килијан ембапе – Kurir.mk

Форбс објави: Познато е кој ќе биде најплатениот фудбалер за оваа година

Магдалена Андонова — Sat, 08 Oct 2022 16:23:08 +0000

Фудбалерот на ПСЖ и француски репрезентативец Килијан Мбапе ќе биде најплатен фудбалер во оваа сезона со заработка од 128 милиони долари, објави американското списание „Форбс“. Мбапе со тоа ќе ги симне од тронот Аргентинецот Лионел Меси и Португалецот Кристијано Роналдо кои изминатите осум години беа најплатени фудбалери во светски рамки. Според проценките на „Форбс“, Мбапе оваа сезона ќе инкасира 128 милиони долари, од кои 110 врз основа на годишната плата која ја има договорено со францускиот клуб и дополнителни 18 милиони долари од спонзори. Соиграчот на Мбапе во ПСЖ, Меси, оваа сезона треба да заработи 120 милиони долари (65 милиони долари од плата и 55 милиони од спонзори“, додека приходите на членот на Манчестер јунајтед, Роналдо, оваа сезона се проценети на 100 милиони долари. Португалецот има плата од 40 милиони долари, а од спонзори инкасира дополнителни 60 милиони долари. (МИА)

Руни го нарече Мбапе егоист: Со 23 години си дозволува да го турка Меси

Магдалена Андонова — Fri, 19 Aug 2022 11:44:52 +0000

Поранешниот англиски фудбалски репрезентативец Вејн Руни го критикуваше играчот на ПСЖ, Килијан Мбапе, поради неговиот вербален и физички конфликт со еден од најдобрите фудбалери на сите времиња Лионел Меси. Инцидентот се случи на натпреварот од француското првенство меѓу ПСЖ и Монпеље. Мбапе прво влезе во вербален судир со Меси, откако аргентинскиот фудбалер ја зеде топката в раце за да изведе пенал, по што беше грубо оттурнат од неговиот соиграч. – Фудбалер кој има 23 години си дозволува себе си да го турка Меси? Не сум видел во животот поголемо его, изјави Руни, пренесуваат британските медиуми. – Некој би требало да го потсети Мбапе дека Меси на негова возраст имаше освоено четири Златни топки, додаде Руни. (МИА)

Реал веќе порача 20.000 дресови со името на Мбапе

Бошко Тасиќ — Fri, 13 May 2022 16:06:05 +0000

Веќе две години Реал Мадрид се занимава со Килијан Мбапе и кога ќе дојде на „Бернабеу“, милијарди и милијарди текстови се напишани од светските медиуми за тоа. Инаку се чини, и покрај понудата од ПСЖ која се граничи со лудило, Мбапе ова лето веројатно доаѓа во Реал Мадрид. А тоа е дека „кралевите“ порачале да се изработат 20.000 дресови со името на Мбапе, и тие веќе се изработени. Исто така од Мадрид не кријат дека е подготвена и спектакуларна промоција.

Леонардо си ја отвори душата за понудата за Мбапе и лошата состојба на Серхио Рамос

Ристе Здравков — Thu, 03 Mar 2022 09:15:31 +0000

ПСЖ се бори за трофеи, но и за Килијан Мбапе. Не е тајна дека ПСЖ со недели се обидува да го убеди Мбапе да потпише нов краткорочен договор, што во интервју за Лекип го потврди и спортскиот директор Леонардо. Сепак, тој тврди дека клубот не му понудил астрономска плата од 50 милиони евра и дополнителен бонус за лојалност. „Тоа не е точно, бидејќи немам конкретна понуда кога се парите во прашање. Мислам дека тоа ќе биде на последното место во нашата понуда. Сакаме на Мбапе да му понудиме најдобри можни услови во спортот, како најдобар играч во светот. Парите никогаш не биле тема кај него. Ако парите се единствениот проблем, ќе го решиме за две минути“, изјави Леонардо, кој смета дека шансите Мбапе да остане се се повисоки и се поголеми. „Се повеќе веруваме. Работата е како се чувствува. ПСЖ сега е еден од најголемите клубови во Европа и Французите повеќе не мора да одат во странство како порано. Не случајно светскиот шампион од 1998 година немаше еден домашен играч.Зидан стекна слава во странство, Погба и Гризман никогаш не играа во Лига 1. На Светското првенство 2018, Мбапе беше единствениот стартер во Лига 1. ПСЖ стана сила, создадовме моќен клуб и тоа е најважно нешто за Мбапе“, изјави Леонардо. Неизбежна тема беше и Серхио Рамос, кој практично не играше од неговото доаѓање поради низа повреди. Физички беше добро кога го доведовме, а досега одигра пет натпревари. За жал, не можевме да предвидиме некои работи. Тешко е за сите, и за него и за нас. Но нашите лекарски извештаи се јасни. Кога ќе дојде денот кога повеќе нема да може да игра, сите ќе знаат, но тоа не е така сега. Чекаме затоа што не сакаме да ја повториме истата грешка, сезоната не е завршена за него уште.За жал, никој не очекуваше вакво сценарио кога влезе. Нема да признаам дека згрешив, Насер Ал Келаифи има целосна доверба во мојата работа и во моите одлуки и тоа е најважно за мене “, заклучи Леонардо.