кенгури – Kurir.mk

Попушти под притисокот: „Версаче“ се откажува од користењето кожа од кенгур во производството

Ивона Петрова — Thu, 16 Jan 2020 10:34:47 +0000

Италијанската модна куќа „Версаче“ се откажува од користењето кожа од кенгур во производството, под притисок на заштитници на правата на животните од организацијата ЛАВ. „Можеме да потврдиме дека конечно прекинуваме со употребата на кожа од кенгур во нашите колекции“, соопшти „Версаче“ во електронско писмо до британското списание. Гласноговорникот на ЛАВ, Симоне Павезе изјави дека активистите во многу прилики „покажувале на каков сè брутален начин кенгурите се убивани”. Освен тоа, во огромните пожари во Австралија, голем број животни, вклучително и кенгури, угинаа. – Тоа е вистинска еколошка катастрофа, што претставува ризик да истреби многу видови животни од лицето на Земјата, додава Павезе. Првата забрана за користење кенгурска кожа во своите производи беше наложена од „Дијадора“ – италијански производител на спортска облека, обувки и додатоци. Европската Унија, како што јави „Гардијан“, е најголемиот извозник на месо и кожа од кенгур од Австралија. Во таа смисла, Италија е водечки извозник на кожа. Модната куќа „Версаче“ е основана 1978 година од италијанскиот дизајнер Џани Версаче, застрелан 1997 година од сериски убиец на прагот од својата куќа. Работата на креаторот потоа ја продолжува неговата помала сестра – Донатела Версаче.

Редица кенгури скокаат на снегот во Австралија (ВИДЕО)

Предраг Кукиќ — Tue, 13 Aug 2019 10:44:19 +0000

На интернет се појави видео од редица кенгури кои скокаат на снегот во Австралија. Како што пишува на Јутјуб, видеото било снимено од Стивен Гренфил додека патувал со автомобил, а потоа го објавил на Твитер.

Брачен пар сакал да нахрани кенгури, а потоа се соочиле со пекол- мажот бил нокаутиран, а жената итно оперирана во болница (ВИДЕО)

Дарко Андоновски — Mon, 15 Oct 2018 14:26:33 +0000

Еден Австралиско семејство се соочило со вистински хорор откако најдобронамерно почнале да хранат диви кенгури кои во оваа држава се заштитени со закон. Џим и Линда Смит за тамошните медиуми велат дека се среќни што се живи. Парот започнал да ги храни сивите кенгури кои биле дојдени во нивниот двор, а потоа започнал вистинскиот пекол. Еден од кенгурите го нападнал прво мажот, а подоцна и неговата жена која се здобила со тешки телесни повреди откако се обидела да му помогне на својот сопруг да се одбрани. Од болницата за тамошните медиуми велат дека Линда се здобила со скршено ребро, пукната коска на белите дробови, а бидејќи таа се здобила со многу исекотини по своето тело морала веднаш да биде оперирана. -Страшно, ме нокаутираше еднаш или два пати, а кога еднаш ќе ве дофати, ќе видите што може да направи, вели Џим покажувајќи ги своите повреди. Медиумите велат дека кенгурите се повлекле откако нивниот син со дрво им се спротиставил на кенгурите.