киелце – Kurir.mk

Карачиќ не мрда никаде и ќе остане уште три години во Киелце!

Ристе Здравков — Thu, 16 Dec 2021 14:36:51 +0000

Игор Карачиќ стави потпис на нов договор и ќе остане уште долго време во редовите на Киелце. Хрватскиот ветеран ќе ги брани боите на полскиот гигант до 2025 година. Поранешниот член на Вардар се надева на нов европски успех, по двата во Скопје. „Мојата сопруга и јас се чувствуваме одлично тука и имаме сè што ни треба. Клубот е на највисоко можно ниво и нашите амбиции растат секој ден. Во овој проект веќе е многу вложено и се надевам дека ние - играчите предводени од нашиот тренер - ќе ја реализираме оваа инвестиција. Верувам дека нема да останеме без успеси и дека ќе ги израдуваме и нашите навивачи, а морам да ги поздравам за она што го прават за нас“ , изјави Карачиќ. Средниот бек пристигна во Киелце пред две сезони. Претходно седум години го носеше дресот на македонскиот гигант.

За само седум дена, Вардар втор пат поразен од Киелце

Магдалена Андонова — Wed, 25 Nov 2020 21:42:07 +0000

Македонскиот и актуелен европски шампион Вардар вечерва претрпи пораз на гостувањето кај Киелце со 36:29. За „црвено-црните“ ова е втор пораз од полскиот шампион во период од седум дена. Претходно Киелце беше поуспешен и во Скопје со 33:29. И покрај најавите за консолидирање на одбраната, тренерот Стевче Алушовски, не успеа да најде решение за разиграните домаќини кои по негативата од 2:5 во почетните десетина минути, ја преземаа иницијативата и не му дозволија на противникот посериозно да ги загрози. Киелце е лидер на табелата во А-групата со 13 бода од осум натпревари, Вардар е на 6.место со 3 бода од пет средби.(МИА)

Вујин: Ги воочивме грешките од првиот меч со Киелце, во Полска одиме на победа

Ивона Петрова — Tue, 24 Nov 2020 10:44:35 +0000

Десниот бек на Вардар, Марко Вујин, верува дека неговиот тим може да оствари добар резултат на гостувањето во Киелце. „Црвено-црните“ пред пет дена загубија на домашен терен и сега сакаат да се реваншираат на гостувањето во Полска. – Киелце е силен противник. Тоа го видовме и кај нас пред неколку дена. Вистина е дека без навивачите домашниот терен не е некоја предност и нема некоја голема улога за екипа која е домаќин. Ние одиме во Киелце со одработени неколку тренинзи меѓу двата натпревара. Направивме видеоанализа на нивната игра. Ги воочивме грешките што ги направивме на првиот меч. Се надевам дека тоа ќе го исправиме и ќе успееме да направиме позитивен резултат. Тие се врвен тим, но и ние исто така. Сакаме да победиме, па ќе видеме што ќе се случи, изјави Вујин. Натпреварот Киелце – Вардар е закажан за утре (25 ноември) со почеток во 20.45 часот.

ЕХФ ги казни Вардар и Киелце

Ивона Петрова — Thu, 20 Dec 2018 20:09:39 +0000

Европската ракометна федерација (ЕХФ) ги казни Киелце и Вардар поради инцидентите што се случија на нивниот меѓусебен дуел во Полска од Лигата на шампионите на 14 октомври. Киелце ќе треба да плати казна од 5.000 евра поради неспортско однесување на играчите и официјалните лица за време на мечот, како и дополнителна казна од 2.500 евра поради лошо обезбедување. Казна од 7.500 евра полскиот тим ќе плати и за навредлив банер, со идеолошка порака, истакнат од страна на фановите на домаќинот. Македонскиот тим доби казна од 6.000 евра поради неспортско однесување на играчите и стручниот штаб, а истовремено се зема предвид и дека ракометар кој бил суспендиран, ги напуштил трибините и се обидел да влезе на терен за време на турканиците на двете екипи. Жалба на овие одлуки на ЕХФ може да се поднесе во рок од седум дена. МИА

Вардар против Киелце за преземање на второ место во група

Дарко Андоновски — Thu, 29 Nov 2018 12:55:10 +0000

Ракометарите на Вардар в сабота се домаќини на Киелце во последниот натпревар оваа година во Лигата на шампионите. – Играат брз ракомет со добра одбрана. Ние се подготвуваме добро. Овој меч е исклучително важен за нас, бидејќи со победа ќе се позиционираме на 2.место во групата и така ќе ја завршиме годината пред продолжението на натпреварите во февруари 2019. Најважно е да немаме падови во текот на натпреварот и 60 минути да покажеме дека можеме да играме добро. Играчите се максимално мотивирани, рече тренерот Роберто Парондо на денешната прес-конференција. Капитенот Стојанче Стоилов посакува триумф и покрај проблемите со повредени играчи во таборот на „црвено-црните“. – Очекуваме тежок натпревар со силен противник кој располага со одлични играчи. Се подготвуваме најдобро што можеме и покрај сите проблеми со кои се соочуваме. Играме дома, многу сакаме да го победиме Киелце, изјави Стоилов. Тој ги повика своите соиграчи да не подлегнуваат на евентуални провокации какви што имаше од домашните играчи на мечот во Полска. Натпреварот Вардар – Киелце од 10.коло во ЛШ се игра в сабота со почеток во 17 часот и 30 минути.

Земјотрес во ракометниот свет: ПСЖ издвојува големо богатство, Циндриќ станува убедливо најскап ракометар во историјата

Матеја Петровски — Sun, 01 Jul 2018 13:25:09 +0000

ПСЖ е спремен да издвои вистинско богатство за Лука Циндриќ, кој до вчера беше дел од Вардар, а ова лето се пресели во полскиот тим Киелце. Веќе повеќе од една година се знаеше дека Циндриќ ќе се пресели во Киелце, тој таму беше промовиран уште лани пред Вардар да стигне до титулата во Лигата на шампионите. Меѓутоа, дали ќе заигра за Киелце или пак само ќе биде една одлична заработувачка за овој тим ќе видиме. Имено, тој е голема желба на новиот тренер на ПСЖ, довчерашниот стратег на Вардар и актуелен македонски селектор, Раул Гонзалез. Милион евра била првата понуда на парижаните, која од Киелце била одбиена, втората која исто така била одбиена гласела 1.5 милиони евра, а третата која ја праќа ПСЖ е четири милиони, или двојно повеќе од рекордниот ракометен трансфер, безобразна понуда која тешко се одбива. Сега се чека одговорот Киелце и ќе биде познато дали Циндриќ ќе стане најскап ракометар во историја.