кичевец – Kurir.mk

Кичевец заработил кривична пријава за „бесправно градење“

Тале Кристо — Tue, 07 Feb 2023 16:16:30 +0000

ОВР Кичево поднесе кривична пријава против Н.Џ.(48) од Кичево, поради постоење основано сомнение за сторено кривично дело „бесправно градење“. Тој, на дел од катастарска парцела во Кичево, нелегално и без одобрение од надлежен државен орган, изградил станбен објект.

Уапсен кичевец, полицијата во неговиот дом пронашла оружје имуниција

Тале Кристо — Tue, 13 Dec 2022 15:46:04 +0000

На 12.12.2022 во Кичево, полициски службеници од ОВР Кичево го лишиле од слобода Ј.Н.(27) од Кичево. При претрес во неговиот дом, извршен со судска наредба, полициски службеници пронашле и одзеле два револвера „Екол Випер“, 19 куршуми, 21 сачми од ловечки патрони и 14 испукани ловечки патрони, кои нелегално ги поседувал. Тој бил задржан во полициска станица и по целосно документирање на случајот против него ќе биде поднесена соодветна пријава.

Истрага против кичевец кај кого беше пронајден кокаин

Дарко Андоновски — Fri, 20 May 2022 10:53:03 +0000

Јавен обвинител од Основното јавно обвинителство Кичево донесе Наредба за спроведување истражна постапка против 39-годишен жител на градот, осомничен дека сторил кривично дело – Неовластено производство и пуштање во промет наркотични дроги, психотропни суптанции и прекурсори од член 215 став 1 од Кривичниот законик. На 15 мај, во домот на осомничениот на улицата „Буковиќ“ во Кичево, биле пронајдени 379,4 грама наркотична дрога – кокаин. Оценувајќи дека постои опасност осомничениот да се даде во бегство, да влијае врз сведоци или да го повтори делото, јавниот обвинител до судијата на претходна постапка достави предлог за определување мерка притвор за осомниченото лице. Судот го прифати предлогот и на осомничениот му определи мерка притвор во траење од 30 дена.

Приведено лице од Кичево за издржување на затворска казна

Тале Кристо — Thu, 27 Jan 2022 12:54:58 +0000

Денеска (27.01.2022) во 11.30 часот од страна на полициски службеници од Полициска станица Кичево е лишен од слобода А.К.(35) од Кичево. За него била издадена наредба од Основен суд Кичево со која се барал за издржување на казна затвор во времетраење од 4 години и 6 месеци. А.К. ќе биде спроведен во Казнено-поправната установа Затвор Идризово за издржување на казната.

Кичевецот позитивен на коронавирус работел надвор од земјата и бил во државен карантин

Дарко Андоновски — Tue, 14 Apr 2020 14:46:46 +0000

Во последниот билтен објавен денеска од Центарот за јавно здравје за првпат беше регистрирано лице заразено со Ковит – 19 со постојано место на живеење во Кичево. Ова лице, како што информираат од Општина Кичево, во последите седум месеци не престојувало во градот туку работело надвор од државата. Кичевецот позитивен на коронавирусот, допатувал во земјата и бил во државен карантин во Скопје и немал контакти со жители од Кичево. Сепак, од општината нагласуваат дека граѓаните мора да бидат претпазливи и да ги почитуваат препораките на Владата.

Кичевец заработил казна од 4.000 евра, не ги почитувал мерките за самоизолација

Тале Кристо — Fri, 20 Mar 2020 19:49:26 +0000

Жител на Кичево се вратил од Австрија и потпишал дека 14 дена нема да излегува од дома, но при полициска контрола него не го пронашле на адресата која ја пријавил.ОЈО Кичево предлага казна од 4.000 евра. ЈО соопшти дека обвинетиот на 15 март влегол во Република Северна Македонија од Република Австрија при што бил упатен на препораките за заштита од заразна болест Ковид 19 и потпишал изјава за самоизолација. -При проверка на полициските службеници на 17 март, а потоа и на 19 март обвинетиот не бил затекнат во својот дом. Со тоа, лицето го сторило кривичното дело – непостапување според здравствените прописи за време на епидемија од член 206 став 1 од Кривичниот законик, информираат од ЈО. За стореното кривично дело, јавен обвинител од Основното јавно обвинителство Кичево до Основниот суд во Кичево поднел предлог за издавање казнен налог против обвинетото лице со предлог судот да изрече парична казна во висина од 4000 евра во денарска противвредност.

