Кијану Ривс – Kurir.mk

Кијану Ривс откри кој познат предмет од „Матрикс“ го поседува

Ивона Петрова — Wed, 08 Mar 2023 19:34:38 +0000

Кијану Ривс има многу убав спомен од Матрикс. Канадскиот актер (58) откри дека поседува црвена пилула од сетот на филмот во 1999 година. Прашан дали некогаш „украл нешто“ од некој од неговите филмски сетови, Ривс открива. -Не сум... Имам часовник и венчален прстен од „Џон Вик“, меч од „47 Ронин“ и црвена пилула од „Матрикс“, одговорил актерот. Една од најпознатите сцени од научно-фантастичниот акционен филм, е кога ликот на Лоренс Фишбурн, Морфеј, му нуди на ликот на Ривс, избор да земе црвена или сина пилула. Црвената пилула, која Нео ја пие, му овозможува да ја види вистината, додека сината пилула би му овозможила да се врати во својата нормална реалност и да живее во мир.

„ЦЕЛО ТЕЛО МЕ БОЛИ, ИМАМ МОДРИЦИ“: Актерката откри детали за сцените со Кијану Ривс! (ФОТО)

Ивана Ефремовски — Thu, 12 Jan 2023 09:09:16 +0000

Во текот на годината во кино салите ќе се прикажува филмот „Балерина“. Во филмот глумат Ана де Армас и Кијану Ривс. Актерката неодамна зборуваше за нејзините напори да го направи филмот заедно со ѕвездата Кијану Ривс. -Бевме во Прага на снимање четири месеци, открила актерката додека гостувала во емисијата кај Џими Фелан. Бидејќи снимањето вклучува малку понапорни сцени, актерката се пожали дека целото тело ја боли. -Имаме уште еден месец. И боли. Знаеш, цело тело, грб, се боли. Се жалам, ме боли, цела сум во модринки. Улогата во филмот за Џејмс Бонд [No Time to Die] имаше тешка сцена која траеше само 15 минути. Впрочем, ова е цел филм, друго ниво. Пред некој ден, Кијану и јас ја вежбавме нашата многу тешка каскадерска сцена, а овој човек само се тркала и ме фрла и прави луди акробации. И јас сум како - не можам повеќе да се жалам. Затоа што тој го прави тоа! Тој навистина е најдобар, открила актерката. „Балерина“ ќе се држи до темата за одмазда што ја обележува приказната на сега полноправна балерина/атентатор во потрага по луѓето кои го убиле нејзиното семејство. За режијата е задолжен Лен Вајсман, а сценариото го напиша Шеј Хатон. Оваа улога нема да биде нова за актерката со оглед на нејзините повеќекратни импресивни улоги во други филмови кои имаат акциони теми, како што се „Grey Man“ и „Bond Franchise - No Time to Die“.

ВИДЕО: Објавен трејлерот за новото продолжение на „Џон Вик“

Ивона Петрова — Fri, 11 Nov 2022 10:08:35 +0000

Официјалниот трејлер за четвртото продолжение на „Џон Вик“ е објавен, по што стана јасно дека повторно ќе има многу возбудувања. Според трејлерот, Кијану Ривс е повторно одвлечен во темниот свет за да ги исправи грешките од минатото. Синопсисот за новиот филм открива дека Вик „го наоѓа патот до победата“ над организираната криминална организација со која постојано се бори. Објавениот трејлер започнува со Вик кој ја оплакува својата мртва сопруга. Во тек се и подготовки за петтото продолжение на популарниот филм.

Киjану Ривс во „Константин 2“

Катерина Бојаџиева — Tue, 20 Sep 2022 10:32:17 +0000

Киjану Ривс се враќа во улогата на познатиот ловец на демони во долгоочекуваното продолжение на „Константин“. Глумецот потпишал договор со продукциската компанија „Ворнер брос“ и режисерот Френсис Лоренс, кој повторно ќе седне зад камерата на приказната за демонологот од стриповите на „ДЦ“. Сценариото е на Акива Голдсман. Првиот филм „Константин“ излезе 2005 година, тогаш со Рејчел Вајс покрај главниот лик. Засега се знае само дека Питер Стормер ќе ја повтори улогата на сатаната – Луцифер. Продолжението е во претпродукција. Занимливо е што режисерот Џ.Џ. Абрамс се сложил да работи на ТВ-серија за Константин којашто требаше да се емитува на стрим-сервисот „Ејч-би-о макс“, но според новите наводи, тој се откажал од проектот по веста за снимањето на филмот. Инаку и Мет Рајан го глумеше стрип-херојот Константин во истоимената серија на каналот „Ен-би-си“.

