кик бокс – Kurir.mk

Данило Методиевски вицешампион на светски куп во кик-бокс во Италија

Ивона Петрова — Mon, 02 Oct 2023 15:40:07 +0000

Второ место на светскиот куп во кик-бокс освои кумановецот Данило Методиевски, член на кик-бокс клубот „Предатор“, информираа денеска од клубот. Натпреварот се одржа викендов во Италија. Методиевски се натпреварувал против учесници од Италија, Хрватска и Чешка. Тој ги совладал натпреварувачите од Италија и Хрвастка, но загубил во третата борба и станал светски вицешампион. Ова е највисок резултат за Данило и за клубот од Куманово. – Сите борби се одвиваа во 45 минути со кратки паузи. Данило покажа како се бранат боите на Куманово и Македонија. Се гордееме сите со постигнатиот успех на Данило. Благодарност до нашите спонзори кои го овозможија овој настап, градоначалникот Максим Димитриевски, „Фрагмат“, „Блек Вајпер Сквад“, „Бучен Козјак“ и теретана „Чили Џим“, велат од КБК „Предатор“.

Силвио Мировски со сребрен медал на ЕП во кик бокс во Истанбул

Бошко Тасиќ — Sat, 02 Sep 2023 14:24:42 +0000

Денеска беше финалето помеѓу Силвио Мировски и грчкиот натпреварувач Ефстахиадис Христос каде победи истиот. Силвио Мировски останува со сребрен медал. Претседателот на Кик Бокс Маи Таи Федерацијата Дејан Митровски Урко во изјава за Сител Телевизија вели дека и во полуфиналето и во финалето Силвио се бореше против два светски првака. - Во финалето Силвио изгуби поради искуство и чудниот стил на грчкиот натпреварувач, имаше многу лажни трзнувања за удари а не пласира удари Силвио поради помало искуство и несправувајќи се со тие ситуации не успеа да поентира со него во финалната борба, додаде Дејан Митровски Урко.

Македонските кикбоксери убедливо најдобри на меѓународниот турнир во Ниш

Бошко Тасиќ — Mon, 12 Dec 2022 06:17:53 +0000

На меѓународниот турнир „Балкан бест фајтер“ во Ниш, Србија, македонските кикбоксери освоија вкупно 105 медали.. Нашите натпреварувачи беа најдобри и го освоија првото место. Се закитија со 39 златни, 31 сребрен и 35 бронзени. На втората позиција се најдоа српските кикбоксери со 47 медали, следуваат Црна Гора (12), Босна и Херцеговина (четири), Бугарија (три) и Хрватска (еден). Македонија дојде до пехарот за најуспешна екипа на татами. По клубови еве како медалите се распоредени: Гладијатор – Скопје 8 златни медали, 1 сребрен и 2 бронзени Шампион – Скопје 7-7-7 Тим Зоран – Струмица 7-4-4 Максам – Прилеп 3-3-5 Тетово 3-1-1 Будо – Велес 2-2-2 Работнички Адора 2-2-1 Енерџи – Битола 2-1-1 Самурај – Битола 2-1-0 Гладијатор фајт тим – Штип 1-6-3 Гладијатор Неготино 1-1-2 Патриот – Крива Паланка 1-1-1 Ас – Делчево 1-1-1 Наско тим – Скопје 1-1-0 Комбат – Радовиш 1-0-0 Будо – Кавадарци 0-3-5 Лидер – Виница 0-3-3 Куманово 2006 0-2-0 Предатор – Куманово 0-1-2 Врапчиште 0-1-0

Илиоски: Пресреќен сум што се враќам со златен медал од ЕП

Бошко Тасиќ — Fri, 18 Nov 2022 21:11:01 +0000

По освојувањето на златниот медал на ЕП во Анталија, Боби Илиевски изјави дека со овој успех му се отвораат патеките кон поголеми успеси во Кик боксот:

„Се чувствувам одличнo и многу сум срекен за освојувањето на златато и титулата европски првак. Не застанувам тука .За десетина дена со моите тренери на 03 декември одиме на пресметување турнир Сенши на предходно договорена профил борба против Едуард Алексијан од Бугарија а другата година одиме на освојување на светското злато. Да ги поздравам и ќе се забалагодарам на нашите навивачи Македонци кој во голем број дојдоа на трибините и ме подржаа со навивање.

