Кевин де Брујне – Kurir.mk

Де Брујне надвор од терените 3-4 месеци

Ивона Петрова — Tue, 15 Aug 2023 16:29:44 +0000

Фудбалерот на Манчестер сити Кевин де Брујне ќе биде надвор од терените околу четири месеци. Во натпреварот од 1. коло на Премиер лигата против Барнли (3:0), Белгиецот поради повреда го напушти теренот во 23. минута. - Повредата е сериозна. Треба да одлучиме дали ќе прави операција, но тој ќе биде надвор од теренот подолго време. Одлуката ќе биде донесена во следните неколку дена. Ќе пропушти три или четири месеци, изјави менаџерот на Манчестер сити, Пеп Гвардиола. Де Брујне во петокот го играше само вториот официјален натпревар по финалето на Лигата на шампионите 2022/23, каде беше заменет во 36. минута поради повреда на бутниот мускул.

Кевин Де Брујне ќе го пропушти стартот на новата сезона

Бошко Тасиќ — Tue, 27 Jun 2023 05:13:32 +0000

Манчестер Сити на стартот на новата сезона ќе мора да тргне без еден од најдобрите во тимот, Кевин де Брујне откако Белгиецот се повреди во финалето на фудбалската Лига на шампиони, кое неговиот тим подоцна го доби со 1-0. Според информациите, Де Брујне ја скина тетивата на ногата во Истанбул и повредата е од посериозна природа, меѓутоа одличниот офанзивен играч за врска има среќа и не мора да оди на операција но ќе го пропушти почетокот на сезоната. Сити стартува на шести август во Комјунити шилд финалето против Арсенал, а пет дена подоцна е дуелот со Барнли. Де Брујне ќе пропушти барем неколку натпревари, целта е да биде подготвен за европскиот Суперкуп во Атина на 16 август.

Гвардиола: Подај ја топката!…Де Брујне: Замолчи! (ВИДЕО)

Ристе Здравков — Thu, 18 May 2023 11:15:41 +0000

Манчестер Сити лесно го совлада Реал Мадрид на „Етихад“ со 4:0 и се пласираше во финалето на Лигата на шампионите со вкупен резултат 5:1. Бернардо Силва ги постигна првите два гола за Сити, третиот беше автогол на Едер Милитао, а четвртиот погодок беше дело на Хулијан Алварез. Иако за англискиот шампион сè помина без проблеми, во текот на играта имаше и жестоки дијалози меѓу Пеп Гвардиола и неговите фудбалери. Се случи вистинска кавга меѓу Гвардиола и Кевин Де Брујне среде натпревар. Сега се појави и ново видео, кое ги открива зборовите што си ги кажаа. „Подај ја топката!“, ѝ викна Гвардиола на својата ѕвезда која предолго ја влечеше и ја загуби. Тоа воопшто не му се допадна на Де Брујне, па веднаш се сврте кон клупата и почна да вика: „Замолчи! Замолчи!“

Guardiola: “Pass the ball, Pass the ball!” Kevin De Bruyne: “Shut up! Shut Up!” 🤣👊 pic.twitter.com/2kejPutE0s
— Football Fights (@footbalIfights) May 18, 2023

Кевин Де Брујне под знак прашалник за мечот против Реал Мадрид во ЛШ

Бошко Тасиќ — Mon, 01 May 2023 17:04:22 +0000

Манчестер Сити на 9. април гостува на Реал Мадрид во рамките од првиот 1/2 финален меч во Лигата на шампионите, а белгискиот фудбалер Кевин Де Брујне е под знак прашалник за настап на овој натпревар. Сити покрај тоа што има предизвик да влезе во финалето во Лигата на шампионите има и битка за титулата во Премиерлигата, а неиграње на Де Брујне и тоа како може да влијае на нивните цели во финишот на сезоната. Де Брујне, кој со две асистенции беше еден од најзаслужните за победата над Арсенал (4:1), побарал замена во 80. минута, а наследниот меч против Фулам не настапи. Гвардиола изјави дека не бил во комбинација поради ситна повреда и поради тоа што не се чувствувал добро, а менаџерот на Сити не знаеше да одговори на прашањето кога играчот од средниот ред ќе се врати на терените.

Де Брујне: Знам дека не можеме да играме како Манчестер сити

Бошко Тасиќ — Sat, 26 Nov 2022 06:19:29 +0000

Фудбалската репрезентација на Белгија во првото коло на Светското првенство среќно ја совлада Канада со 1:0, а за време на мечот, главната ѕвезда на Црвените ѓаволи, Кевин де Брујне, често го изразуваше своето незадоволство со разни гестикулации. Де Брујне на прес-конференцијата пред дуелот со Мароко во второто коло, ја објасни причината за неговите гестикулации. „Знам дека не можеме да играме како Манчестер сити. Во репрезентацијата мора да се прилагодите на играчите што ги имате околу вас. Дали понекогаш ме фрустрира тоа? Да, но би требало помалку да го покажувам на теренот иако целам кон совршенство“, изјави Де Брујне. Белгиецот не пропушти да ја поздрави одлуката на управата на Манчестер јунајтед што успеа да го продолжи договорот со менаџерот Пеп Гвардиола. „Таа одлука ми го олеснува животот. Начинот на кој Гвардиола ја води екипата е јасен и се чувствувам многу пријатно со него. Сега на двајцата договорот ни истекува во 2025 година и не можам да бидам посреќен поради тоа“, рече Де Брујне.