Кијану Ривс во крими-драма сместена во 19. век

Катерина Бојаџиева — Fri, 05 Aug 2022 11:28:49 +0000

Кијану Ривс ќе глуми во телевизиска адаптација на бестселерот „Ѓаволот во белиот град“ (The Devil in the White City). Мартин Скорсезе, Ривс и Леонардо ди Каприо се спомнуваат како продуценти на ТВ-серијата, според ИМДБ. Ривс ќе го толкува ликот на архитектот Даниел Бурнам, кој се обидува да испише историја со своите проекти, додека во градот се случуваат мистериозни убиства. Стрим-платформата „Хулу“ ја подготвува серијата со ограничен број епизоди. Романот на Ерик Ларсон за „Замокот-убиец“, со приказна сместена на крајот на 19. век, беше објавен 2003 година. Холивуд подолго време е заинтересиран за негова филмска адаптација. Во 2010 година, Леонардо ди Каприо ги стекна правата – со замисла да ја одигра улогата на негативецот Холмс, под режисерската палка на Мартин Скорсезе. Во соопштението на „Хулу“ засега не се наведува улогата на Ди Каприо, ниту пак е наведен датумот на издавање на оваа серија.

Случајна средба на Кијану Ривс со обожавател- еве зошто е еден од најсаканите холивудски глумци денес

Катерина Бојаџиева — Thu, 07 Jul 2022 11:57:10 +0000

Кијану Ривс уште еднаш покажа колку може да биде непосреден, близок со обожавателите и зошто е еден од најсаканите холивудски глумци денес… Случката ја сликал ТВ-продуцентот Ендрју Кимел, кој на Твитер објави и како се одвивал кусиот разговор на случајната средба меѓу холивудската ѕвезда и негов млад обожавател. Момчето, имено, побарало автограм од Ривс по летот од Лондон до Њујорк, а потоа „испука низа прашања како со рафал… Кијану со задоволство одговори на секое од нив“, напиша снимателот над фотографијата. „Човекот не можеше да биде попријатен, особено по прекуокеански лет. Сакав да го споделам ова бидејќи човеков е класика, а малите мигови како овој, можат да направат така голема разлика во животите на луѓето“, посочи Кимел. Кога момчето почнало „да снемува прашања“, Ривс на шега возвратил со свој „рафал“ прашања: „Зошто беше во Европа? Во кои галерии беше во Париз? Што ти се допадна најмногу?” Кимел додаде дека ни требаат повеќе луѓе како Кијану.

Кијану Ривс уште еднаш покажа колку голем човек е: „Ни требаат повеќе луѓе како него“ (ФОТО)

Ристе Здравков — Wed, 06 Jul 2022 13:39:39 +0000

Кијану Ривс уште еднаш покажа зошто е еден од најсаканите холивудски актери. Имено, приказната за неговата средба со обожавател на њујоршкиот аеродром станала вирална на интернет. Средбата ја забележал ТВ продуцентот Ендрју Кимел којшто на Твитер покрај фотографијата пренел и како течел дијалогот на холивудската ѕвезда и неговиот млад обожавател, пренесува „NME“. Момчето наводно побарало автограм од Ривс после летото од Лондон за Њујорк, а потоа му поставил серија брзи прашања. „Кијану со задоволство одговори на секое од нив“, напишал Кимел.

Keanu Reeves was on my flight from London to NYC today. A young boy asked for an autograph at baggage & then began to fire off a series of rapid-fire questions. Keanu happily responded to every single one… pic.twitter.com/T7m7PciL5C
— Andrew Kimmel (@andrewkimmel) July 4, 2022

Кога момчето почнало да ги поставува прашањата Ривс шеговито „возвратил на ударот“ со своја серија прашања: „Зошто беше во Европа? Во кои галерии во Париз беше? Што најмногу ти се допадна?“. Кимел додал: „Човекот не можел да биде љубезен, особено по прекуокеанскиот лет. Сакам да го споделам ова поради тоа што човекот е вистинска класа и мали моменти како овој можат да направат толку голема разлика во животот на луѓето. Ни требаат повеќе луѓе како Кијану“.