Благодарам на мојата фамилија, моите тренери, клубски други и сајт кој ми помагаа подржуваа и храбреа. Благодарност исто така до агенцијата за спорт и младите до дир. Наумче Мојсовски и Македонскиот Олимписки Комитет до Претседател Даниел Димески кои секогаш ни се ветер во грб и од голема помош на нас спортистите во постигнувањето на врвните резултати. Да живее Македонија!

Илиоски ќе се бори за злато, Варадинова со бронза на Европското кик бокс првенство

Бошко Тасиќ — Fri, 18 Nov 2022 06:23:37 +0000

На Европското првенство во кик бокс во сениорска конкуренција кое се одржува во Анталија, Турција, македонските натпреварувачи обезбедија два медали Бобан Илиоски во категоријата до 86 килограми (лоу кик) во полуфиналната борба со 3:0 го совлада Борна Манојловиќ од Хрватска. За златниот медал Илиоски ќе ги одмери силите со Христо Калајџиев од Бугарија. Претходно Илиоски славеше победи и над Мартин Лоренц од Чешка (3:0). Кај жените Викторија Варадинова ја освои бронзата во категоријата до 65 килограми (кик лајт). Во полуфиналето нашата натпреварувачка претрпе пораз од Николет Мезеи од Унгарија. Претходно триумфираше против Италијанката Иларија ди Цинито со резултат 2:1.

Дејан Митровски-Урко е кандидат за претседател на ВАКО Балкан федерацијата

Бошко Тасиќ — Sat, 18 Jun 2022 06:14:26 +0000

Дејан Митровски-Урко е кандидат за претседател на ВАКО Балкан федерацијата. Од 17-19 јуни 2022г во Краљево се одржува Балканско првенство во кик бокс во дисциплините К1, Лоу кик и Кик лајт. Учество земаат 7 земји со 212 натпреварувачи. Нашата земја предводена од претседателот Дејан Митровски Урко ке настапи со 73 одбрани натпреварувачи. Во склоп на Балканското првенство ќе се одржи Собрание на ВАКО Балкан федерацијата, на кое се очекува Урко едногласно да биде избран за претседател на силната балканска федерација. На Балканското кик бокс првенство во Краљево, Србија, од 17 до 19 јуни.Шампионатот е во дисциплините К-1, лоу кик и кик лајт. На Балканското првенство ќе настапат 212 натпреварувачи од 7 држави.

Македонските кикбоксери со четири медали од Европското јуниорско ВАКО првенство

Бошко Тасиќ — Sun, 14 Nov 2021 08:37:01 +0000

Македонската кикбокс репрезентација се врати со четири медали од Европското јунирско кикбокс ВАКО првенство кое изминативе денови се одржа во Будва, Црна Гора. Миа Тодорова се закити со сребрен медали, а бронзени одликувања освоија Горјан Ристевски, Олгица Орешкова и Силвио Мировски. Туркер Исмаил поради повреда настаната на квалификациите не успеа да се пласира во мечевите за борба за медал. „Македонските репрезентативци покажаа одлична пожртвуваност во борбите на европскиот шампионат. Сакам да кажам дека и покрај напорните тренинзи што ги имаа сите наши натпреварувачи низ подготовките, пандемијата остави последици и си го направи своето спречувајќи ги да го дадат својот максимум во рингот. Одлично се бореа и имајки ги во предвид сите потешкотии со кои се справуваме изминатиот ковид-период јас сум задоволен од постигнатите резултати. Добра работа е тоа што повеќето го имаат прележано вирусот, исто толку се вакцинирсни поради што се надевам дека во иднина нема да има што да не спречи или да ни отежне во остварувањето на подобри резултати“ – ни изјави по завршувањето на првенството со свој осврт за постигнатото, претседателот на Кикбокс Маитаи федерацијата на Македонија и селектор, Дејан Митровски – Урко.

