Кике Сетиен – Kurir.mk

Кике Сетиен го наследи Емери во Виљареал

Бошко Тасиќ — Wed, 26 Oct 2022 05:01:55 +0000

Екипата на Виљареал остана без својот тренер Унаи Емери кој замина да ја води Астон Вила во Премиер лигата. Клубот од Англија ја плати откупната клаузула од шест милиони евра и го доведе стручњакот, па „жолтата подморница“ мораше да бара замена. Шпанскиот стручњак Кике Сетиен е наследникот на Емери на клупата на Виљареал. Искусниот стратег парафира договор до крајот на следната сезона. Сетиен утре наутро ќе го поведе тимот на првиот тренинг, по што следи и официјалната прес-конференција во негова чест.

Сетиен од Барселона бара паричен надоместок и писмен документ за отказот

Дарко Андоновски — Wed, 26 Aug 2020 18:25:07 +0000

Поранешниот тренер на Барселона, Кике Сетиен, испрати писмено барање до каталонскиот клуб за да добие официјални документи за неговото разрешување, пренесува „Кадена СЕР“. Во моментов, ниту самиот Сетиен, ниту неговите помошници не можат да бараат нов тим за себе, бидејќи тие не биле официјално известени за отказот. Како што е забележано, Барселона, откако добила барање од претставниците на тренерот, ќе одговори на тоа „навремено и на соодветен начин“. Сетиен и членовите на неговиот стручен штаб, исто така, бараат паричен надоместок за откажување на договорите.

Бартомеу: Сетиен ќе го предводи тимот во Лигата на шампионите следната сезона

Магдалена Андонова — Mon, 13 Jul 2020 18:41:30 +0000

Тренерот Кике Сетиен ќе биде на клупата на Барселона и следната сезона, изјави првиот човек на каталонскиот клуб, Пеп Марија Бартомеу. – Сетиен ќе го предводи тимот во Лигата на шампионите. Неговата намера е да остане тренер и следната сезона, а наша обврска е да се држиме до потпишаниот договор, изјави Бартомеу за шпанските медиуми. Сетиен го замени Ернесто Валверде на клупата на Барселона во јануари, но игрите и резултатите на тимот не ги исполнија очекувањата на навивачите. Барселона моментно е на втората позиција на табелата со еден бод помалку од најголемиот ривал, Реал Мадрид, кој има натпревар помалку, додека Каталонците во Лигата на шампионите очекуваат реванш од осминафиналето против Наполи.(МИА)

Сетиен: Меси и јас се разбираме, а тимот игра добро

Ивана Ефремовски — Sat, 04 Jul 2020 13:58:57 +0000

Тренерот на Барселона, Кике Сетиен изјави дека не е загрижен за ништо по неодамнешните слаби игри. „Лос Кулес“ веќе се 4 бода зад Реал Мадрид, а има тензија меѓу играчите и тренерскиот штаб. Според информациите, Лионел Меси и останатите отворено не му се спротиставуваат на Сетиен, што најверојатно ќе доведе до негово ослободување. -Меси и јас се разбираме добро. Сè друго е шпекулација. И двајцата зборуваме за тоа што е потребно. Постои хиерархија во секој клуб и во секоја соблекувална и тоа никогаш не ми пречи. Напротив – никогаш не се обидувам да ги наметнувам моите идеи, само се обидувам да ги убедам играчите во нив. Знам дека има многу врева околу мене во моментот, но ова не ми е прв пат. Сите сме тренери во циркусот. Ова е нормално, особено кога не победуваме. Јас ниту една минута не размислувам што ќе се случи со мене лично, вели тој. Тренерот одби да ги коментира гласините дека Меси може да го напушти „Камп Ноу“. -Лично, не сум слушнал ништо од него на оваа тема. Немам што да кажам, ова не е моја работа, рече Сетиен. Во недела, Барса гостува во Виљареал, а проблем за тимот е лошата форма на Антоан Гризман. -Антоан е добар, тој е одличен професионалец. Разменивме неколку збора. Гризман е позитивна личност и знам дека тоа нема да влијае врз него. Убеден сум дека повторно ќе видиме дека ќе се дава 100%. Инаку, сега се соочуваме со една од најдобрите екипи по рестартирањето. Вистината е дека овој натпревар доаѓа во време кога играме добро. Одигравме и силно против Атлетико Мадрид. Во моментов, сепак, заостануваме зад Реал Мадрид, но сепак имаме шанса. Ќе се бориме до последно, заврши Сетиен.

Сетиен по ремито против Атлетико: Губењето поени ги намали нашите шанси за титулата

Тале Кристо — Wed, 01 Jul 2020 06:48:00 +0000

Ремито против Атлетико Мадрид (2:2) дополнително ја оддалечи Барселона од титулата и тренерот на тимот Кике Сетиен не криеше дека задачата станала уште покомплицирана. Сепак, тој беше задоволен од играта во судирот со „јорганџиите“. – Жално е што не победивме бидејќи е потешко да се надеваме дека ќе станеме шампиони. Губењето на поени ги намали нашите шанси за прво место, но мора да продолжиме да работиме. Атлетико е добар тим, со одлични играчи. Тие се многу стабилни. Тие не оставаат слободни места. Јас сум целосно задоволен од нашата игра. Ние ја контролиравме топката подолги периоди на натпреварот. Тимот вложи многу напор против исклучително дисциплиниран противник, изјави Сетиен. На прашањето дали е мирен за својата позиција, специјалистот рече дека ја чувствува поддршката на тимот, а исто така одби да коментира дали имало средба меѓу него и раководството на клубот. Барселона е на второто место во пласманот со 70 бода, а лидерот Реал Мадрид има 71 пред денешниот натпревар против Хетафе.