Де Брујне: Не знам зошто ме прогласија за најдобар играч на натпреварот со Канада

Ивана Ефремовски — Thu, 24 Nov 2022 08:27:15 +0000

Кевин де Брујне е зачуден зошто го доби признанието за најдобар играч на синоќешниот дуел со Канада на Светското првенство 2022. Белгија во Ал Рајан ја победи Канада со 1:0 во натпревар кој не ги исполни очекувањата на фудбалската јавност. -Мислам дека не одиграв добар натпревар. Не разбирам зошто такво признание за мене. Можеби поради името? – изјави зачудено Де Брујне. Белгија по првото коло е лидер во Ф-групата со три бода, Хрватска и Мароко имаат по еден, Канада е без бод. (МИА)

Де Брујне навести дека Светското првенство во Катар може да му биде последно

Катерина Бојаџиева — Mon, 31 Oct 2022 19:39:18 +0000

Фудбалерот на Манчестер сити, Кевин де Брујне навести дека Светското првенство во Катар ќе биде негово последно во кариерата. – Веќе имам 31 година и очигледно не знам што ќе се случи за четири години. Ова е мој трет Мундијал. Сфаќам дека моето време во репрезентацијата е при крај. Но, ние не разговараме за тоа со соиграчите. Имаме многу напорен распоред, изјави играчот од средниот ред на Манчестер сити и Белгија. На Светското првенство во Катар (20 ноември – 18 декември) Белгија ќе игра во Ф-групата со репрезентациите на Хрватска, Канада и Мексико.

Меси и Де Брујне лидери по асистенции во Топ 5 лигите

Дарко Андоновски — Sat, 22 Oct 2022 14:53:39 +0000

Напаѓачот на Пари Сен-Жермен, Лионел Меси постигна гол и две асистенции на натпреварот од Лига 1 против Ајачио (3:0). Аргентинецот сега има девет асистенции во францускиот шампионат 2022/23. Меси, заедно со играчот од средниот ред на Манчестер сити, Кевин де Брујне, водат по бројот на асистенции оваа сезона меѓу играчите во најдобрите пет лиги во Европа.

Бензема, Куртоа и Де Брујне номинирани за наградата играч на годината на УЕФА за 2021/22

Тале Кристо — Fri, 12 Aug 2022 16:33:26 +0000

Познати се номинираните за наградата на Европската фудбалска асоцијација за најдобар играч во сезоната 2021/22. Напаѓачот на Реал Мадрид, Карим Бензема, голманот на Реал Мадрид, Тибо Куртоа и играчот од средниот ред на Манчестер сити, Кевин Де Брујне се во конкуренција за титулата, објави официјалниот сајт на УЕФА. Бензема стана најдобар стрелец на турнирот во сезоната 2021/22 во Лигата на шампионите, постигнувајќи 15 гола. За најдобар голман на турнирот беше прогласен Куртоа. Де Брујне беше прогласен за играч на сезоната во Премиер лигата, каде повторно ја освои титулата. Свечената церемонија на која ќе биде прогласен најдобриот ќе се одржи на 25 август. Имено, напаѓачот на ПСЖ, Лионел Меси и напаѓачот на Манчестер Јунајтед, Кристијано Роналдо за првпат не се најдоа меѓу 15-те најдобри играчи на годината според УЕФА.

Де Брујне искрен: Лигата на нации е неважно натпреварување

Ристе Здравков — Tue, 31 May 2022 17:59:42 +0000

Кевин де Брујне, најдобриот фудбалер на Манчестер Сити и Белгија, не е премногу среќен што по завршувањето на клупската сезона мора да игра во натпревари во Лигата на нации. Според календарот на УЕФА, почетокот на јуни е резервиран за репрезентативен фудбал, но поради густиот распоред и фактот што Светското првенство во Катар ќе се игра во ноември и декември, националните селекции во овој период ќе одиграат дури по четири натпревари. „Лигата на нации е неважна во моите очи. Ова се само обични пријателски натпревари по долга и тешка сезона. Не се радувам на тоа“, рече Де Брујне. Со неговата Белгија во следниот период ќе одиграат четири натпревари, против Холандија (3 јуни), Полска (8 јуни), Велс (11 јуни) и повторно Полска (14 јуни).