кевин дурент – Kurir.mk

Кевин Дурент потпиша доживотен договор со „Најк“.

Бошко Тасиќ — Sat, 29 Apr 2023 06:22:47 +0000

Кевин Дурeнт ќе го предводи Феникс во полуфиналната серија на Западната конференција против Денвер во НБА лигата, а кошаркарската мегаѕвезда во меѓувреме потпиша значаен договор, со кој до крајот на животот ќе остане заштитно лице на компанијата „Најк“. Дурант првиот договор со оваа компанија го потпиша во својата дебитантска сезона во НБА, во 2007 година. Во изминатиот период беа произведени 15 модели на брендирани патики со потписот на големиот ас, во подготовка е и 16. модел, за соработката да биде крунисана до доживотниот договор потпишан денеска, со што Дурант ги следи стапките на Мајкл Џордан и на Леброн Џејмс, кои имаат вакви договори со американската компанија за спортска опрема.

„Кога за првпат потпишав со Најк, не можев ни да сонувам дека ова ќе биде толку успешно партнерство. Завршивме извонредна работа од креативен аспект, но и филантропски гледано. Го прошетавме светот заедно и изградивме бизнис што со овој договор ќе трае засекогаш“, изјави Дурант по потписот на договорот.

Кевин Дурант три недели надвор од терените

Бошко Тасиќ — Sat, 11 Mar 2023 05:44:29 +0000

Американскиот кошаркар Кевин Дурент поради повреда на зглобот ќе отсуствува три недели, соопштија од Феникс. По прегледите со магнетна резонанца, утврдено е дека паузата ќе биде значително пократка од првично претпоставеното. Дурант го повреди зглобот на загревањето пред натпреварот со Оклахома Сити Тандер. Откако дојде од Бруклин, Дурант одигра три натпревари за Феникс, со просек од 26,7 поени, 7,3 скока и 3,7 асистенции.

Дурант во аут до крајот на регуларниот дел од сезоната

Бошко Тасиќ — Fri, 10 Mar 2023 05:46:54 +0000

Публиката во Феникс синоќа требаше да види домашното деби на Кевин Дурант како член на Санс, но НБА ѕвездата се повреди на загревањето пред мечот со Оклахома Сити тандер. Информациите од САД се дека Дурант можеби ќе паузира до крајот на регуларната сезона, и на терен ќе се врати кога ќе почне плејофот.

Кевин Дурент ќе паузира уште две седмици

Бошко Тасиќ — Thu, 26 Jan 2023 06:08:55 +0000

Американскиот кошаркар Кевин Дурент, во моментов е надвор од терените поради повреда. Тој го повреди коленото на 8 јануари кога Бруклин го победи Мајами со 102:101 и оттогаш не е дел од тимот. Според информациите од САД, Дурент ќе паузира најмалку уште две седмици. Тој на 39 одиграни натпревари има просек од 29,7 поени и 5,3 асистенции. Бруклин во моментот се наоѓа на четвртата позиција во Источната конференција со ефект од 29 победи и 17 порази.

Бруклин без ѕвездата две седмици

Бошко Тасиќ — Tue, 10 Jan 2023 05:45:52 +0000

Екипата на Бруклин Нетс доби лоши вести околу Кевин Дурант затоа што играчот има оштетени лигаменти и го очекува пауза од најмалку две недели. За време на третиот квартал од дуелот со Мајами Хит, Дурант доживеа повреда и повеќе не се врати во игра. Прегледите утврдија дека играчот има оштетени лигаменти, повреда која не е воопшто наивна, па го чека пауза. Дурант ќе паузира 14 дена, а потоа ќе се види каква ќе биде неговата состојба. Поволна околност за играчот е што не го повреди левото колено на кое има направено две операции низ историјата.

