Колона: Неразбирлив е израелскиот напад врз Францускиот културен институт во Газа

Тале Кристо — Fri, 03 Nov 2023 21:37:26 +0000

Франција на израелскиот напад врз Францускиот културен институт во Газа реагираше со „зачуденост“ и „неразбирање“, изјави денеска шефицата на француската дипломатија Кетрин Колона. Таа додаде дека Париз бара целосна истрага за погодената зградата. - Денеска објавивме дека Францускиот културен институт во Газа беше погоден пред неколку дена на начин што предизвика чудење, неразбирање и што ја натера Франција да побара објаснувања од израелските власти, изјави Колона за француските медиуми при посетата на главниот град на Нигерија, Абуџа. Таа додаде дека Париз бара објаснување зошто Францускиот културен центар бил цел на израелски напад.

Санкции за Белорусија доколку се вклучи во украинскиот судир, порача шефот на француската дипломатија

Магдалена Андонова — Tue, 11 Oct 2022 10:30:23 +0000

Париз, 11 октомври 2022 (МИА) – Шефицата на француската дипломатија Кетрин Колона во изјава за француското радио денеска кажа дека Белорусија би можела да се соочи со санкции доколку се повеќе се вклучува во конфликтот во Украина. Белорускиот претседател Александар Лукашенко вчера изјави дека им наредил на безбедносните сили да се распоредат во близина на украинската граница, заедно со руските сили, како одговор на, како што рече, јасната закана за Белорусија од Киев и земјите кои ја поддржуваат. Забелешките на Лукашенко, кој е на власт во Белорусија од 1994 година, укажуваат на потенцијална ескалација на војната во Украина, веројатно со заеднички руско-белоруски заеднички сили во северна Украина. Лукашенко ја обвини Украина дека подготвува напад врз Белорусија и објасни дека затоа Минск ќе распореди руско-белоруски трупи. Лукашенко почна белоруските сили да ги придвижува од пред три дена, очигледно по експлозијата на мостот Керч што го изградија Русите за да се поврзат со анектираниот полуостров Крим. Француските медиуми наведуваат дека Лукашенко не прецизираше во кои области ќе бидат распоредени заедничките руско-белоруски единици. -Поради влошување на ситуацијата на западните граници на руско-белоруската унија, почнавме со распоредување на регионалната група на Руската Федерација и Република Белорусија, изјави Лукашенко на состанокот со раководителите на безбедносните сили, пренесе агенцијата Белта. Од почетокот на инвазијата врз Украина, на 24 февруари, руските сили ја користат територијата на Белорусија за испраќање војници и опрема во северна Украина. -Последниве неколку часа, Украина беше цел на наведувани проектили од белоруска територија. Ова се први удари од белоруска почва врз Киев од крајот на март, изјави Пјер Грасер, француски истражувач и соработник во парискиот институт Сирис. Властите во Киев наведуваат дека ирански беспилотни летала, со кои вчера беа ракетирани повеќе градови, биле лансирани од територијата на Белорусија. (МИА)

кетрин колона – Kurir.mk

Колона: Неразбирлив е израелскиот напад врз Францускиот културен институт во Газа

Санкции за Белорусија доколку се вклучи во украинскиот судир, порача шефот на француската дипломатија