Миа Тодорова во финалето на Светскиот куп, бронзи за Леков и Ризов

Бошко Тасиќ — Sun, 19 Sep 2021 06:57:48 +0000

Миа Тодорова (-65 кг) во финалето ќе се бори против Србинката Валентина Кери на Светскиот кик бокс куп во Будимпешта, Унгарија, во лоу кик. Филип Ризов и Иле Леков во полуфиналето беа поразени, па така освоија бронзени медали. Сепак, вели селекторот Дејан Митровски, и двајцата одлично се избориле На СК настапуваат и Исмаел Туркер и Иван Кукуновски во лајт кик. На СК има 1689 учесници од 45 држави од 288 клуба, односно 3084 натпреварувачи, бидејќи некои кикбоксери ќе настапуваат во повеќе дисциплини. Резултати лоу кик – сениори -65 кг Миа Тодорова – Улијана Мишченко (Украина) 3-0 во полуфинале Финале Миа Тодорова – Валентина Кери (Србија) -57 кг Филип Ризов – Данил Сурхалов (Украина) 0-3 во полуфинале лоу кик – постари јуниори -71 кг Иле Леков – Владисав Сидорчук (Полска) 0-3 во полуфинале

Милена Стојановска државен јуниорси првак во кик бокс лајт

Ивона Петрова — Wed, 24 Feb 2021 06:53:06 +0000

Милена Стојановска од Кик бокс клубот „Патриот“ од Крива Паланка е државен првак во јуниорска конкуренција во кик бокс лајт контакт дисциплина за девојки под 60 килограми. Стојановска настапи во две категории на првото национално кик бокс првенство за 2021 година што се одржа викендов во СЦ „Борис Трајковски“ во Скопје, во организација на Кик бокс маитаи федерацијата на Република Северна Македонија. -Ова државно првенство во организација на Кик бокс федерацијата беше за сите возрасни категории и во сите дисципли: на татами поинт фајт, лајт контакт и кик лајт; лоу кик, а нашата Милена Стојановска настапи во кик лајт, јуниорки каде го освои првото место во категорија под 60 килограми и се закити со титулата државен првак. Стојановска се натпреваруваше и во сениорка конкуренција, лајт контакт ринг дисциплина, каде заврши третопласирана, откако најпрвин беше прогласена за првак, за потоа судиите да ја променат одлуката и ја прогласат за тертопласирана. Во секој случај, ние сме презадоволни од постигнатите резулатти и продолжуваме да работиме и да се подоготвуваме за претстојните првенства во текот на годината, изјави Никола Величковски, тренер од „КБК „Патриот“. На Првото национално првенство за сите возрасни категории настапија 184 натпреварувачи од вкупно 24 кик бокс клубови од државата.

Првото национално кик- бокс првенство за 2021 помина во одлична организација

Бошко Тасиќ — Tue, 23 Feb 2021 17:43:16 +0000

Кикбокс Маитаи федерација на Македонија (КМФМ) изминатиов викенд во А1 арената во Скопје го организираше Првото национално кикбокс првенство за 2021 година за сите возрасни категории. КМФМ уште еднаш на извонреден начин организираше спортски настан, и во време на пандемија. На првенството учествуваа 184 натпреварувачи од вкупно 24 кикбокс клубови од целата држава, при што за најуспешен кикбокс клуб е прогласен КБК Шампион од Скопје пред КБК Гладијатор од Скопје и КБК Будо од Кавадарци. Реализацијата на овој масовен натпревар беше потпомогната од страна на Агенцијата за млади и спорт на РМ, од Карате федерацијата на Македонија, како и неколку домашни компании од приватниот сектор