кевин дурант – Kurir.mk

Дурант за марихуаната: Ова е НБА, сите овде ја користат

Дарко Андоновски — Thu, 27 Jul 2023 06:59:11 +0000

Кевин Дурант проговори за популарноста на марихуаната во НБА. Ѕвездата на Феникс, Кевин Дурент, призна дека бил еден од луѓето кои го убедиле комесарот на НБА, Адам Силвер да ја укине забраната за марихуана. - Всушност, му се јавив на Адам Силвер и го повикав да ја отстрани марихуаната од листата на забранети супстанции. Распространета е низ земјата и низ светот, односот кон него веќе не е негативен како порано. Адам Силвер се согласи со мене. Кога дојдов на средбата со Силвер, тој веднаш почувствува мирис и сфати каде оди се. Не морав многу да кажам. Ова е НБА. Да бидам искрен, сите овде ја користат. Сега марихуаната е како вино, изјави, Дурант. Во НФЛ-лигата марихуаната не е забранета.

Дурант доби лекарска дозвола за да продолжи со тренинзите

Ивона Петрова — Tue, 24 Jan 2023 20:13:24 +0000

Кошаркарот на Бруклин, Кевин Дурант добро закрепнува од истегнувањето на лигамент на десното колено, објави инсајдерот Шамс Чаранија. Триесет и четиригодишниот кошаркар доби лекарска дозвола да продолжи со тренинзите оваа недела. Следниот преглед ќе се одржи за две недели. Кошаркарот очекува да се врати на терените пред Ол-стар натпреварот (19 февруари) и да учествува на овој настан. Во тековната НБА-сезона, Дурант има просек од 30 поени, 6,8 скока и 5,4 асистенции со 1,5 блокади за 36,1 минута игра по натпревар.

Дурант: Мојот прв НБА дрес беше од Винс Картер од Торонто

Дарко Андоновски — Tue, 01 Nov 2022 08:11:12 +0000

Напаѓачот на Бруклин нетс, Кевин Дурент постигна 36 поени ноќеска во победата над Индијана (116:109) и го престигна славниот Винс Картер на листата на најефикасни играчи во НБА. – Многу ми значи. Сакам да постигнувам поени. Ова е суштината на играта. Затоа сите играме кошарка. Го менуваме резултатот на семафорот, ја менуваме играта, не споменуваат заедно со легендите. Мојот прв НБА дрес е од Винс Картер од времето кога играше за Торонто. Порано го следев на млада возраст, а сега го победив по постигнати поени. Ова е важен момент во мојата кариера, рече Дурант. Ѕвездата на Бруклин сега има 25.754 поени во кариерата, додека Картер има 25.728. Дурант се искачи на 19. место на вечната листа стрелци во најсилната кошаркарска лига на светот.

Дурант: Играме одбрана недисциплинирано и премногу агресивно

Магдалена Андонова — Sun, 03 Apr 2022 11:43:59 +0000

Кошаркарот на Бруклин, Кевин Дурант, изјави дека многуте прекршоци биле причина за поразот од Атланта (115:122) и ја нарече дефанзивната игра на неговиот тим „недисциплинирана“. – Рано влегувавме во бонус. На противникот му даваме дополнителна предност на почетокот на секоја четвртина. Односот во бројот на реализирани слободни фрлања беше 37:14. И тоа не поради судиите, туку затоа што играме недисциплинирано и премногу агресивно. Тие постигнаа 42 проценти од полето и 31 проценти од зад лакот. Ова се добри показатели за одбраната. Тие направија само два скока и една асистенција повеќе од нас. Решавачки беа фаулите. Не можеме да играме така ако сакаме да победиме, изјави Дурант. Атланта изведоа 49 слободни фрлања во натпреварот, додека Нетс 19. По овој пораз, Бруклин нетс се на 9.место во Источната конференција од НБА-лигата со биланс 40 победи и 38 загубени натпревари. Атланта е едно место погоре со ефект 41 победа и 37 порази. (МИА)

Дурант ќе се врати на теренот против Мајами

Ивона Петрова — Thu, 03 Mar 2022 08:47:06 +0000

Ѕвездата на Бруклин, Кевин Дурант ќе се врати од повредата на гостувањето кај Мајами. Натпреварот е закажан за 1.30 часот по полноќ. Дурант ги повреди лигаментите на коленото во средината на јануари и оттогаш е надвор од терените. Кошаркарот оваа сезона има просек од 29,3 поени, 7,4 скока и 5,8 асистенции по натпревар. За време на отсуството на нивниот лидер, Бруклин наиде на тешкотии и падна на осмото место на табелата во Источната конференција.

