Кичево – Kurir.mk

Претрес во Кичево, пронајдена дрога

Тале Кристо — Sat, 21 Oct 2023 10:55:58 +0000

На 20.10.2023 во 14.40 часот од страна на полициски службеници од ОВР Кичево бил лишен од слобода В.С.(19) од Кичево. При претрес во дом и помошни простории каде привремено престојува В.С., извршен со наредба од Основен суд Кичево, биле пронајдени марихуана, дробилка со остатоци од марихуана, куршум и други предмети со остатоци од марихуана. Поради постоење на основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурзори“, како и кривично дело „недозволено изработување, држење и тргување со оружје или распрскувачки материјали“, лицето е приведено и задржано во ОВР Кичево, а по документирање на случајот ќе бидат поднесени соодветни поднесоци.

Пожар во куќаво Кичево

Ивана Ефремовски — Wed, 27 Sep 2023 17:25:57 +0000

На 26.10.2023 околу 08:30 часот во Полициската станица Кичево било пријавено дека на ул.„Ленинова“ во Кичево настанал пожар во куќа сопственост на П.М.(64) од Кичево. Пожарот бил изгаснат од екипа на Територијалната противпожарна единица Кичево, а повредени лица нема.

Тешко повреден работник од „Комуналец“ Кичево

Ивана Ефремовски — Wed, 16 Aug 2023 19:20:03 +0000

На 15.08.2023 околу 11:00 часот во ОВР Кичево било пријавено дека Б.Ч.(54) од Кичево се здобил со тешки телесни повреди при извршување работни задачи за Јавното претпријатие „Комуналец“ Кичево на улицата „Магистрален пат“ во Кичево. Тој бил пренесен во Општа болница Кичево за укажување лекарска помош. Увид на местото извршила екипа од Полициската станица Кичево.

Малолетничка и 33-годишен маж од Кичево каснати од куче

Катерина Бојаџиева — Wed, 09 Aug 2023 19:03:42 +0000

На 08.08.2023 околу 20 часот, Р.М.(44) од Кичево во полициска станица пријавил дека на улица „Јанко Михајлоски“ во Кичево неговата малолетна ќерка била касната од куче скитник. Истиот ден, З.Н.(33) од Кичево пријавил дека на булеварот „Ослободување“ во Кичево бил каснат од куче скитник.

Почна пријавувањето на штетите од невремето во Кочани

Ивона Петрова — Wed, 28 Jun 2023 12:25:49 +0000

Општина Кочани упати повик до сопствениците на индивидуални станбени згради, на магацински простории и други објекти кои беа поплавени или претрпеа штети од невремето на 17 и 25 јуни, да поднесат пријава до Комисијата за проценка на штети од елементарни непогоди. Образецот за пријавата граѓаните можат да го подигнат од едношалтерската канцеларија во зградата на Локалната самоуправа или да го преземат од официјалната општинска веб-страница. - Заедно со пријавата треба да се приложи копија од имотен лист или од договор за закуп, копии од лична карта и трансакциска сметка, како и фотографии од настанатата штета, доколку граѓаните ги имаат. Крајниот рок за поднесување на пријавите е до 12 јули. Потоа општинската комисија за проценка ќе ги евидентира добиените барања и ќе излезе на лице место за да направи увид и да изготви записник, истакна Зоран Христов, претседател на Општинската комисија за проценка на штети од елементарни непогоди. По евидентирњето на сите пријави ќе се изготви елаборат за состојбата што ќе биде доставен до владината Комисија за проценка и утврдување на висината на штета од елементарни непогоди, од каде треба да се определи на кој начин и за колку барања ќе се постапува за евентуално обештетување. Поројните врнежи и атмосферските електрични празнења во текот на изминатата и оваа недела предизвикаа поплавување на објекти во градот, а на повеќе места интервенираа екипи на Територијалната противпожарна единица и на Доброволното противпожарно друштво од Кочани. Најкритично беше на улиците „Роза Петрова“, „Бел камен“ и „1 Мај“ каде имаше поплавени гаражи, подруми на куќи и магацински простории. Од гром се запали и кровна конструкција на куќа на улицата „Гоце Делчев“, по што со брза интервенција на пожарникарите беше спречено проширување на огнот и поголема материјална штета.

Невреме со дожд и град и во кичевско

Ивона Петрова — Sat, 24 Jun 2023 11:38:09 +0000

Покрај Охридско-струшкиот регион, според информациите на Центарот за управување со кризи, невреме со дожд и град го зафатил и кичевскиот регион. - Од дежурните оперативци ви 112 и СОК во ЦУК, согласно јавувањата на граѓаните на 112 и на дежурните институции во земјава, информираат дека невремето од Охридско-струшкиот регион се движи кон Кичевско и веќе го зафсќа и Полошкиот регион, стои во информацијата од ЦУК. Околу пладне, Охридско-струшкиот регион беше зафатен со силно невреме со дожд и град кој достигна големина на орев.

