при што загинаа 156 луѓе. Тоа беше најсмртоносен пожар во последните десет години. Причина за пожарот е огномет, а големиот број на жртви е поради тоа што објектот немал доволно во излез. Во 2007 година при пожар што изби во старски дом во јужната руска покраина Красандор загинаа 63 луѓе. Огнот настанал од запалена цигара. Во подметнат пожар во болница за одвикување од наркотици во Москва загинаа 46 лица. Несреќата се случи во 2006 година во Москва. Во 2003 година во пожар во хостел на Рускиот универзитет на пријателството на народите во Москва загинаа 44 лица. Хостелот немал соодветна противпожарна заштита. Во 1999 година пожар уништи полициска станица во Самара, при што загинаа 57 луѓе. Причината за пожарот се уште не е официјално утврдена.

Путин во Кемерово: Положи цвеќе и проговори за причините за пожарот во кој загинаа голем број деца

Ивона Петрова — Tue, 27 Mar 2018 06:48:15 +0000

Рускиот претседател Владимир Путин денес го посети Кемерово каде во пожар во трговскиот центар „Зимнаја вишња“ животот го загубија најмалку 64 лица, од кои најголем дел деца. Путин положи цвеќе, а пред своето обраќање повика на минута молк, по што на семејставата на жртвите им изрази сочувство. Рускиот претседател истакна дека криминална немарност и негрижа се некои од причините за пожарот кој избувна во трговскиот центар. -Тоа што се случува тука не е борбена ситуација или неочекувана експлозија на метан во рудник. Луѓето дојдоа тука да се одморат, деца. Зборуваме за демографија и потоа ќе изгубиме толку голем број лица, поради што? Поради криминална немарност и негрижа, рекол Путин. Пожарот во трговскиот центар во Кемерово избувна во неделата на четвртиот кат од трговскиот центар каде се наоѓаат кино сали и детски забавен центар.

Путин возложил цветы к народному мемориалу возле «Зимней вишни» в Кемерове pic.twitter.com/BajhrYlpBj
— Дмитрий Смирнов (@dimsmirnov175) March 27, 2018

Противпожарниот аларм не работел Противпожарниот аларм во трговскиот центар во кој во неделата избувна голем пожар не работел од 19 март, соопшти претседателот на Истражниот комитет Александар Бастрикин на состанокот со кој претседаваше Путин. Бастрикин додал и дека никој не се позанимавал со овој проблем посочувајќи дека еден од чуварите во трговскиот центар заборавил на време да го вклучи системот за гласовно предупредување. -Не можеме да пронајдеме разумно објаснување, изгледа воопшто не е обучен, нагласил Бастрикин.

Уште еден пожар во трговскиот центар во Кемерово

Катерина Бојаџиева — Mon, 26 Mar 2018 09:59:40 +0000

Уште еден пожар изби во трговскиот центар во рускиот град Кемерово, каде утрово е изгаснат огнот што изби вчера. - Според очевидците од објектот се издига чад, објави „Раша тудеј“. Во вчерашниот пожар во трговски центар во сибирскиот град Кемерово загинаа најмалку 64 лица, меѓу кои и голем број деца, изјави денеска рускиот министер за вонредни ситуаци, Владимир Пучков. Претходно, Истражниот комитет на Русија соопшти дека најмалку 44 лица се повредени, а околу 30 се водат како исчезнати. Десет лица се во болница, меѓу кои и 11-годишно момче кое е во кома откако скокнало од прозорец од трговскиот центар. Локалните медиуми информираат дека неговите родители починале во пожарот. Тринаесетгодишната Марија Мороз, од кино-салата испратила СМС: „Ние сме во пожар. Изгледа ова е збогум од мене. За неа се претпоставува дека е мртва“. Пожарот во трговскиот центар во Кемерово изби на четвртиот кат, каде се наоѓаат кино-сала и детски забавен центар и зафати околу 1.600 квадратни метри. Покрената е истрага заради откривање на причините за избувнување на огнот. - Четири лица се притворени и сослушани, меѓу кои и закупецот на кино-салата, каде се претпоставува дека избил пожарот, како и менаџерот на компанијата која раководи со трговскиот центар, изјави портпаролката на истражниот комитет Светлана Петренко. Станува збор за трговскиот центар „Зимнаја вишња“, кој се наоѓа во една од главните градски улици, во близина на железничката станица. Трговскиот центар е отворен во 2013 година, со површина од 23.000 метри квадратни, паркинг за 250 автомобили, продавници, сала за куглање, детски центар и кино.