Тејтум во почетната петорка на Ол-стар натпреварот на местото на Дурант

Ивона Петрова — Tue, 08 Feb 2022 08:37:55 +0000

Кошаркарот на Бруклин нетс, Кевин Дурант, ќе го пропушти Ол-стар натпреварот од НБА-лигата поради повреда. Местото на Дурант ќе го заземе играчот на Бостон селтикс Џејсон Тејтум, кој првично беше вклучен во резервите. Тејтум оваа сезона има просек од 25,6 поени, 8,5 скока и 4,1 асистенции по натпревар. Седумдесет и првиот натпревар на сите ѕвезди во НБА-лигата ќе се одржи на 20 февруари во Кливленд

Кевин Дурант треба да се врати на кошаркарските терени оваа недела

Дарко Андоновски — Tue, 28 Dec 2021 14:36:38 +0000

Ѕвездата на НБА-лигашот Бруклин нетс, Кевин Дурент, се очекува да се врати на терените оваа недела. Дурант моментално е во карантин. Во четврток Бруклин ќе игра на домашен терен против Филаделфија. – Постои голема веројатност Кевин да биде со нас за кога ќе се вратиме дома по денешниот натпревар со Лос Анџелес клиперс . Што се однесува до Кајри Ирвинг, не сум сигурен, но и овој момент се ближи. Во неговиот случај ќе ни требаат уште една или две недели за да влезе во форма. Тој не тренираше со нас откако беше во тренинг кампот во октомври, соопшти тренерот на Нетс, Стив Неш. Следните гостувања на Бруклин се во јануари: Индијана (6 јануари), Чикаго (13 јануари), Кливленд (17 јануари).

НБА: Блескава партија на Дурант

Магдалена Андонова — Mon, 13 Dec 2021 09:29:51 +0000

Кевин Дурант со 51 поени ја предводеше синоќа екипата на Бруклин до гостинска победа над Детроит од 116:104, нанесувајќи им го на домаќините 12. пораз во серија сезонава во НБА лигата. Ефектот на Дурант го урна рекордот во Арената во Детроит, кој досега со 50 поени го држеше поранешниот кошаркар на „Пистонси“, а сегашен член на Бруклин, Блејк Грифин. На своите 51 поени, Дурант додаде и девет асистенции и седум скокови, а Бруклин ја забележа третата победа на последните четири натпревари. Резултати на натпреварите во НБА лигата одиграни ноќта меѓу неделата и понеделник: Оклахома – Далас 84:103 Њујорк – Милвоки 97:112 Детроит – Бруклин 104:116 Сан Антонио – Њу Орлеанс 112:97 Портланд – Минесота 111:116 Лос Анџелес лејкерс – Орландо 106:94. (МИА)

Навивачите во Милвоки скандираа навредливи зборови кон Дурант (ВИДЕО)

Ивана Ефремовски — Fri, 11 Jun 2021 07:06:06 +0000

Навивачите на Милвоки бакс упатија навредливи зборови кон лидерот на Бруклин нетс, Кевин Дурант, ноќеска на мечот број 3 од полуфиналната серија на Источната конференција. Во арената во Милвоки кон Дурант се скандираше: „Е.. се КД“ Токму Дурант ги постигна последните 9 поени на Бруклин на натпреварот, но тоа не беше доволно неговиот тим да избегне поразот (83:86). Дурант средбата ја заврши со 30 поени, 11 скока, 5 асистенции и 4 украдени топки.

The Milwaukee Bucks fans serenade Kevin Durant with "Fuck KD" chants pic.twitter.com/6egm0qh61W
— Sex Drugs PicknRoll (@Hoop_Hoop_News) June 11, 2021

Сред натпревар пратен во изолација: Хаотична ноќ во НБА

Катерина Бојаџиева — Sat, 06 Feb 2021 10:33:46 +0000

Гостинскиот триумф на Торонто над Бруклин од 123:117 остана синоќа во сенка на хаосот што се случуваше вон и на теренот, откако кошаркарот на „Нетси“ Кевин Дурант се најде под посебен надзор поради анти-Ковид протоколот. Како што јавија американските медиуми, на целиот хаос претходел контакт на Дурант со лице кое пред натпреварот добило неуверлив резултат на тестот на коронавирус. Поради тоа, на кошаркарот на „Нетси“ не му беше дозволено да му се приклучи на тимот, но по долго натегање раководството на НБА лигата ја смени одлуката и Дурант доби дозвола да го одигра натпреварот. Ѕвездата на Бруклин мина 20 минути на паркетот и постигна осум поени пред да стигне веста дека тестот, на лицето со кое бил во контакт, сепак, е позитивен, по што Дурант беше изнесен надвор од теренот и крајот на мечот до дочека во соблекувалната. Раководството на НБА лигата, во меѓувреме, му изрече забрана на Дурант да биде со екипата на следното гостување на Бруклин против Филаделфија. Дурант, кој неодамна се излечи од коронавирус, своето незадоволство го изрази преку социјалните мрежи, испраќајќи кратка порака до челните луѓе на НБА лигата: „Ослободете ме“.