килијан мбпае – Kurir.mk

Енрике: Повредата на Мбапе не е многу сериозна, но болката му отежна да игра

Дарко Андоновски — Mon, 25 Sep 2023 07:14:43 +0000

Тренерот на Пари Сен-Жермен, Луис Енрике, проговори за повредата на првата ѕвезда во тимот, Килијан Мбапе на натпреварот од 6. коло на Лига 1 против Марсеј (4:0). Во 32. минута од натпреварот францускиот фудбалер беше заменет со Португалецот Гонсало Рамос. На париските социјални мрежи беше објавено дека Мбапе го повредил левиот скочен зглоб. - Тоа не е многу сериозен проблем, но имаше болка што му отежна да игра. Имаше повеќе смисла да се замени. Но, ништо сериозно, изјави Енрике. ПСЖ со 11 бода се наоѓа на третата позиција во поредокот на францускиот шампионат.

Мбапе го одби најголемиот договор во историјата на фудбалот

Бошко Тасиќ — Thu, 27 Jul 2023 04:09:28 +0000

Францускиот репрезентативец Килијан Мбапе минатата година ја одби понудата на Реал Мадрид и потпиша нов двегодишен договор со Пари Сен Жермен. Во договорот има опција за продолжување на соработката, но Французите ја одбија, поради што тој влезе во отворена војна со челниците на „светците“. На Мбапе му беше дадена опција следната година да ја помине на трибините или веднаш да биде продаден. Многу клубови сакаа да го ангажираат, но малкумина имаат средства или се подготвени да ја платат отштетата што се бара за него. Парите не се проблем за клубовите од Саудиска Арабија, па Ал Хилал испрати понуда од 300.000.000 евра во Париз, а на Мбапе му понуди уште 700.000.000 за две години.

ПСЖ ќе направи сѐ за да го продаде Мбапе ова лето

Бошко Тасиќ — Tue, 11 Jul 2023 04:35:46 +0000

Поради договорот кој ќе му донесе многу пари ако остане уште една сезона, Мбапе не сака да си оди ова лето, туку следното да замине како слободен играч. Но едно такво сценарио е кобно за ПСЖ бидејќи нема да заработат ниту евро од заминувањето на својот најдобар фудбалер и ќе излезат како големи губитници. „Ла Паризиен“ тврди дека во ПСЖ ќе направат сѐ што е во нивна моќ да го продадат Мбапе ова лето. Фабрицио Романо се надоврзува на ова велејќи дека иднината на Мбапе ќе се дознае до крајот на оваа недела или почетокот на следната. Мбапе не сака да си замине бидејќи ако остане уште една сезона само за плата ќе добие 60 милиони евра, а треба да му биде исплатен и бонус за лојалност од неверојатни 90 милиони евра. Тоа значи дека во игра се вкупно 150 милиони евра. Токму затоа ПСЖ има проблем да го продаде Мбапе кој си ги сака парите што би му следувале ако остане уште една сезона.

Мбапе: Мундијалот е турнир на моите сништа

Бошко Тасиќ — Mon, 05 Dec 2022 05:57:26 +0000

Мбапе е првиот фудбалер на Мундијалот кој трипати е прогласуван за играч на натпреварот. Сепак, по победата над Полска рече дека не му се битни индивидуалните признанија. „Победивме и многу сме среќни што ја продолжуваме авантурата. Би сакал да кажам и дека имаше многу прашања за моето непојавување на прес-конференци. Немам ништо против новинарите, но имам потреба да се фокусирам на натпреварите. Кога сакам да се фокусирам на нешто, морам да го сторам максимално, да не ја трошам енергијата на друго место“, изјави Мбапе. На прашањето дали сака да ја освои „Златната топка“ и титулата најдобар играч на Светското првенство, Мбапе одговори дека нема таква амбиција. „Единствената цел за мене е да го освојам Светското првенство, и секако следниот натпревар. Тоа е единственото нешто за кое сонувам. Дојдов да го освојам Светското првенство. Тоа е моја опсесија и натпреварување на моите сништа“, заврши Мбапе. Франција во четвртфиналето ќе игра со Англија следната сабота од 20:00 часот.