Газдата на Бруклин реши – Ирвинг и Дурант на продажба

Бошко Тасиќ — Sun, 06 Nov 2022 16:01:59 +0000

Кајри Ирвинг беше суспендиран на најмалку 5 натпревари поради јавно промовирање на книга поврзана со антисемитизам, а потоа не се извини. Не само што не покажа каење, туку и продолжи да ги брани своите ставови. На крајот дојде извинување, но само кога лигата се сврти против него. Нетс го суспендираа до понатамошно известување, а неговото враќање на паркетот ќе зависи од неговите понатамошни чекори во форма на дејствија кон еврејската заедница во Бруклин. Договорот на Ирвинг вреден 37 милиони долари годишно истекува следното лето, а според американските медиуми поврзани со Нетс, клубот преку трејд ќе се обиде што поскоро да се ослободи од Ирвинг. Слична судбина може да го снајде и Кевин Дурент, близок пријател на Ирвинг. На почетокот на летото, Дурент побара трејд од Нетси и покрај тоа што потпиша нов повеќегодишен договор минатата година, а потоа го повлече барањето. Меѓутоа, бидејќи Дурент и Ирвинг се блиски пријатели, а Нетс не ја отвори добро сезоната, НБА тимовите ги реактивираа преговорите за трејдот поврзан со Дурент.

Дурент останува во Бруклин

Бошко Тасиќ — Tue, 23 Aug 2022 18:39:07 +0000

Кевин Дурент останува член на Бруклин нетс, објавија од НБА клубот, преку изјава од генералниот менаџер на клубот, Шон Маркс, ставајќи крај на шпекулациите околу иднината на ѕвездата. „Тренерот Стив Неш и јас се сретнавме со Кевин Дурент и Рич Клајмен во Лос Анџелес вчера и се согласивме да продолжиме со нашето партнерство. Се фокусираме на кошарката со единствена цел – да се изгради тим кој ќе ја донесе титулата во Бруклин“, изјави Маркс. Дурент првично побара трејд на 30 јуни, а потоа во разговор со газдите на клубот изјави дека мора да бираат помеѓу него и двојката Неш-Маркс. Сепак, Неш и Маркс си ја задржаа својата работа, а Дурент ќе го исполни четиригодишниот договор вреден 198 милиони долари.

Дурант: Нема да се пензионирам

Тале Кристо — Tue, 16 Aug 2022 08:36:10 +0000

Напаѓачот на Бруклин, Кевин Дурент ги демантираше информациите дека е подготвен да се пензионира доколку Нетс не се согласат да го разменат во друг тим. – Знам дека повеќето веруваат во анонимните извори кои објавуваат информации за мене, но ако некој слушне што имам да кажам, тогаш треба да знаете дека не планирам да ја завршам кариерата во блиска иднина. Во тек е некој е.ан циркус, напиша Дурент на Твитер. Кевин Дурент побара од сопственикот на Нетс, Џозеф Цаи, да го размени со друг тим или да ги отпушти генералниот менаџер Шон Маркс и главниот тренер Стив Неш. Цаи сè уште не се произнел за ултиматумот на Дурант.

Дурант би можел да остане во Бруклин Нетс

Бошко Тасиќ — Thu, 04 Aug 2022 06:48:09 +0000

Tрансфер сагата околу Кевин Дурант продолжува, а исходот би можел да биде и останување во Бруклин Нетс. Една од најголемите ѕвезди во НБА лигата побара трејд, клубот сакаше да му излезе во пресрет и работеше на зделка со заинтересираните страни, ама не може да се изнајде решение. Најмногу се споменуваше Бостон Селтикс и можен трејд со Џејлен Браун, што сега се чини далечно. Поради недостатокот на поволни опции, американските медиуми пренесоа дека Дурант побарал нов состанок со управата на Бруклин. На него се очекува ѕвездата да разговара за потенцијално останување во Њујорк, доколку добие гаранции за одредени промени во франшизата.

Дурент би можел да се врати во Голден стејт

Бошко Тасиќ — Sat, 16 Jul 2022 07:15:52 +0000

Американскиот кошаркар Кевин Дурент, еден од најдобрите крилни кошаркари на сите времиња, беше мета на огромни критики кога во 2016 година реши да ги засили Голден стејт Вориорс од редовите на Оклахома сити Тандер. Како ќе реагира кошаркарската јавност во САД доколку Дурент реши повторно да им се придружи на Стив Кер, Стеф Кари, Дрејмонд Грин, Клеј Томпсон и Андре Игудала?! Токму тоа би можело да се случи, тврди популарниот американски спортски новинар Крис Брусард. „Еден од моите доверливи извори ми испрати порака веднаш штом се појави информацијата дека Дурент побарал трејд. Таа личност ми кажа дека Дурент повеќе не сака да игра со Кајри Ирвинг и дека Дурент сака да се врати во Голден стејт“, изјави Крис Брусард.