Украински првак во кикбокс убиен во битка со руската војска

Катерина Бојаџиева — Wed, 21 Jun 2023 10:49:49 +0000

Украинскиот шампион во кикбокс Максим Бордус (23) е убиен во борба против руските воени сили, објави украинската интернет страна „Спортски ангели“ на која се евидентираат воените жртви меѓу спортистите. Бордус, како што е соопштено, загинал на 11 јуни во „жестоки борби против руските агресори“. Со секој изминат ден со оружје во рацете се приближуваме до победата на Украина, но тој самиот тоа нема да го види, напиша невладината организација, објавувајќи фотографија на која Бордус позира со неколку медали. На интернет страна на украинскиот претседател Володимир Зеленски е објавена петиција со која се бара на Бордус постхумно да му се додели титулата „Херој на Украина“. Бордус ѝ се приклучи на украинската војска на првиот ден од руската агресија во февруари лани, а го загуби животот од руска граната при борбена мисија во јужниот регион Запорожје.

Македонските кикбоксери освоија 65 медали на „Балканс бест фајтерс 6“

Ивона Петрова — Mon, 06 Dec 2021 11:46:59 +0000

Македонските кикбоксери освоија вкупно 65 медали – 20 златни, 21 сребрен и 24 бронзени на Меѓународниот кик бокс турнир „Балканс бест фајтерс 6“ во Ниш, Србија. На турнирот настапија 275 натпреварувачи со 285 влезови од 66 клубови од Босна и Херцеговина, Македонија, Црна Гора, Хрватска, Србија и Бугарија. Од триумфите, пехарот за најдобар јуниор во кик лајт замина во рацете на Мартин Илков. За најдобар помлад кадет во кик лајт беше избран Ристе Чавков, додека Драган Пандев освои пехар за најдобар кадет. Александар Арапов го освои пехарот за најдобар помлад кадет. Од Северна Македонија настапија кикбоксери од повеќе македонски клубови. Медалите по клубови ги освоија: Гладијатор – Неготино – 3 (1-1-1) Гладијатор-Скопје – 2 (2-0-0) Будо-Квадарци – 5 (3-1-1) Будо-Велес – 3 (0-0-3) Гладијатор-Штип – 6 (1-2-3) Лидер – 4 (3-0-1) Максам тим – 5 (1-1-3) Работнички Адора- 10 (1-4-5) Шампион – 8 (2-5-1) Куманово 2006 – 1 (0-0-1) Мај тај комбат – 1 (0-0-1) Тим Зоран – 13 (5-6-2) Тетова – 4 (1-1-2)

кикбокс – Kurir.mk

Украински првак во кикбокс убиен во битка со руската војска

Македонските кикбоксери освоија 65 медали на „Балканс бест фајтерс 6“