ФОТО: Силно невреме со град го зафати Кичево

Дарко Андоновски — Fri, 26 May 2023 16:02:54 +0000

Попладнево силно невреме го зафати Кичево. Освен дожд во западниот град од нашата земја имаше и појава на град, а за тоа сведочат и фотографиите кои ги објавуваат граѓаните на Кичево. Невреме со силни врнежи кои доведоа до поплавување на неколку домови, подруми и улици имаше и вчера во гостиварско како и во Велес. Според УХМР слично време не очекува и претстојниот викенд.

ABEE – белгиска компанија инвестира 40 милиони евра во ТИРЗ Кичево

Ристе Здравков — Mon, 22 May 2023 08:17:59 +0000

Со инвестиција од околу 40 милиони евра на „Avesta Battery and Energy Engineering“ ќе се отвори можност за 600 нови вработувања. која одлучи да инвестира околу 40 милиони евра во Северна Македонија. Во Технолошко-индустриската развојна зона во Кичево, белгиската компанија ABEE ќе гради фабрика за производство на електрични батерии за автомобили. ABEE е релативно нова компанија. Формирана е во 2019 година, кога – како што пишува на нивната веб страница, Ношин Омар, поранешен универзитетски професор во Брисел, одлучил да ја напушти академската заедница и целосно да се фокусира на индустријата. На почетокот ABEE била консултантска инженерска фирма со петмина вработени, но уште од создавањето се истражуваат сите аспекти на траењето на батеријата, од производството на ќелии до системите на батериски пакети до последната фаза, рециклирање. Во моментот, претставници од компанијата која што е во подем, се активни учесници во десет научни проекти финансирани од Европската унија. Како локации на АБЕЕ покрај Белгија во околината на Брисел, наведено е дека наскоро ќе бидат и во Македонија. Засега имаат повеќе од 25 проекти во развој, а работат со капацитет од 10 илјади производни единици годишно. Во фокусот се истражувањата и развој во областа на BMS и системи за енергетска електроника, како и нивно масовно производство. Целта е производниот капацитет на компанијата да достигне 70.000 единици годишно. Договорот за инвестицијата ќе се потпише денес во Брисел, а македонската страна на претставува директорот на Дирекцијата на ТИРЗ, Јован Деспотовски. Тој и министерот за економија, Крешник Бектеши, се дел од делегацијата предводена од претседателот Стево Пендаровски. Исто така, денес ќе присуствуваат на бизнис форум во Антверпен, каде што пред белгиските компании ќе бидат претставени можностите за инвестирање во Македонија.

Две лица нападнати од четворица тинејџери

Ивана Ефремовски — Sun, 07 May 2023 20:27:11 +0000

На 06.05.2023 во 23:05 часот во Полициската станица Кичево, Д.Р.(19) од с.Трапчин Дол, кичевско, пријавил дека околу 23:00 часот, тој и А.Р.(19) од Кичево пред угостителски објект во Кичево биле физички нападнати од Н.Б.(19) од Кичево, М.А.(19) од с.Шутово, кичевско и двајца малолетници. Се преземаат мерки за расчистување на случајот.

Боженствена Литургија и пасхална литија во манастирот кај Кичево

Тале Кристо — Sun, 23 Apr 2023 08:31:58 +0000

Во склоп на сеопштата пасхална радост на оваа седмица, најсвета од сите во овој Светол Источен петок, посветен на причинителот на радоста, Пречистата Богородица, во манастирот над Кичево нашиот Старец епископ г. Партениј отслужи Боженствена литургија, информираа од Бигорскиот манастир. На литургијата присуствувале браќата и сестрите од монашката заедница и голем број верници „притекнати да нацрпат благодат од живоносните струи на Пречистата". - Всушност во петокот го славевме нејзиниот живоприемен источник во Константопол, наречен Балаклија. Веќе традиционално за овој ден нашиот Старец г. Партениј богослужи во Крнинскиот манастир на онаа која е изворот на секоја добрина, на секој добар дар и возбожение оти ни го роди Христа добротворот, дародавецот и воскресителот, додаваат од манастирот. Ова тројство се заокружи со свечена пасхална литија во живописната околина на манастирот, на местото Господинец каде настрадале светите пречистански преподобновомаченици Евнувиј, Партијата и Аверкија. - На тоа осветено место старецот го изврши чинот на пасхалниот водосвет, по што литијата се врати во манастирот каде што продолжи радосното ликување, велат од Бигорскиот манастир. Манастирот „Св. Богородица - Пречиста“ или Крнински манастир, е средновековен манастир во близина на градот Кичево, основан 1316 година.