Сетиен по ремито со Севиља: Бод е подобро од ништо

Ивона Петрова — Sat, 20 Jun 2020 08:17:32 +0000

Лидерот во Ла Лига Барселона не успеа да победи како гостин против Севиља (0: 0) и ризикува да ја препушти лидерската позиција на Реал Мадрид. По натпреварот на „Рамон Санчез Писхуан“, тренерот на Каталонците Кике Сетиен призна дека екипата играла на ниво само во првиот половина час. – Првите 30 минути беа многу охрабрувачки. Одигравме добро, не и дозволивме Севиља да ги покаже своите силни страни. Но, после паузата, почнавме да играме побавно, ја изгубивме топката. По паузата се уште не бевме доволно организирани, а Севиља веќе беше тимот кој го контролира натпреварот. Тие секогаш се во можност да го казнат противникот кога ќе им се остават слободни простори, коментира Сетиен. Според него, Каталонците не знаеле како да стигнат до гол ситуација. – Знаевме дека ова нема да биде лесен натпревар. Во оваа ситуација, еден поен е подобар од ништо”, рече тренерот на Барса. Во однос на рангирањето, тој смета дека шансите не се исти како пред вчерашниот натпреварот, но Реал Мадрид сè уште не победил на гостувањето кај Реал Сосиедад, а тоа е тешка задача. – Сега доаѓа време на песимистите, но јас ќе продолжам да зборувам за позитивните работи што ги правиме. Стилот е таков што ризикуваме многу да играме длабоко во противничката половина. Затоа Тер Штеген е толку важен за нас. Сега сме разочарани, но утре ќе го гледаме светот поинаку, рече Сетиен.

Сетиен инсистира на привлекување на Пјаниќ

Ивона Петрова — Fri, 05 Jun 2020 08:51:11 +0000

Тренерот на Барселона, Кике Сетиен им соопштил на шефовите дека главниот приоритет за него е привлекувањето на Миралем Пјаниќ од Јувентус. Се верува дека Бошњакот ќе замине во текот на летото, а тој избрал да се пресели на „Камп Ноу“. Сепак, за него се заинтересирани и Пари Сен Жермен и Манчестер Јунајтед, а тоа сериозно го загрижува Сетиен, тврди „Гол“. Поради оваа причина, тренерот ги повика шефовите да направат се што е можно за да го доведат Пјаниќ во каталонската престолнина. Двата клуба веќе се во преговори за ова прашање и се очекува да направат размена на играчи. Нелсон Семедо и Жуниор Фирпо може да бидат дел од зделката за халфот.

Сетиен: Сакаме да ги освоиме Ла Лига и Лигата на шампионите

Ивона Петрова — Wed, 06 May 2020 06:43:11 +0000

Тренерот на Барселона, Кике Сетиен изјави дека сака да се доигра сезоната во Ла Лига и Лигата на шампионите и неговиот клуб да дојде до трофеите. -Сакам да се вратиме во нормала. Она што се случи, влијаеше на секој од нас. Кога ќе се вратиме на тренинзи, ќе работиме на тоа што не можевме да го направиме дома. Учествуваме на два многу мотивирачки турнири. Ги бркаме трофеите во двете натпреварувања. Би сакале да ги одиграме сите натпревари во првенството и да ги победиме. Истото важи и за Лигата на шампионите, изјави Сетиен. Каталонците се лидери на табелата во шпанската Ла Лига со два бода повеќе од второпласираниот Реал. Барселона го одигра првиот натпревар од осминафиналето на Лигата на шампионите против Наполи (1:1).

Сетиен: Меси може да си замине

Ивона Петрова — Tue, 21 Apr 2020 07:20:59 +0000

Тренерот на Барселона, Кике Сетиен ги шокираше Каталонците со изјава за иднината на Лео Меси. Според стратегот, шесткратниот добитник на „Златна топка“ веројатно ќе го стори незамисливото и ќе го напушти „Камп Ноу“. Според него, сепак, ова може да се случи под еден услов, што според него нема да биде исполнет. – Доколку тој не е сигурен дека е во тек победнички проект, тој може да се повлече. Но, Барселона секогаш смета на еден проект, кој ќе носи успеси, истакна Сетиен, додавајќи дека е сигурен дека Меси ќе игра за Каталонците следната сезона. Во последно време шпекулациите за ѕвездата на Барса не сопираат бидејќи неговиот договор е до 2021 година. Тие доаѓаат во време на серија судири на високо ниво, особено со претседателот Пеп Марија Бартомеу. Не е тајна дека Меси е во заладен однос со шефот и, најверојатно, тој не брза повторно да потпише и ги чека изборите. Во врска со забранетите тренинзи поради пандемијата на коронавирус, Сетиен рече дека аргентинскиот генијалец одржувал форма дома. – Оние кои немаат салата во своите куќи, добија програма од клубот за да можат да ги завршат сите задачи, додаде Сетиен.

Сетиен: Нерешениот исход со Наполи е позитивен резултат за Барселона

Ивона Петрова — Wed, 26 Feb 2020 09:22:28 +0000

Тренерот на Барселона, Кике Сетен по нерешениот резултат (1:1) со Наполи во првиот натпревар од осминафиналето во Лигата на шампионите, рече дека резултатот може да се смета за позитивен. – Нема да можеме да сметаме на Серхио Бускетс и Видал во возвратниот натпревар, но ќе најдеме решение да го надоместиме нивното отсуство. Во принцип, ова е позитивен резултат за нас. Го контролиравме најголемиот дел од натпреварот, но малку ни недостасуваше во третата зона во борбата против ваквата организирана одбрана. Наполи добро играше во дефанзива, но и ние добро ги запревме нивните контранапади. Реваншот е закажан за 18 март во Барселона.