кфм – Kurir.mk

КФМ ги прогласи најдобрите за 2022 година

Тале Кристо — Mon, 26 Dec 2022 21:28:42 +0000

Кошаркарската федерација вечерва ги прогласи најдобрите во кошаркарскиот спорт. На свеченоста во хотелот „Double Tree by Hilton“ во Скопје признанија добија: – најдобар кошаркар: Војдан Стојановски (МЗТ Скопје Аеродром) – најдобра кошаркарка: Александра Стојановска (Бадел и Гас Евникос) – најдобар млад кошаркар: Андреј Шошкиќ (Работнички) – најдобра млада кошаркарка: Михаела Алексовска (Крива паланка) – најдобра машка екипа (сениори): МЗТ Скопје Аеродром – најдобра женска екипа (сениорки): Баскет Кам – најдобра машка екипа (младински лиги): Работнички – најдобра женска екипа (младински лиги): Крива Паланка – најдобар тренер на машка екипа (сениори): Александар Петровиќ (ФМП и МЗТ Скопје) – најдобар тренер на женска екипа (сениорки): Александар Ашаданов – најдобар тренер на машка екипа (младински лиги): Александар Јованчев (Вардар) – најдобар тренер на женска екипа (младински лиги): Мирослав Ивановски (Крива Паланка) – најдобар играч во 3×3: Христијан Ристов – најдобра екипа во 3×3: Кино Влае – најдобар кошаркарски судија: Александар Павлов – најдобар македонски тренер во странство: Емил Рајковиќ (ЦСКА Москва) – најдобар македонски играч во странство: Ненад Димитријевиќ (Уникс Казан) – најдобра младинска репрезентативна селекција: Машката репрезентација до 16 години.

Бајиќ нов селектор на македонската кошаркарска репрезентација

Ивона Петрова — Mon, 19 Apr 2021 10:47:02 +0000

Српскиот кошаркарски стручњак Драган Бајиќ е новиот селектор на македонската кошаркарска репрезентација. Бајиќ доаѓа на местото на Александар Тодоров кој не доби понуда за продолжување на соработката со Кошаркарската федерација на Северна Македонија. Македонските кошаркари предводени од Тодоров не успеаја да изборат пласман на европското првенство. Четириесет и седумгодишниот Бајиќ кој е актуелен тренер на Игокеа, клуб со кого има одлични резултати во регионалната АБА лига, се заблагодари за укажаната доверба да ги предводи „црвено-жолтите“. – Понудата е четири, а желба ми е да останам десет години на селекторското место. Сакам во репрезентацијата да изградиме единство и секој играч да го дава својот максимум. Само така ќе може да се надеваме на успех, изјави Бајиќ. Новиот селектор најави вклучување на помлади кошаркари во националниот тим во следниот период. Бајиќ првите официјални натпревари со македонската репрезентација ќе ги има во август за кога се закажани претквалификациите за Светското првенство 2023.

Одложени сите кошаркарски натпревари во Македонија

Ивана Ефремовски — Thu, 12 Mar 2020 11:56:32 +0000

Од Кошаркарската федерација на Македонија се огласија со официјално соопштени поради актуелната состојба со коронавирусот во државата. -Земајќи ја предвид моменталната состојба со појавата и ширењето на коронавирусот (COVID-19), како и препораките на Владата и Светската Здравствена Организација, со цел да се заштити здравјето и безбедноста на играчите, тренерите, службените лица и навивачите, раководството на Кошаркарската федерација на Македонија објавува дека сите натпревари во организација на федерацијата од денеска, четврток, 12 март 2020 година со одложуваат на неодреден временски период, се наведува во нивното соопштение. КФМ ќе продолжи да ја следи состојбата на дневна основа и ќе ги оценува опциите за продолжување или не, на соодветните натпревари кога и ако ситуацијата тоа го дозволи.“

Македонските кошаркари од Перм ги почнуваат квалификациите за Евробаскетот 2021

Ивона Петрова — Thu, 28 Nov 2019 11:49:07 +0000

Градот Перм ќе биде во улога на домаќин на првиот квалификациски натпревар за пласман на Евробаскетот 2021 година, во која селекцијата на Русија ќе ја пречека македонската репрезентација. Вака гласи одлуката на раководството на Руската кошаркарска федерација за дуелот кој е закажан за 23 февруари, наредната 2020 година. Во информацијата за медиумите од РФБ велат дека летоска Перм се покажал како одличен организатор на „Купот на мирот“, кој беше дел од подготовките на „зборнаја“ за Светскиот Куп, и каде беа совладани селекциите на Кина и на Финска. – Оттука во руската федерација се надеваат дека Перм и Универзалниот спортски дворец „Молот“ (со капацитет од 7.000 седишта) е нивната „добитна комбинација“, и дека нема потреба за промена на „домаќинството“ за дуелот со Македонија. „Црвено-жолтите“ ќе го започнат квалификацискиот циклус три дена порано, на 20. февруари, со дуелот против репрезентацијата на Естонија. А во тој февруарски „прозорец на ФИБА, не чека и мечот со топ фаворитот во групата „Б“, стои во информацијата објавена на КФСМ. Инаку 41. по ред Европско првенство во машка конкуренција ќе се одржи во периодот од 17. август до 3. септември, 2021 година во Прага (Чешка), Тбилиси (Грузија), Милано (Италија), Келн/Берлин (Германија). Во квалификациите учествуваат 32. национални тимови кои треба да поминат три „прозорци“ на ФИБА. Освен февруарскиот, во 2020 година на распоредот е оној во ноември, додека квалификациите ќе бидат затворени во февруари, 2021 година. Покрај македонската и руската селекцијата, во нашата група се уште и селекциите на Естонија и Италија. Првопласираните три селекции во оваа, и останатите седум квалификациски групи ќе обезбедат пласман на Евробаскетот 2021.

Перо Антиќ го суспендираше селекторот на репрезентацијата до 18 години

Ивана Ефремовски — Mon, 10 Jun 2019 11:56:48 +0000

Новиот претседател на Кошаркарската федерација на Македонија (КФМ), Перо Антиќ, изрече санкција за Михаил Наумовски, актуелниот селектор на кошаркарите до 18 години. На првата прозивка се појавија двајца селектори. Наумовски како актуелен и Тони Симиќ како новоименуван, па настана мала тензија. Наумовски потоа излезе во јавноста со остри зборови кон новото раководство на КФМ. Антиќ потенцира дека тој не е разрешен од функцијата селектор, туку само времено суспендиран. Во продолжение го пренесуваме соопштението на претседателот на КФМ: