кичево-охрид – Kurir.mk

ТРАГЕДИЈА НА ПАТОТ КИЧЕВО-ОХРИД: Автомобил удрил во човек, пешакот починал на лице место

Тале Кристо — Sun, 15 Oct 2023 10:16:48 +0000

На 14.10.2023 околу 19.00 часот во Полициската станица Кичево било пријавено дека на магистрален пат Кичево-Охрид, во нас.Горица, патничко возило „мерцедес“ со кичевски регистарски ознаки, управувано од М.М.(36) од с.Другово,. кичевско, удрило во пешакот Р.Д.(61) од с.Могорче, дебарско. Од здобиените повреди, Р.Д. починал на местото, а смрт констатирал лекар од Медицински центар Кичево. Увид на местото извршиле екипа на Полициската станица Кичево и јавен обвинител, по чија наредба телото на починатиот било предадено на обдукција.

Кинез тешко повреден на автопатот во изградба Охрид-Кичево

Тале Кристо — Mon, 24 Apr 2023 14:27:28 +0000

На 23.04.2023 во СВР Охрид, од Специјалната болница „Св.Еразмо“ во Охрид било пријавено дека кај нив со тешки телесни повреди бил донесен Ш.Ч.(40) од Кина. Според пријавеното, тој се здобил со повредите околу 10.00 часот, при извршување работни задачи на автопатот во изградба Охрид-Кичево, кај с.Оровник. Увид извршиле екипа од СВР Охрид и трудов инспектор.

Доколку денес планирате патување прочитајте убаво: Изменет режим на патниот правец Кичево – Охрид

Дарко Андоновски — Fri, 31 Mar 2023 10:51:49 +0000

На патниот правец Кичево – Охрид, од Песочан до Врбјани, денеска околу 16:00 часот ќе има изменет режим на сообраќај. Поставена е соодветна сигнализација. Од АМСМ информираат дека поради асфалтирање, делницата Велес - Градско (делот од с. Виничани до Винарија Стоби) од 30.03.2023 година до 01.04.2023 година ќе биде затворена за сообраќај од 08:00 до 16:00 часот. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Ковачевски: Патот Кичево – Охрид е приоритет

Ивана Ефремовски — Fri, 18 Nov 2022 16:38:41 +0000

Претседателот на Владата, Димитар Ковачевски денеска направи увид на градежните работи на тунелот Кичево - Охрид заедно со првиот заменик-претседател на Владата Артан Груби, заменикот на претседателот на Владата за економски прашања Фатмир Битиќи, министерот за транспорт и врски Благој Бочварски и заменик-министерот Беким Реџепи и директорот на ЈП Државни патишта, Ејуп Рустеми. -Знам колку е важно за Кичево, Дебарца, Струга, Охрид, Вевчани, за околните населени места кои гравитираат во овој регион, но и за целата земја, што побрзо да се заврши автопатот Кичево - Охрид. Знам колку овој автопат е важен за нов економски и развоен импулс не само на западниот дел на Македонија туку и на целата држава и колку тој значи и за Кичево и за туристичките центри Охрид и Струга. Ние како Влада ги решаваме наследените проблеми, патната инфраструктура за оваа Влада не е предизборно ветување, туку напротив тоа е инфраструктура која што ја поврзува државата внатре меѓутоа ја поврзува државата и со другите европски држави со кои што граничиме. Со тоа овозможуваме подобри услови за постојните инвестиции, привлекување на нови странски инвестиции, зголемување на економскиот развој, развој на туризмот особено во овој наш туристички дел од државата. А сето тоа еден од предусловите е безбеден и сигурни патишта за граѓаните и за сите други кои поминуваат низ нив, рече тој. Ковачевски рече дека е свесен дека работниците кои го градат овој автопат се соочија со многу предизвици во изминативе години, поради огромни пропусти во самиот проект. -Беа потребни години за да се пробијат тунелите под превојот Пресека. Работниците се соочија со многу проблеми во утробата на планината што дополнително ја одолговлечи работата на терен, па плановите за работа мораше да се адаптираат според условите кои што ги налагаа самите услови на терен. И тоа беше само еден сегмент што требаше да се надмине, промашена траса, неусогласеност на проектната документација и состојбата на терен, дислокација на далекуводи, телефонски кабли, водоводни инсталации, индивидуални и стопански објекти, бидејќи беа на самата автопатска траса. Но во оваа држава мора да се спроведат започнатите проекти и да се оди напред затоа што тоа е за доброто на граѓаните. Моето претходно искуство вели дека со добар план и добро менаџирање на процесите, нема недостижна цел. Сите знаеме колку ни е сето ова важно, од сите аспекти кои ги кажав. Затоа и со Министерството за транспорт и врски, заедно со министерот, заедно со директорот на ЈПДП, Рустеми сум практично во секојдневна комуникација и инсистирам да се земе овој пат како највисок приоритет во државата, рече премиерот. Тој истакна до каде се работите на патот. „Така денеска, како што и може да се забележи, се става асфалтна подлога во тунелот, се работи на електрична инсталација и хидрантска мрежа. Тунелите за да бидат приспособени за сообраќај треба да се изработи вентилационен систем, противпожарна заштита, видео надзор, систем за детекција на опасни гасови, сообраќајна сигнализација и команден центар. Овие два се најдолгите друмски тунели во земјава со вкупна должна од четири километри. Десната автопатска лента од Требениште кон Охрид е завршена и пуштена за сообраќај под времен режим освен кај Подмоље каде се одвиваат градежните работи за колекторскиот систем. Овој пат, мора и ќе добие на динамика затоа што инфраструктурата значи интензивирање не економските релации, и ние мора да вложуваме во патна инфраструктура ако сакаме развој на економијата“.

ВНИМАТЕЛНО ВОЗЕТЕ: Одрон на патот Кичево-Охрид, сообраќајот се одвива по една лента

Ивона Петрова — Sat, 02 Apr 2022 17:48:20 +0000

Поради одрон на карпа кај кичевското село Малковец, од попладнево од 18 часот сообраќајот на патниот правец Кичево-Охрид на ова место се одвива само по една коловозна лента. Како што соопшти АМСМ на терен е излезена екипа на единицата за Безбедност на патниот сообраќај – Кичево. На останатите патни правци сообраќајот се одвива непречено по наместа влажни коловози со умерен интензитет надвор од градските средини. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. Од вторник, па во следните шест месеци регионалниот пат Струга – Дебар ќе биде целосно затворан за сообраќај во периодот од 10 до 14 часот, поради градежни активности за санација на свлечишта на кај селата Глобочица и Луково.

Привремен прекин на сообраќајот на патот Кичево – Охрид

Тале Кристо — Tue, 15 Feb 2022 08:08:29 +0000

На патот во изградба Кичево – Охрид на делот Пресека – Песочан денеска ќе се изврши минирање. Како што информираат од АМСМ минирањето ќе се извршува во период од 11 до 14 часот.

Поради градежни работи времен прекин на сообраќајот на патот Кичево – Охрид

Дарко Андоновски — Tue, 14 Sep 2021 05:14:13 +0000

Поради изведување градежни работи на пат – минирање и дупчење на косини во двата правци, денеска ќе има прекин во сообраќајот на патниот правец Кичево – Охрид, на делницата Пресека – Песочан. Како што информира ЈП „Македонија пат“, прекинот на сообраќајот ќе биде во времетраење од 15 до 20 минути во периодот помеѓу 11 и 14 часот.

Скопјанец се здобил со тешки телесни повреди, со возилото излетал на магистралниот пат Кичево-Охрид

Тале Кристо — Fri, 23 Jul 2021 15:15:13 +0000

На 23.07.2021 во 07.20 часот, на магистралниот пат Охрид-Кичево, во близина на селото Требеништа, товарно возило „Ивеко“, со скопски регистарски ознаки, управувано од Д.П.(46) од Скопје, излетало од патот. Во незгодата возачот се здобил со тешки телесни повреди, констатирани во болницата „Св.Еразмо“. Увид извршила увидна екипа од СВР Охрид.

Бочварски призна дека постојат проблеми: За автопатот Кичево-Охрид ќе се потрошат дополнителни 200 милиони евра

Ивана Ефремовски — Tue, 04 May 2021 19:21:13 +0000

Вечерва во дебатниот магазин „Click Plus“ на ТВ21 гостува министерот за транспорт и врски Благој Бочварски кој зборуваше за автопатот Кичево-Охрид. Министерот вели дека овој автопат е дел од Коридорот 8 и започнал да се гради од 2013-2014 година, но при самата изградба се појавиле голем број на проблеми. „Се работи за обрушување на косини кои при проектирањето се проектирани со помалку или недоволно геомеханички испитувања. При тоа се покажува дека тој терен и тие косини се нестабилни при изградбата. Така што, во овој период се изврши репроектирање на 25% од целата оваа делница Кичево – Охрид, што значи дека косините се ублажија таму каде што е потребно, се испроектираа клучките. Имаме готов нов проект, обновен со ревизија кој што бара дополнителни средства за да конечно целиот овој проект биде реализиран“, посочи Благој Бочварски. Тој додава дека цената на овој проект се зголемила за околу 200 милиони, а вкупната цена е заклучена во 2018 и изнесува 598 милиони евра.

МВР со детали за тешката сообраќајка: Познат идентитетот на загинатиот и повредените

Тале Кристо — Tue, 23 Mar 2021 09:35:37 +0000

На 22.03.2021 година во 18.05 часот, на магистралниот пат Охрид-Кичево, кај клучката за влез кон Славеј Планина, на потегот помеѓу селата Песочан и Арбиново, општина Дебарца, се случила сообраќајна незгода помеѓу патничко возило „фолксваген бора“, со кичевски регистарски ознаки, управуван од С.И.(52) од Кичево и товарно возило „цитроен џампер“, со скопски регистарски ознаки, управувано од Б.М.(29) од с.Долни Сарај, скопско. На местото на незгодата починал возачот С.И., додека со тешки телесни повреди се здобиле сопатникот во возилото „фолксваген бора“, Д.К.(40) од Кичево и возачот Б.М., констатирани во Специјалната болница „Св.Еразмо“ во Охрид, информираат од СВР Охрид. На местото на незгодата увид извршија полициски екипи, судски вештак и Јавен обвинител, по чија наредба ќе биде извршена обдукција врз починатиот.