кфц – Kurir.mk

Лудост која никогаш не би ви паднала на памет – дошол со тенк да нарача сендвич, реакцијата на вработените стана вирална (ВИДЕО)

Дарко Андоновски — Thu, 06 Oct 2022 09:26:59 +0000

Речиси нормално е да одите во ресторан за брза храна со автомобил и притоа истата само да ја подигнете, додека претходно ја имате нарачано да ви се приготвува. Но, речиси несекојдневно е кога работите како продавач на храна и наместо автомобил, пред вас застанува тенк чиј сопственик претходно ви нарачал храна за носење. Такво нешто се осмели да направи Еди Хол, наречен „The beast“, чие видео е речиси вирално неколку дена по објавувањето. Тој седна во тенк и нарача храна од КФЦ, а како изгледаше целата ситуација, погледнете во продолжение:

KFC и Pizza Hut ја прекинаа работата во Русија

Ристе Здравков — Wed, 09 Mar 2022 09:31:00 +0000

Во Русија се затвораат големите синџири за храна KFC и Pizza Hut. Yum Brands Inc, матичната компанија на два синџира за брза храна, вчера соопшти дека ги запира инвестициите во Русија и ги затвора своите ресторани. Yum има најмалку 1.000 KFC и 50 локации на Pizza Hut во Русија.

КФЦ го најави првото 3-Д печатено пилешко во светот

Тале Кристо — Mon, 20 Jul 2020 07:28:35 +0000

Синџирот ресторани КФЦ од Кентаки (САД), има намера да биде првиот во светот што ќе служи производи од пилешко месо, направени во лабораторија. За да ја постигнат таа цел, тие побараа помош од руски стручни лица за 3-Д печатење. КФЦ истакнува дека тоа би биле „ресторани на иднината“, што ќе се обидат да го постигнат во соработка со руската компанија 3-Д Биопринтинг солушнс, којашто ќе го печати пилешкото месо. Притоа, „испечатената“ храна треба да го има оној познат вкус на КФЦ. КФЦ, се решиле на овој чекор, како што велат оттаму, поради тоа што науката укажува дека „конвенционалниот начин на производство на месото е штетен“ за животната средина. – Печатењето во 3-Д е широко користен во медицината и сега сѐ повеќе се користи и во производството на храна… Се надевам, оваа технологија ќе го забрза производството на храна, рече Јусеф Кесуани, еден од основачите на 3-Д Биопринтинг солушнс. Печатењето 3-Д човечки органи за трансплантација е нешто на коешто научниците работат подолго време и имаат одредени резултати. Имено, тие успеваат да создадат солидни имитации на вистински органи, но фунционалноста е она што треба да се усовршува. Во прехранбената индустрија, од друга страна, тоа и не е дотолку потребно. Првото 3-Д печатено пилешко треба да се појави во Москва оваа есен.

Затворен „KFC” во Скопје Сити Мол, позната е причината

Ивана Ефремовски — Wed, 03 Oct 2018 16:00:59 +0000

Популарниот американски ресторан за брза храна „KFC“ од утрово не работи, пренесе Лидер. Ресторанот беше отворен од неодамна во Македонија, со локација во Скопје Сити Мол.

Американски КФЦ на 14 септември ги отвора првите два ресторана во Македонија

Предраг Кукиќ — Tue, 14 Aug 2018 08:18:07 +0000

Првите два ресторана на американскиот бренд КФЦ ќе бидат отворени во Скопје и Тетово на 14 септември годинава. Ова го најави сопственикот на лиценцата Фатмир Зимбери. Сопственикот на лиценцата, информираше дека до крајот на годината се планира отворање на вкупно три ресторани во Македонија, со подготвен четиригодишен бизнис план за отворање 15 до 20 ресторани со вкупно 400 вработени. – Особено сум среќен дека со инвестицијата вредна над 10 милиони евра, ние освен нашите вработени, обезбедуваме партнерство исклучиво со домашни компании од кои се снабдуваме со потребните суровини и намирници, истакна сопственикот на лиценцата.