Кевин де Бруин – Kurir.mk

ЕВРО 2020: Де Бруин најавен во почетниот состав за дуелот со Италија

Дарко Андоновски — Fri, 02 Jul 2021 08:40:27 +0000

Фудбалерот за врска Кевин де Бруин ќе може да и помогне на репрезентацијата на Белгија во четвртфиналето на ЕВРО 2020. Според „Скај Спортс“, играчот на Манчестер сити ќе биде во почетниот состав на средбата со Италија. Де Бруин се повреди на почетокот на второто полувреме во осминафиналето против Португалија и го напушти мечот. Натпреварот Белгија – Италија ќе се одигра вечер од 21 часот во Минхен.

Де Бруин пред продолжување на договорот со Сити

Магдалена Андонова — Fri, 09 Oct 2020 07:08:32 +0000

Играчот за врска на Манчестер Сити, Кевин Де Бруин е близу нов договор со клубот, информира „Дејли Мејл“. Преговорите постигнаа значителен напредок во последните денови и наскоро се очекува белгискиот репрезентативец да потпише со „граѓаните“ до 2025 година. Актуелниот договор на Де Брујн е до 2023 година. Сепак, раководството на Ман Сити сака да го продолжи, што, се разбира, ќе доведе до зголемување на платата на играчот. Понудата е за неделна плата од 300.000 фунти плус разни бонуси. Преговорите со претставниците на Де Бруин започнаа на крајот на минатата сезона. Сè уште нема конечен договор, но постои желба за повторно потпишување од двете страни. Кевин Де Бруин е само првиот на списокот играчи што Манчестер Сити сака да ги награди со нови договори за нивната лојалност во периодот кога на клубот му се закануваше исфрлање од Лигата на шампионите на две сезони. (МИА)

Де Бруин одби да се пресели во Реал Мадрид

Предраг Кукиќ — Tue, 22 Jan 2019 08:56:21 +0000

Фудбалерот на Манчестер сити, Кевин де Бруин, ја отфрли идејата за негов трансфер во Реал Мадрид, објави „Дон Балон“. Белгиецот е целосно задоволен од неговата позиција во премиерлигашот и актуелен шампион на Англија. Оваа сезона, Де Бруин настапи на 13 натпревари во Премиер лигата, постигна три гола и оствари две асистенции.

Лоши вести за Сити: Де Бруин шест недели во аут, ги пропушта дуелите со Јунајтед и Челзи

Ивана Ефремовски — Fri, 02 Nov 2018 15:04:06 +0000

Најважниот играч за англискиот шампион Манчестер Сити во минатата сезона, Кевин де Бруин и натаму нема среќа од почетокот на оваа сезона. Откако пропушти два месеци поради повреда на десното колено, сега Белгиецот ќе биде во аут упте пет или шест недели, откако вчера се здоби со повреда на левото колено. Лошото е што овој пат има оштетување на лигаментите на коленото. Во официјалното соопштение на клубот се споменува дека не е неопходно Де Бруин да се оперира. Периодот од пет до шест недели отсуство, сепак ќе значи дека плејмејкерот на Сити ќе го пропушти дербито со Манчестер Јунајтед следниот викенд, а по секоја веројатност и дуелот со Челзи на „Стемфорд Бриџ“, кој треба да се одржи на 8 декември. Помеѓу овие два дерби меча се дуелите од Лигата на шампионите со Шахтјор Доњецк и Лион. Белгиецот го напушти теренот во 86-тата минута вчера во дуелот со Фулам и веднаш се упати кон тунелот на „Етихад“. Тоа беше едвај негов втор меч како стартер, откако се опорави од претходната повреда. (МИА)

Де Бруин се врати на теренот

Предраг Кукиќ — Mon, 01 Oct 2018 12:37:11 +0000

Белгискиот репрезентативец Кевин Де Бруин се врати на тренинзите, соопшти денес Манчестер Сити преку својата официјалната веб-страница. Дваесет и седумгодишниот играч од средниот ред поради повреда на левото колено здобиена на 15 август, беше отсутен од фудбалските терени. Де Бруин до повредата беше еден од најдобрите играчи на тимот од „Етихад“ и меѓу најзаслужните за освојувањето на шампионскиот трофеј минатата сезона. За белгискиот национален тим настапи на Светското првенство во јуни/јули и еден месец потоа, само што почна да фаќа ритам со својот клуб сериозно се повреди. (МИА)

Лидерот на Сити надвор од терените за три месеци

Ивона Петрова — Fri, 17 Aug 2018 12:56:27 +0000

Лидерот на Манчестер Сити, Кевин де Бруин ќе се опоравува во наредните три месеци, објавија од „Етихад“. Дваесет и седум-годишниот белгиски репрезентативец заработи повреда на лигаментите на десното колено на тренингот во средата. Лекарите сепак одлучиле дека операција не е потребна. Халфот ќе биде третиран со одмор и физиотерапија. Де Бруин, кој забележа 12 погодоци и 21 асистенција во минатата сезона во Премиерлигата, ќе ги пропушти клучните судири со Ливерпул (7-ми октомври), Тотенхем (28 октомври) и Манчестер Јунајтед (11 ноември). МИА

Де Брујн: Пред година и пол не знаев кој е Мбапе

Даниел Василев — Tue, 10 Jul 2018 13:24:04 +0000

Фудбалерот на белгиската репрезентација, Кевин де Брујн, истакна дека францускиот фудбалер Килијан Мбапе ќе стане голема фудбалска ѕвезда.