Кијану Ривс донирал 70% од заработката од првиот „Матрикс“ за пронаоѓање лек

Ивона Петрова — Wed, 05 Jan 2022 11:35:01 +0000

Актерот Кијану Ривс 70 проценти од заработката од првиот филм Матрикс, кој е снимен во 1999 година, им донирал на експерти за истражување лек против леукемија. За снимање на филмот тој однапред добил 10 милиони долари, а со договор ми следувала и дел од заработката која ја остварил филмот, што е вкупна заработка од 35 милиони долари. Од овој износ Кијану задржал 30 проценти, а останатото го донирал. За оваа донација се одлучил бидејќи неговата сестра Ким со години се борела со оваа болест која и била дијагностицирана во 1991 година. Актерот цело време бил со неа додека се борела во болеста, која на крајот дошла во ремисија. Странските медиуми претходно пишуваа дека Кијану потрошил пет милиони долари на разни терапии за да и помогне на Ким. -Секогаш беше тука за мене, секогаш ќе бидам тука за неа, изјавил актерот во една прилика.

По 11 години Кијану Ривс откри: Ова е вистината зад „тажната фотографија“ со која стана хит меме

Катерина Бојаџиева — Fri, 17 Dec 2021 09:30:00 +0000

Славниот холивудски актер Кијану Ривс во 2010 година беше фотографиран како седи на клупа и јаде сендвич со тажен израз на лицето. Фотографијата веднаш стана ХИТ на социјалните мрежи. Сега, по 11 година, Ривс откри како настанало неговото тажно хит-меме. -Само си седев и јадев сендвич, рече Кијану кој гостуваше во „The Late Show“ кај Стивен Колберт и откри дека сето ова време сме биле во заблуда за неговите емоции на фотографијата. „Размислував. Ми се случуваа многу работи. Бев гладен“, одговори 57- годишниот актер на прашањето на водителот дали воопшто бил тажен во моментот кога бил фотографиран. Неговиот тажен израз го споделуваа твитерџиите тогаш кога сакаа да покажат дека се чувствуваат тажни во моментот.

Сандра Булок: Не сум имала врска со Кијану Ривс

Ивона Петрова — Wed, 24 Nov 2021 08:47:16 +0000

Американската глумица Сандра Булок ги коментираше гласините за врска со Кијану Ривс во интервју за „Есквајер“ (Esquire)… Имено, тие се запознале на снимањето на акциониот филм „Брзина“ (Speed) од 1994 година, а во 2006. глумеа како двојка и во филмот „Куќа на езерото“ (The Lake House). Имаат и заеднички пријатели и ист агент. Поради оваа причина, Булок и Ривс често се среќаваат на холивудските забави, каде што се забавуваат и се дружат. Па така, не се изненадувачки гласините за романтична врска меѓу нив… Прашана дали навистина имало нешто повеќе од работата и пријателството, Сандра Булок решително вели – не! Според глумицата, ова „нешто повеќе“ би го уништило „нивното големо пријателство“. Сепак, таа не ја исклучи можноста да има романса во иднина… Sandra Bullock talks Keanu Reeves dating rumors, reveals sweet gift he gave her after 'Speed' | Fox News – Кој знае!? Кијану е човек кој, мислам, е пријател со секоја жена што ја запознал. Мислам дека нема некој што би рекол нешто страшно за него. Па можеби би го преживеале и тоа… Не знам, вели таа. Булок додава дека Ривс е човек кој знае да слуша и има добри сеќавања за него. Поради негго, на пр., околу една година по „Брзина“, таа првпат пробала шампањско и чоколадни тартуфи. Од 2019 година, Кијану Ривс се гледа со уметницата Александра Грант. А, Сандра Булок претходно беше в брак со ТВ-водителот Џеси Џејмс, од кого се разведе во 2010., по пет години брак, поради неговите неверства.