ФОТО: Објавени први фотографии и трогателни пораки од децата загинати во пожарот на Кемерово

Ивона Петрова — Mon, 26 Mar 2018 09:46:15 +0000

Руските медиуми објавиле фотографии и стравични пораки од жртвите во пожарот во трговскиот центар во Кемерово, во кој починаа најмалку 64 лица од кои најголем број се деца. Се стравува дека уште десетина деца кои се водат како исчезнати, починале во пожарот кој избувна вчера и зафати 1.600 метри квадратни. Семејствата и пријателите на жртвите објавиле нивни фотографии на социјалните мрежи и бараат информации за исчезнатите. Огнот според првите информации избувнал во кино салата во горниот кат од трговскиот, а во кој се наоѓале најмногу семејства со деца. „Кажи и мама дека ја сакав...“ Сергеј Москаленко (11) заврши во кома откако скокнал од прозор од горниот кат од зградата, а утринава е потврдено дека неговите родители починале во пожарот. Мариа Мороз (13), која се наоѓала во киното за време на пожарот, му пратила порака на роднина „Во пожар сме. Изгледа ова е збогум од мене.“ Се стравува дека Мариа е почината. Меѓу децата кои се водат за исчезнати се осум девојчиња на возраст од 11 и 12 години. Една од нив, Викторија Почанкин на својата тетка и пратила порака додека пламените јазици беснееле. -Вратата е блокирана. Не можам да излезам, не можам да дишам. Тето, кажи му на целото семејство дека ги сакам. Кажи и мама дека ја сакав....“

Расте бројот на загинати во пожарот во Кемерово, најголем број се деца

Ивона Петрова — Mon, 26 Mar 2018 08:58:11 +0000

Најмалку 56 лица, меѓу кои и голем број деца, загинаа во пожарот кој вчера избувна во трговски центар во сибирскиот град Кемерово, соопшти денеска руското Министерство за вонредни ситуации. Истражниот комитет на Русија соопшти дека најмалку 44 лица се повредени, а 30 се сметаат за исчезнати. Десет лица се во болница, меѓу кои и 11-годишно момче кое е во кома откако скокнало од прозорец од трговскиот центар. Локалните медиуми информираат дека неговите родители починале во пожарот. Тринаесетгодишната Марија Мороз, од кино-салата испратила СМС: „Ние сме во пожар. Изгледа ова е збогум од мене.“ За неа се претпоставува дека е мртва.

Пожарот во трговскиот центар во Кемерово изби на четвртиот кат, каде се наоѓаат кино-сала и детски забавен центар и зафати околу 1.600 квадратни метри.

Покрената е истрага заради откривање на причините за избувнување на огнот. - Четири лица се притворени и сослушани, меѓу кои и закупецот на кино-салата, каде се претпоставува дека избил пожарот, како и менаџерот на компанијата која раководи со трговскиот центар, изјави портпаролката на истражниот комитет Светлана Петренко Станува збор за трговскиот центар „Зимнаја вишња“, кој се наоѓа во една од главните градски улици, во близина на железничката станица. Трговскиот центар е отворен во 2013 година, со површина од 23.000 метри квадратни, паркинг за 250 автомобили, продавници, сала за куглање, детски центар и кино.

Трагедија по големиот пожар во сибирско Кемерово: 48 загинати, 16 исчезнати лица (ФОТО)

Ивона Петрова — Mon, 26 Mar 2018 06:30:09 +0000

Смртниот биланс од пожарот во сибирискиот град Кемерово се искачи на 48 жртви, а непозната е судбината на 16 лица, изјави министерот за вонредни ситуации на Русија, Владимир Пучков. Засега нема индиции за причината за пожарот. На телевизиските снимки се гледаат како луѓе во паника скокаат од прозорци од трговскиот центар, обвиен во густ чад. Според првичните резултати на истрагата, пожарот избувнал во кино сала на четвртиот кат, каде се наоѓа и детскиот центар. Во пожарот целосно изгореа 400 метри квадратни. Пронајдените тела се уште не се идентификувани, но медиумите јавуваат дека меѓу загинатите има деца. - Четири лица се притворени и испрашувани, меѓу кои и закупецот на кино-салата, каде се претпоставува дека избил пожарот, како и менаџерот на компанијата која раководи со трговскиот центар, изјави портпаролката на истражниот комитет Светлана Петренко. Станува збор за трговскиот центар „Зимнаја вишња“, кој се наоѓа во една од главните градски улици, во близина на железничката станица. Трговскиот центар е отворен во 2013 година, со површина од 23.000 метри квадратни, паркинг за 250 автомобили, продавници, сала за куглање, детски центар и кино.