КИЦ – Kurir.mk

Концерт на бразилскиот пијанист Пабло Роси во КИЦ на Македонија во Загреб

Ивана Ефремовски — Wed, 25 Jan 2023 12:40:41 +0000

Бразилскиот пијанист Пабло Роси во понеделникот одржа концерт во Културно-информативен центар на Македонија во Загреб. -Покрај бразилска пијанистичка ѕвезда, Пабло Роси, настапи и квинтетот со дел од музичари на камерниот ансамбл Кантата Балканика, во кои членуваат млади талентирани музичари од целиот регион, информира Наталија Поповска, директорка на КИЦ на РС Македонија во Загреб. Таа посочува дека концертот се одржал како резултат на соработка меѓу двете реномирани организации за музички менаџмент, Кристофориумарт и Арт Линк и КИЦ во Загреб. (МИА)

Kонцерт на квартетот „Од се по нешто“ во КИЦ

Ивона Петрова — Wed, 19 Oct 2022 05:58:50 +0000

Во Салон „19:19“ на Културно-информативен центар – Скопје, вечерва ќе одржи концерт квартетот „Од се по нешто“. Квартетот го соочинуваат Милан Кацарски – хармоника, Владимир Комненовски – кларинет, Тимко Чичаковски – канон и Марко Марковски – перкусии. Проектот е насловен „Мулти – Култи музика“, а на програмата ќе се изведува разновидна музика од светот и музика на повеќето заедници кои живеат во нашата земја.

Изложба на скулптури на Марјан Стојаноски во КИЦ на Македонија во Софија

Тале Кристо — Wed, 24 Aug 2022 06:07:52 +0000

Во галеријата на КИЦ на Република Северна Македонија во Софија денеска ќе биде отворена изложбата „Панта реи“ на македонскиот уметник Марјан Стојаноски, јави дописникот на МИА од Бугарија. Оваа прва самостојна изложба на Стојаноски во Софија е составена од ротирачки скулптури изработени со метални и дрвени елементи. Делата се создадени во изминатите две години, а годинава беа претставени во Скопје. Изложбата ќе биде отворена до 31 август 2022 година. Стојаноски е роден во Прилеп во 1983 година, средното образование го завршил во Уметничкото училиште „Лазар Личеноски“ во Скопје, а студиите на Факултетот за ликовни уметности во Скопје, во класата на проф. Ибрахим Беди. Член е на Друштвото на ликовни уметници на Македонија – ДЛУМ. Двапати беше претседател на здружението на уметници од Прилеп. Во 2015 година ја доби наградата за скулптура „Јордан Грабул“.

Горјан Петревски ќе претстави две свои книги во КИЦ на Република Македонија во Софија

Тале Кристо — Tue, 26 Oct 2021 15:34:45 +0000

Писателот кој пишува за млади читатели, Горјан Петревски утре ќе претстави две свои книги во Културно информативниот центар на Република Македонија во Софија. На настанот ќе бидат претставени бугарските изданија на неговите најуспешни романи – „Марта“ (издание на „Изида“, превод Маријан Петров) и „Сама“ (издание на „Книги за сите“). Овие две книги се влезени во учебната програма на средношколците во Република Македонија. Издавани се многукратно, при што само „Марта“ има досега 21 изданија, кои ја прават една од најпродаваните книги во земјата. Местата за настанот се со ограничен број и право на присуство ќе имаат само оние кои претходно се запишале. Предност за присуство ќе имаат оние кои поседуваат сертификати за вакцинација или за поминат Ковид-19. Поставените услови се со цел почитување на мерките за справување со пандемијата.

Тендерот на КИЦ бил техничка грешка, на хонорари ќе се потрошеле само 20 илјади евра

Магдалена Андонова — Thu, 20 Aug 2020 16:34:20 +0000

Откако Курир.мк објави вест дека ЈУ Културно Информативен Центар – Скопје ќе потроши 20 милиони евра за авторски договори, чиј договор е склуен со фирмата Друштво за деловно посредување и застапување на авторските права МОТИВИ ПЛУС ДООЕЛ Скопје, град Скопје се огласи дека наместо 20 милиони ќе потрошеле 20 илјади евра. Во продолжение интегрален текст од демантот на Град Скопје

„Ви пишуваме во врска со вашата објава (https://kurir.mk/makedonija/vesti/javno-pretprijatie-od-skopje-kje-potroshi-20-milioni-evra-za-avtorski-dogovorii/) со објаснување дека станува збор за техничка грешка.

Јавната набавка не е распишана на оваа сума, туку на многу помала, односно на 20 000 евра.

Инаку за информација и споредба, вкупниот годишен буџет (вклучувајќи плати за вработените и годишна програма) на КИЦ е околу 20 милиони денари па од тука невозможно е да се распише набавка на сумата што е објавена на порталот.

Но, во секој случај ви благодариме на укажаната техничка грешка којашто веќе е корегирана од страна на јавното претпријатие. “

До 15 јануари конкурс за „Роман на годината“, пријавувањето во КИЦ

Ристе Здравков — Fri, 04 Jan 2019 10:06:14 +0000

Поради одлуката на Општина Центар да ја затвори читалницата „Славко Јаневски“, романите кои конкурираат за наградата „Роман на годината“ ќе се доставуваат во Културно-информативниот центар на Град Скопје (КИЦ) до 15 јануари – крајниот рок на конкурсот, соопшти Фондацијата „Славко Јаневски“. Романите може да се поднесуваат секој работен ден (одговорно лице: Емилија Михајлова). Останатите услови од конкурсот остануваат исти: се пријавуваат пет примероци од романот или се праќаат по пошта на адреса Фондација „Славко Јаневски“, бул. „Кузман Јосифовски Питу“ бр. 19-40-6, 1000 Скопје. Од 1999 година изборот за наградата „Роман на годината“ го организираше редакцијата на „Утрински весник“, а по неговото згаснување од лани континуитетот на наградата го зачува Фондацијата за унапредување и промоција на културните вредности „Славко Јаневски“. Оваа година организирањето на изборот и доделувањето на наградата „Роман на годината“ одбележува 20-годишен јубилеј.

Концерт на Елена Костовска во КИЦ на Македонија во Софија

Ивона Петрова — Thu, 18 Oct 2018 05:58:18 +0000

Елена Костовска со соло-концерт „Пијано рецитал“ ќе настапи вечер во Културно-информативниот центар на Република Македонија во Софија. На програмата се дела на Купрен, Дебиси, Шопен, Шуман, Лекуона, а ќе бидат изведени и композиции на Томислав Зографски. По завршувањето на Факултетот за музичка уметност во класата на проф. Тодор Светиев, Елена Костовска во 1997 година била примена на последипломските студии по пијано на Високата школа за музика во Есен-Дуизбург, Германија, во класата на проф. Бернард Вамбах, каде што и магистрирала. Од 1999 до 2003 работи како корепетитор на гудачка класа при Државниот музичко-балетски училишен центар во Скопје и таму сега е наставник по пијано. Учествувала на натпревари и добивала награди, соработувала со пијанисти како Жени Захариева од Бугарија, Арбо Валдма од Германија и Питер Фојхтвенгер од Англија. Имала концерти во Македонија, Германија, Грција и Велика Британија, а својот прв компакт-диск го сними во 2016 година. МИА