- Мбапе станува ѕвезда. Кога играв против Монако тој се уште не беше на ова ниво и во овој период воошто не го знаев. Но, во изминатата година и половина тој си најде место во клубот, се натпреваруваше во Лигата на шампионите и играше за репрезентацијата. Сега веќе е сосема друг играч и во следните 15 години ќе стане голема фудбалска ѕвезда. Имаше неверојатна година, а може да напредува и уште повеќе. Тој ќе биде опасен за нас, но ќе се обидеме да запреме, нагласи Де Брујн.

Белгија првпат по 1986 година се пласираше меѓу четирите најдобри екипи во светот, а вечерва во полуфиналниот напревар на Мундијалот во Русија ќе се соочи со Франција. МИА

Де Бруин не размислува за трофејот

Дарко Андоновски — Tue, 10 Jul 2018 06:07:42 +0000

Во пресрет на полуфиналниот натпревар против Франција на Светското фудбалско првенство, репрезентативецот на Белгија, Кевин де Бруин, вели дека тој и неговите соиграчи се целосно фокусирани на мечот и не размислуваат за трофејот. - Знаеме дека нашите навивачи очекуваат многу од нас. Имаме единствена атмосфера во тимот, а класата на играчи и нивото на тренерскиот персонал ни дозволуваат да се бориме за највисоките места. Не сакаме да зборуваме за освојување на Светското првенство. Ние се обидуваме да се концентрираме од натпревар на натпревар и да ја избегнеме еуфоријата. Но, ние сме уникатно решени да победиме на секој дуел и да го постигнеме максималниот можен резултат. Првото полуфинале од Мундијалот во Русија се игра вечер во Санкт Перебург со почеток во 20 часот.

Реал Мадрид спреми 250 милиони фунти за двете најголеми ѕвезди на Манчестер Сити

Матеја Петровски — Thu, 26 Apr 2018 13:17:16 +0000

Иако битката за можеби најважниот трофеј во клупскиот фудбал се уште е во полн ек, а Реал Мадрид е тимот кој после вчерашната победа на Баерн Минхен е чекор поблиску од својот противник до финалниот меч во Киев, сепак од кралскиот клуб веќе почнуваат размислуваат за засилувањата за наредната сезона. Како што известуваат англиските медиуми раководството на Реал Мадрид во летниот преоден рок ќе се обиде да ги ангажира најдобрите играчи на Манчестер Сити оваа сезона, Кевин Де Бруин и Лерој Сане. Се шпекулира дека актуелниот шампион е подготвен на англискиот шампион да му понуди 245 милиони фунти, од кои 175 би биле за Белгиецот, а 70 за Сане. Сепак, како што пишуваат медиумите тешко да дојде до овие трансфери. Имено, проблем кај Де Бруин претставува неговиот договор кој е со важност до 2023 година, додека понудата за Сане воопшто нема ниту да биде разгледана од Манчестер Сити.

Алан Ширер: Еве зошто Салах, а не Де Бруин

Даниел Василев — Mon, 16 Apr 2018 13:27:31 +0000

Поранешниот напаѓач Алан Ширер вели дека Мохамед Салах е најдобриот играч во Англија, откако во директен дуел Ливерпул го победи Манчестер Сити во Лигата на шампионите. Ширер пред двомечот на двете екипи во елитното натпреварување рече дека ќе сочека исходот, па ќе пресуди кој е подобар, Салах или Кевин де Бруин, зашто и двајцата имаат одлични сезони. Сити ја освои титулата, но Ливерпул помина во полуфиналето од ЛШ со 5:1 од двата напревари, а Салах ги предводеше „црвените“ со 40 голови во сите натпреварувања.

На скратениот список на конкуренти за наградата се Лирој Сане, Хари Кејн, Давид Силва и Давид де Хеа. -Никој не можеше да предвиди дека Салах ќе биде во ваква форма, кога потиша за Ливерпул минатото лето. Всушност, сите ги креваа рамениците кога Ливерпул плати 34.3 милиони фунти за него, иако тоа беше поради тоа како помина во Челси. Но сега го добива мојот глас за играч на годината, изјави Ширер. Легендата на Њукасл вели дека конечната одлука ја данел по одигрувањето на двомечот во ЛШ.