киево – Kurir.mk

Киево прогласи банкрот, исклучен од Серија Б

Магдалена Андонова — Tue, 27 Jul 2021 07:23:17 +0000

Киево е исклучен од Серија Б поради банкрот, објави Фудбал Италија. Неговото место во втората италијанска дивизија ќе го заземе Козенца. „Летечките магариња“ поднеле жалба против пресудата, но таа била одбиена. Поради банкрот, клубот може да продолжи да настапува не повисоко од Серија Д. Од истата причина од Серија Ц беа исклучени: Карпи, Новара, Самбендетезе и Казертана. Во исто време, Паганезе ја добија жалбата и успеаја да го сочува своето место во третата италијанска лига. Минатата сезона Киево заврши осми во Серија Б и играше во плејофот за Серија А. Највисок резултат на тимот е петтото место во Серија А во 2001/02, по што клубот од Верона играше во квалификациите за Лигата на шампионите и Купот на УЕФА. (МИА)

Киево казнетo со одземање три бода

Ристе Здравков — Wed, 19 Sep 2018 11:40:18 +0000

Екипата на Киево од Верона е казнета со одземање три бода, одлучи Италијанскиот фудбалски сојуз. „Летечките магариња“ се санкционирани поради финансиски малверзации на раководството. Имено, претседателот на Киево, Лука Цампедели, заедно со луѓе од Чезена, разменувал играчи по цена далеку повисока од реалната при што на клубот му создал лажен профит од 25 милиони евра. Покрај одземените бодови, Киево на сметката на тамошниот фудбалски сојуз ќе треба да плати и 200 илјади евра. Воедно, првиот човек на клубот од Верона е суспендиран со три месеци. По одземените бодови, Киево по четири одиграни кола падна на последното место на табелата во Серија А со -1 бод.

Фудбалските емисии со нова најавна шпица: Фудбалерот на Фиорентина ја искина мрежата и го постигна можеби голот на сезоната (ВИДЕО)

Матеја Петровски — Mon, 27 Aug 2018 10:14:51 +0000

Ногата на Никола Миленковиќ испрати вистинска бомба и можеби го донесе голот на сезоната, а на колото во Италија може да кажеме сигурно. Одличен гол постигна репрезентативецот на Србија за Фиорентина во мечот од второто коло на Серија А против Киево. Младиот стопер се приклучи во нападот на виолетовите и со перфектен удар ја „искина“ мрежата на голманот на тимот од Верона.