кенгур – Kurir.mk

Кенгур го убил 77-годишниот сопственик, прв ваков случај од 1936 година

Катерина Бојаџиева — Tue, 13 Sep 2022 07:35:00 +0000

Возрасен Австралиец (77), починал откако бил нападнат од кенгур што го чувал како домашно милениче. Ова е првиот смртоносен напад од овие торбари, по 1936 година, соопштија австралиските медиуми. Според наводите, болничари биле повикани на имотот на човекот во Редмонд, околу 400 километри југоисточно од Перт, во Западна Австралија. Настанот се случил во неделата попладне, откако тој очигледно бил нападнат од кенгурот. Член на семејството го нашол сопственикот на кенгурот сериозно повреден, а животното станало насилно кога болничарите се обиделе да му пријдат на човекот. Тие морале да го усмртат торбарот. Кусо потоа, човекот им подлегнал на повредите. Ретки се напади од кенгур со смртни последици. Последниот пријавен смртоносен напад се случил 1936 година, кога 38-годишен маж бил убиен во Нов Јужен Велс.

Се роди албино кенгурче во скопската зоолошка (ФОТО)

Ивана Ефремовски — Mon, 23 Jul 2018 17:11:08 +0000

Имаме уште едно бебе кое конечно излезе од торбичката на мама, информираат од скопската зоолошка. Станува збор за албино кенгурче. Белото бебе е машко, а неговата ЗОО негователка Билјана го нарече Арчибалд.

ЖАЛНО: Загина кенгур кој посетителите го удирале со камења за да го видат како скока

Даниел Василев — Fri, 20 Apr 2018 20:12:52 +0000

Во една зоолошка градина на југоистокот на Кина загина еден кенгур кој посетителите, во желба да видат како скока, го гаѓале со камења, јавува државната телевизија ЦЦТВ. 12-годишната женка им подлегна на повредите во зоолошката во Фудџоу. Посетителите го гаѓале кенгурот со цигли и камења поради што едната шепа и била потполно смачкана. Ветеринарот утврдил дека кенгурот бил усмртен од удар во пределот на бубрегот. Инцидентот се случил на 28 февруари, но засега не е познади дали некој од сторителите ќе биде казнет.

Тинејџери пукале кон кенгур, животното им врати со ќотек

Ивана Ефремовски — Mon, 19 Feb 2018 08:47:32 +0000

Тинејџер, кој со својот брат отишол на лов на кенгури во Западна Австралија, беше претепан од кенгур. Имено, откако Џошуа Хајден (19) и неговиот брат пукале кон кенгурот, тој прво удрил врз нивниот автомобил и го скршил совозачкиот прозорец, а потоа го нападнал момчето и му нанел повреди во пределот на вилиците и очите. Како што раскажуваат момчињата, тие претходно пукале од возилото кон два кенгура што биле во непосредна близина. Едниот од нив притоа се разбеснил и тргнал кон нив. Момчето по нападот накусо останало без свест, а потоа било однесено в болница, каде лекарите утврдиле дека е неопходна операција поради отокот. (МИА)

ВИДЕО: Кенгур „нокаутираше“ велосипедист

Ивона Петрова — Tue, 30 Jan 2018 20:58:18 +0000

Урнебесна ситуација е регистрирана во Квинслед. Ребека отишла на рекреација со пријателите со кои одлучила да возат велосипеди. Се било нормално, додека во еден момент од една грмушка скокнал кенгур и ја удрил жената. -Ребека преживеа повреда на рамото и на колената, но сега два дена подоцна се и е смешно, стои во описот на снимката.