киднапирани – Kurir.mk

УЖАС: Двајца тинејџери киднапирани и тепани во Штип, познат идентитетот на насилниците

Ивана Ефремовски — Thu, 29 Dec 2022 15:02:19 +0000

На 28.12.2022, полициски службеници од СВР Штип ги лишиле од слобода О.У.(24), Б.У.(28), Ф.Ш.(20) и 17-годишен малолетник, сите од Штип. Тие се сомничат дека на 27.12.2022 околу 17:30 часот со употреба на сила внеле 17-годишен малолетник од Штип во патничко моторно возило „сеат“, по што во близина на место викано „Мирјанина Црква“ во Штип физички го нападнале, при што употребиле и тврд предмет. Исто така, тие се сомничат дека во текот на денот со употреба на сила го внеле и М.Ј.(19) од Штип во возило „сеат толедо“, а подоцна во с.Шашаварлија, штипско, физички го нападнале и му нанеле тешки телесни повреди, констатирани во Клиничката болница Штип. Тие биле задржани во полициска станица и по целосно документирање на случајот против нив ќе бидат поднесени соодветни пријави.

Во Екваторска Гвинеја од брод киднапирани седум лица, меѓу нив и Срби

Дарко Андоновски — Fri, 22 Nov 2019 21:21:36 +0000

Официјални претставници на Екваторска Гвинеја соопштија дека пирати киднапирале седум странски државјани, меѓу кои има и Срби, од брод во Гвинејскиот Залив. Според локалните власти, пиратите нападнале брод на компанијата „Ексон Мобиле“ во близина на нафтеното наоѓалиште Зафиро. Меѓу киднапираните има и државјани на Јужна Африка, Филипини и Камерун. Припадници на морнарицата подоцна се качиле на бродот и ги пронашла преостанатите осум членови на екипажот како се кријат.

Четворица странци киднапирани во Либија

Матеја Петровски — Fri, 06 Jul 2018 20:14:07 +0000

Четворица странски работиници, тројца Филипинци и еден Кореец, се киднапирани во југоисточниот дел на Либија од страна на неидентификувана вооружена група, соопштија локалните власти. Покрај четворицата странци, при нападот на групата врз постројката за вода „Ал Хасуна“, во близината на местото Ишвириф, биле киднапирани и неколкумина либиски работници, кои набрзо биле ослободени. Четворцата странци работеле како техничари во постројката за вода. Во соопштението на локалните власти не се посочува дали киднапираниот Кореец потекнува од Северна или Јужна Кореја. (Миа)