киднапиран – Kurir.mk

Украински власти: Киднапиран уште еден висок функционер од АЕЦ Запорожје

Тале Кристо — Tue, 11 Oct 2022 14:34:19 +0000

Украинската државна агенција за нуклеарна енергија ги обвини руските сили поради приведување и малтретирање на уште еден висок функционер во нуклеарната централа Запорожје во јужна Украина што е под руска контрола. Во соопштението се вели дека руските сили го „киднапирале“ заменик генералниот директор за човечки ресурси во Запорожје, Валериј Мартиниук и го повикале шефот на Меѓународната агенција за атомска енергија (МААЕ) Рафаел Гроси, кој е во посета на Русија да обезбеди негово ослободување.

По повеќечасовна драма, спасен киднапиран кинески милијардер

Тале Кристо — Mon, 15 Jun 2020 12:36:20 +0000

Кинеската полиција го спаси милјардерот Хе Сијангжан, кого од вчера киднапери го држеа во заложништво, под закана дека ќе активираат експлозив. Кинескиот милијардер е спасен откако неговиот 55-годишен син успеал незабележано да се извлече од куќата и да ја преплива блиската река за да ја извести полицијата. Основачот на најголемиот светски произведувач на домашни апарати Мидеа груп, кој е шести најбогат човек во Кина и 41. во светот со богатство од 25 милијарди долари, беше држен како заложник во луксузна вила во Фошан, во близина на Хонг Конг. Полицијата, која вчера попладне била информирана за настанот, успеала рано изутрина да го ослободи бизнисменот, при што се уапсени шест осомничени лица. Во полициското соопштение се наведува само презимето на жртвата – Хе, но неколку кинески весници и портали потврдија дека станува збор за 78-годишниот милијардер. Мидеа, преку социјалните медиуми се заблагодари на полицијата, но не потврди дека Хе е жртва на злосторството.

Пресврт во драмата од Охрид: Не бил киднапиран, туку лажел за да земе пари од брат му

Ивана Ефремовски — Sat, 18 Apr 2020 14:20:36 +0000

На 17.04.2020 во 22.10 часот, полициски службеници од СВР Охрид, во координација со полициски службеници од Секторот за општ и насилен криминал во МВР, го пронајдоа Б.П.(33) од охридската населба Рача. Тој, на 16.04.2020 година во 13:05 часот, на мобилниот број од неговиот брат, испратил порака дека е киднапиран од непознати лица, кои барале пари за негово ослободување. По целосно документирање на настанот, СВР Охрид ќе поднесе кривична пријава за лажно пријавување на кривично дело.

Македонец киднапиран поради долг- Полицијата го уапсила сторителот

Предраг Кукиќ — Fri, 26 Apr 2019 15:27:32 +0000

Полицијата во албанскиот град Подградец уапси 47-годишен маж откако киднапирал македонски државјанин поради долг. Според полициското соопштение, припадниците на Одделот за криминал при полициската станица во Подградец, А.Т. е уапсен поради постоење основи на сомнение дека го киднапирал македонскиот државјанин Д.С. Македонецот бил киднапиран поради фанански долг што го имал кон пријател на А.Т. кој пак гарантирал дека „ќе ја заврши работата”. Случајот е предаден на понатамошна надлежност на Обвинтелството за тешки кривични дела во Тирана. Не се наведува од каде е македонскиот државјанин и колкав износ на пари долгувал.

Киднапиран најмладиот африкански милијардер: Наоружани мажи влегле во хотел и го однеле

Матеја Петровски — Sat, 13 Oct 2018 08:01:57 +0000

Наоружани мажи го киднапираат најмладиот милијардер во Африка, 43 годишниот Мухамед Девји, од луксузен хотел во престолнина на Танзанија. Двајца мажи му го пресекле патот додека излегувал од хотелската теретана, после утринското вежбање. Се верува дека влезот веќе бил отворен и дека во прашање се странски државјани. Во хотелот почнале да пукаат и го зграбиле милијардерот. -Дојдоа со автомобил во хотелот и пукаа во воздух пред да го однесат. Ги испитуваме вработените кои тогаш работеле, кажал полицаецот Лазаро Мамбосасо. Девји е сопственик на МЕТЛ групацијата, корпорација која се простира во шест африкански држави, а која ја основал неговиот татко во седумдесеттите години. Девји почнал со производство на пијалакот Мо Кола, кој е конкуренција на Кока Кола. Пред да го продолжи семејниот бизнис, два пати бил пратеник во парламентот на Танзанија.

Киднапиран скопјанец за долг на пари

Ивона Петрова — Thu, 21 Jun 2018 13:23:52 +0000

Маж на 45-годишна возраст од Скопје повеќе од 24 часа бил киднапиран од непознати лица во стан во општина „Ѓорче Петров“, за наводен долг на пари. Киднапираниот искористил момент на невнимание на грабнувачите и побегнал. Како што соопшти МВР, вчера во 10 часот во Полициската станица Ѓорче Петров, А.К. од Скопје пријавил дека од 19 јуни 2018 година во 9 часот од улицата „Јуриј Гагарин“ во Скопје бил лишен од слобода од неколку непознати лица, кои го држеле во непознат стан во Ѓорче Петров, поради наводен долг на непозната сума на пари. Вчера околу 7:30 часот, поради невнимание на едно од лицата, тој успеал да избега. МВР презема мерки за целосно расчистување на случајот.