Наместо да биде во изолација се качил во автомобилот и се шетал во два града- кичевец скапо ќе го плати ова прекршување!

Дарко Андоновски — Wed, 18 Mar 2020 13:25:06 +0000

Поради постоење основи на сомнение за сторено казнено дело „непостапување според здравствени прописи за време на епидемија“, ОВР Кичево поднесе кривична пријава против М.З.(53) од кичевското село Пласница. Како што соопшти МВР, тој утрово во 08.45 часот е забележан како управува патничко возило „фиат пунто“, со кичевски регистарски ознаки, на регионалниот пат Македонски Брод – Кичево, по што полициски службеници го сопреле возилото. Притоа е утврдено дека М.З. на 16.03.2020, на граничниот премин „Табановце“, при влез во државата, своерачно под полна морална, материјална и кривична одговорност потпишал изјава дека доаѓа од Република Словенија, која според Листата од СЗО е зафатена од епидемијата со коронавирус COVID – 19 и дека во времетраење од 14 денови во неговиот дом, во с.Пласница, ќе спроведе задолжителна самоизолација. Пријавениот не се придржувал до одредбите во изјавата, ги прекршил мерките за самоизолација и постапил спротивно на прописите за спречување на појава, внесување, рано откривање, спречување на ширење и сузбивање на коронавирус COVID – 19, предвидени во одлуката на Владата и писмената наредба донесена од страна на Министерството за здравство.

Кривична пријава за кичевец за мачење животни: Малтретирал коњи и ги расекол

Ивана Ефремовски — Fri, 24 Jan 2020 12:57:23 +0000

Поради основано сомение за сторено казнено дело „мачење животни“, надворешната канцеларија за криминалистички работи Кичево, до надлежното Јавно обвинителство поднесе кривична пријава против А.А.(41) од кичевското село Србјани. Тој, во периодот декември минатата до јануари оваа година, извршил злоупотреба на осум коњи негова сопственост со кои вршел дотур на огревни дрвја и ги изложувал на тегобна состојба, користел остар предмет со кој им предизвикал расекотини на главите и не превзел мерки за санирање на предизвиканите повреди, информира портпаролот на СВР- Охрид Стефан Димоски. (МИА)

Приведен кичевец кој малтретирал минувачи и оштетил паркирано возило

Тале Кристо — Sun, 05 Jan 2020 14:21:39 +0000

Кичевецот У.З., вчера на улицата „Прилепска“ во Кичево, под дејство на алкохол го нарушил јавниот ред и мир со расправање, викање и непристојно и дрско однесување кон минувачите, по што оштетил и паркирано патничко возило „фиат пунто“. Тој е приведен и против него, според одредбите на Законот за прекршоци против јавниот ред и мир, ќе биде поднесена соодветна пријава, информира портпаролот на СВР- Охрид Стефан Димоски. Димоски додава дека, исто така, вчера во 21,00 часот, во угостителски објект во кичевското село Аранѓел, нарушен е јавниот ред и мир со физички напад извршен од Б.А.((34) врз У.К., двајцата од истото село. По целосно документирање на настанот, против напаѓачот ќе биде поднесена соодветна пријава.

Притвор за лице од Кичево кај кого полицијата пронашла марихуана

Дарко Андоновски — Mon, 18 Nov 2019 14:43:21 +0000

Основното јавно обвинителство од Гостивар донесе наредба за спроведување истражна постапка против едно лице за кое постои основано сомневање дека сторило кривично дело „неовластено производство и пуштање во промет наркотични дроги, психотропни супстанции и прекурсори“ од чл.215 ст.1 од Кривичниот законик. Гостиварскиот суд на осомничениот му одреди мерка притвор во траење од 30 дена. При претрес во домот на осомничениот во Кичево, во подрумска просторија на улицата „Мехмед Мехмеди“, биле пронајдени 1.309,27 грама наркотична дрога – марихуана, завиткана во повеќе најлонски и мали зипер вреќички. Од осомничениот била одземена и дигитална вага, соопшти ОЈО. Надлежниот јавен обвинител до судијата на претходна постапка при Основниот суд во Гостивар достави и Предлог за определување мерка притвор за осомниченото лице. Судот го прифати предлогот и на осомничениот му определи притвор во траење од 30 дена, се наведува во соопштението од Јавното обвинителство.