Премиера на претставата за деца „Јас сум Акико“ во КИЦ – Скопје

Ивона Петрова — Thu, 10 Nov 2022 07:44:52 +0000

Во Салонот 19:19 при Културно-информативниот центар во Скопје вечер премиерно ќе биде изведена претствата „Јас сум Акико“ наменета за деца над 11-годишна возраст. Акико е претстава која е поразлична од останатите и нуди симболики, асоцијации и толкувања, како уникатни делови од една сложувалка. -Не постојат погрешни толкувања. Сечие толкување е поразличнно, посебно и правилно толкување, како уникатноста на Акико и Марсело, како посебноста на секое дете и возрасен, кои седат и ја воспримаат претставата од публиката. Погледнете ја Јас сум Акико и дозволете си сами да си ја објасните претставата, на начин на кој Марсело си се објаснува самиот себе си, наведуваат . Како што стои во најавата за претставата која е во продукција на Театар Провокација, Акико нуди еден поразличен пристап од се она на кое сме навикнати да го конзумираме, како „претстава за деца“. Ова не се однесува само на понудената содржина туку и на иновативната и модерна естетика, која се препознава во специфичната АНИМЕ креација на ликовите од видеата, со кои комуницираат актеите од сцената. Овие ликови се илустрирани од дете за дете. Како илустратор се потпишува 14 годишната Мила Филиповска, додека останатиот тим се искусни автори од областа на театарската уметност, анимацијата и музиката. Претставата освен тоа што е исклучително забавна, има за цел и да ја поттикне публката на креативни но и суштински размислувања. Автор на текстот е Стефан Тиќми ( Р. Србија), а неговото книга ЈАС СУМ АКИКО jа споредуваат со Малиот Принц и се вбројува помеѓу 200 – те најдобри детски книги во светот, по изборот на весникот White Ravens , кој го издава Минхенската библиотека. Наградена е и со награда „ Politikin zabavnik“ и со плакета „Djecja kniga godine“. Режија, адаптација и драматизација е на Роберт Ристов, а играат Мирјана Поповска Ристов и Радо Алексовски. Аниматор е Јосип Здравковски, илустрациите се на Мила Филиповска. Композитор е Бранко Сапламаев, автор на костимографијата е Раде Василев, сценограф е Роберт Ристов. Претставата е финансирана од Министерството за култура и од сопствени средства на Театар Провокација.

Концерт на Георги Трајков во КИЦ-Скопје

Ивона Петрова — Fri, 21 Oct 2022 12:34:15 +0000

Концерт на класична гитара во изведба на Георги Трајков ќе се одржи вечер од 19.30 часот во Културно-информативниот центар – Скопје, во организација на Детскиот културен центар „Карпош“. Георги Трајков (1997, Струмица) дипломирал нa Факултетот за музичка уметност во Скопје во класата на проф. м-р Дарко Багески. Учествувал на повеќе државни и меѓународни натпревари во земјава и во Бугарија, Србија, Хрватска, Австрија, Германија и Италија и има освоено седум први, четири втори и пет трети награди.

КИЦ-Скопје – Kurir.mk

Премиера на претставата за деца „Јас сум Акико“ во КИЦ – Скопје

Концерт на Георги Трајков во КИЦ-Скопје