керозин – Kurir.mk

Се работи на транспорт на керозин, српските хеликоптери ќе можат да полнат гориво и во штипската касарна

Ивана Ефремовски — Fri, 06 Aug 2021 11:09:53 +0000

Во овој момент се работи на транспортот на керозин. Намерата е денеска да биде сместен во касарната во Штип, што ќе биде на безбедно и српските хеликоптери со помал резерворар да полнат гориво во штипската касарна, за да ја зголемиме нивната ефикасност, соопшти директорот на Центарот за управување со кризи (ЦУК), Стојанче Ангелов. -Транспортот на керозин е малку посложен процес, затоа што се работи за исклучително лесно запалива течност. Намерата е овој кирозин денеска да биде сместен во касарната во Штип, каде што ќе биде на безбедно и српските хеликоптери кои имаат помал резерворар да полнат гориво во штипската касарна за да ја зголемиме нивната ефикасност, рече Ангелов. Тој на денешната прес-конференција одговарајќи на новинарско прашање посочи дека доколку во текот на денот дојде до потреба овие хеликоптери да бидат ангажирани на друго место, ќе има можност и цистерната да се однесе таму. Како што рече директорот на ЦУК намерата е да се скрати времето на полнење на гориво и со тоа да се зголеми ефикасноста на хеликоптерите во гаснењето пожари. (МИА)

Авион исфрли керозин врз деца- 60 лица хоспитализирани (ВИДЕО)

Катерина Бојаџиева — Wed, 15 Jan 2020 09:08:02 +0000

Екипаж на патнички авион на американската авиокомпанија „Делта ерлајнс“ исфрли авионско гориво врз училиште во градчето Кудахи во близина на Лос Анџелес. Исфрлањето керозин беше поради принудно слетување на авион Боинг 777 на меѓународниот аеродром во Лос Анџелес. Керозинот бил исфрлен врз главите на децата кои играле во училишниот двор вчера претпладне по локално време. Најмалку 60 луѓе, повеќето деца, биле хоспитализирани поради иритација на кожата и проблеми со дишењето. Според информациите, за среќа, повредите се мали.

Се преврте воз во Словенија: Истекоа 10 тони керозин- еве од што се стравува

Катерина Бојаџиева — Wed, 26 Jun 2019 14:57:40 +0000

Товарен воз излета од шините и се преврти кај место Храстовље во југозападна Словенија, во близина на словенечко-хрватската граница, при што од вагоните истекле околу 10.000 литри керозин. Припадници на словенечката железница и пожарникари повеќе часови се обидувале да го спречат истекувањето на керозинот, поради стравувањата дека горивото би можело да продре до подземните води и да предизвика штети врз животната средина. Железничката композиција од шест вагони сообраќала на релација од пристаништето Копер до Љубљана, а крајната дестинација на керозинот бил германскиот град Минхен. Причините за несреќата засега не се познати. Словенечките медиуми посочуваат дека возот излетал од шините во близина на месноста Рижан, каде што се наоѓа најголемиот извор на вода за пиење за населените места во словенечкиот дел на полуостровот Истра.