Кевин Харт – Kurir.mk

Кевин Харт и Крис Рок со заедничка турнеја во САД

Тале Кристо — Wed, 09 Mar 2022 09:16:08 +0000

Комичарите Кевин Харт и Крис Рок ја најавија својата заедничка „стенд-ап“ турнеја во САД, под наслов „Only Headliners Allowed“. Настапите се закажани за во Њујорк и Њу Џерси, од 21 до 25 јули. Билетите ќе бидат пуштени во продажба в петок, 11 март. „Крис секогаш ми беше ментор и, уште поважно, тој е мој брат и другар во оваа комедија. Едвај чекам да ја напишам историјата со него и да ги уништам овие пазари!!!! Закопчајте ги коланитее, ‘дечки’… Полетуваме!“, напиша Харт на Инстаграм, а Рок додаде – „Следуваат уште датуми“. Харт минатиот месец ја потврди и својата солотурнеја со 30 датуми која ќе трае од јули до октомври.

Славниот актер остана без милион долари, знае кој и како го ограбил

Ивана Ефремовски — Thu, 11 Feb 2021 11:06:24 +0000

Американскиот комичар Кевин Харт, наводно, бил жртва на серија кражби од свој вработен, кој „го олеснил“ глумецот за над милион долари. Харт го тужи Дилан Сајер – својот личен „купувач“ кој работи за него од 2015 година. Според судските документи, кражбите се случиле меѓу октомври 2017 и февруари 2019 година, а штетата изнесува вкупно 1,2 милиони американски долари. Сајер, според наводите, ја користел кредитната картичка на глумецот, за да ја полни својата сметка. Првото рочиште е закажано за 17 февруари. Ако се докаже вина, Сајер се соочува со 25 години казна затвор. (МИА)

Славниот актер стана татко по четврти пат

Ивана Ефремовски — Sat, 03 Oct 2020 10:18:58 +0000

Американскиот актер и комичар Кевин Харт (41) и неговата сопруга Енико Харт (36) пред три дена станаа родители на девојче. Сопругата на актерот објави илустрирана слика на својот Инстаграм профил на која пишува „9 месеци се подготвував да се вљубам за цел живот“. Енико открила дека девојчето се вика Каори Меи Харт и дека веќе им ги „украла“ срцата. Брачниот пар е пресреќен за својата принова. Енико и Кевин се во брак од 2016 година и го имаат синот Кензо Кеша (2). Комичарот претходно беше во брак со Тореј Харт од 2003 до 2011 годинак со која имаат две деца Хејвеј (15) и синот Хендрикс (12).

Холивудска ѕвезда со тешки повреди преживеа сообраќајка (ФОТО)

Предраг Кукиќ — Mon, 02 Sep 2019 13:55:12 +0000

Комичарот Кевин Харт е пренесен в болница по сообраќаната несреќа што се сучи вчера на автопат близу Лос Анџелес. Глумецот бил еден од двајцата присутни во неговиот „олдтајмер“ Плимут баракуда, кога возачот загубил контрола и удрил во ридот покрај патот. Харт притоа се здобил со посериозни повреди на грбот, но е вон животна опасност. Возачот е, исто така, примен в болница.

СРАМОТА: Славниот актер “мртов“ пијан, се држеше за сопругата бидејќи не можеше да се движи (ФОТО)

Ивана Ефремовски — Mon, 08 Jul 2019 20:18:21 +0000

Познатиот холивудски комичар Кевин Харт, толку се испијанил на прославата на својот 40-ти роденден што мораше да се држи за сопругата за да влезе во автомобил. Популарниот актер навистина претера со пиењето на прославата. Папараците не смееја да влезат на забавата, но затоа трпеливо го чекаа крајот. Харт беше толку пијан што мораше да се држи за сопругата Енико Харт, која се криеше зад телохранителите. Познатиот актер дури и не можеше да ги држи очите отворени. Ова, за славна личност, е голем срам.

„Се плашам дека детето ќе ми биде геј“- поради оваа изјава Кевин Харт нема да ги води Оскарите

Ивана Ефремовски — Fri, 07 Dec 2018 10:52:24 +0000

Комичарот и актер Кевин Харт објави дека се повлекува од улогата на водител на претстојната церемонија на доделување Оскари по контроверзите околу негови стари хомофобични ставови. Тој кажа дека не сака да биде во центар на внимание и дека му е жал ако повредил некого. Харт беше избран за водител пред само три дена, по што во јавноста излегоа десетина години стари твитови во кои тој негативно зборува за хомосексуалци, што ја стави Академијата за филм под притисок да го отпушти. „Водењето на Оскарите ми беше голема желба одамна. Решив да се повлечам, бидејќи не сакам да привлекувам внимание во ноќта кога треба да се слават сите тие неверојатни таленти. Искрено ѝ се извинувам на ЛГБТ заедницата за моите нечувствителни зборови од минатото“, напиша Харт на Твитер. Контроверзните коментари на Харт датираат од 2010 година, од времето на неговите настапи како комичар. „Еден од моите најголеми стравови е дека детето ќе ми биде геј кога ќе порасне. Јас не сум хомофобичен, немам ништо против хомосексуалци, но како хетеро маж, ако можам да го спречам син ми да не стане геј, ќе го направам тоа“, е една од спорните изјави на Харт.

Кевин Харт ќе ги води Оскарите

Ивона Петрова — Wed, 05 Dec 2018 07:59:43 +0000

Американскиот комичар Кевин Харт, познат по филмот „Џуманџи: Добредојдовте во џунглата“, ќе ја води церемонијата за доделување на наградите Оскар за 2019 година, соопшти актерот на Инстаграм. Церемонијата ќе се емитува на Еј-Би-Си на 24 февруари. – Исклучително се радувам да кажам дека конечно дојде и мојот ред да го водам доделувањето на Оскарите. Да се приклучам кон легендарниот список на водители на таа сцена е нешто неверојатно, напиша Харт неколку часа откако списанието „Холивуд репортер“ објави статија во која наведе дека водител на Оскарите е најмалку посакуваната работа во Холивуд. Американската академија за филм, која ги доделува наградите, ја потврди на Твитер одлуката за Харт и истакна дека многу се радува на реакцијата на 39-годишниот актер. Вообичаено, името на водителот на церемонијата го објавува самата Академија. МИА

Филм кој ќе ви ги разбуди сите емоции: Следува пријателство кое никој не го очекуваше (ВИДЕО)

Ивана Ефремовски — Tue, 09 Oct 2018 17:21:02 +0000

„Ова е филм кој вас ќе ве насмее до солзи, но и емотивно ќе ве допре“, се најавува од продукцијата на филмот „The Upside“ во кој главните улоги ги имаат Брајан Кренстон и Кевин Харт, како и оскаровската Никол Кидман. Станува збор за пријателство кое никој не го очекуваше помеѓу милијардерот кој е параплегичар и некогашниот осуденик кој е најмен да му помогне. Кидман пак го глуми ликот на асистентка на Кренстон. Трејлерот е дефинитивно забавен и многумина истакнуваат дека по бројните блесави комедии, ова е првиот филм каде ќе го видиме Кевин Харт во малку посериозен свет. Филмот во кината ќе почне да се прикажува од 11. јануари 2019-та година.