Килиманџаро – Kurir.mk

Стотици пожарникари се борат со пожар на планината Килиманџаро

Катерина Бојаџиева — Sat, 22 Oct 2022 18:02:32 +0000

Стотици пожарникари денеска го гасат пожарот на планината Килиманџаро, соопштија локалните власти во Танзанија. Никој не е повреден во пожарот што избувна во петокот, изјави регионалниот комесар Нурдин Бабу за ДПА, додавајќи дека причината допрва треба да се утврди. Густите облаци чад како и ветровите им ја отежнуваа работата на 320-те пожарникари, а пожарот гори на надморска височина од околу 3.900 метри. Управата за национални паркови на оваа источноафриканска земја соопшти дека лесно запаливи растенија растат на погодениот дел од планината, во климатска зона слична на ридовите. Ова не е прв пожар на Килиманџаро. Пред околу две години, жителите и вработените во управата за паркови по неколку дена успеаја да изгаснат пожар. На околу 6.000 метри, Килиманџаро е највисоката планина на континентот и популарна туристичка дестинација во Танзанија. Секоја година ја посетуваат околу 50.000 луѓе.

Огромни пожари на Килиманџаро,се евакуираат странците(ВИДЕО)

Магдалена Андонова — Thu, 15 Oct 2020 15:22:34 +0000

Властите на Танзанија денеска објавија дека планираат да вклучат хеликоптери во гаснењето на пожарот што гори веќе пет дена на Килиманџаро, бил посилен отколку што првично мислеле и дека се евакуирани групите планинари. Сè уште се бориме со огнот. Работата е потешка отколку што претходно мислевме. Предизвик се силните ветрови, сувата трева и вегетацијата", објави на Твитер министерот за туризам на Танзанија, Хамиси Кигвангала. -Откако ќе ги исполниме денешните задачи, можеме да започнеме со употреба на хеликоптери и авиони за гаснење на пожарот, додаде тој. Во меѓувреме, странските планинари биле евакуирани во текот на ноќта, соопштиле група планинарски водачи. -Освен мојата швајцарска група, имаше уште пет до шест други групи кои мораа да ги расклопат шаторите на полноќ, рече Хенинг Шмит, германски водич за највисокиот врв во Африка, додавајќи дека пожарот се шири сè повеќе. Сателитските фотографии покажуваат јасно ширење на пожарот, а група германски, австриски и швајцарски планинари денеска потврдија дека има силен ветер и дека дебел слој пепел ги покрива нивните шатори. -Овде има премногу чад. Се плашиме од труење со јаглерод моноксид, изјави Деби Бахман за агенцијата Дпа, додавајќи дека таа и групата алпинисти што ги предводи ќе престанат со искачувањето. Пожарот избувнал во неделата, а властите соопштија дека се изгорени 28 квадратни километри вегетација. Официјалните лица велат дека околу 500 луѓе работат на гаснењето на пожарот.

Пожар на највисоката африканска планина Килиманџаро, пожарникарите се обидуваат да го изгаснат

Тале Кристо — Mon, 12 Oct 2020 10:22:25 +0000

Танзаниските пожарникари се обидуваатда го изгаснат огнот што вчера изби на највисоката африканска планина Килиманџаро. Во гаснење на пожарот учествуваат и локалните жители. Планината Килиманџаро е висока 5.895 метри и секоја година е посетен од приближно 50.000 туристи.

Два пати го освоила Килиманџаро, а има само шест години (ФОТО)

Ивана Ефремовски — Mon, 18 Nov 2019 09:29:59 +0000

Шестгодишното девојче Ешлин од Велика Британија, станала најмладото женско лице кое дошло до врвот на планината Килиманџаро во Африка. Подвигот на малата, но силна Ешлин Мендрик, ги воодушевил и искусните планинари. Девојчето одбило било каква помош при искачувањето до висина од 5.895 метри. Инаку, до врвот Ухуру, доаѓаат само две третини од лицата кои тргаат кон него. Толку уживала во качувањето што две недели подоцна, Ешлин повторно се искачила на врвот по друг пат. Таа се надева дека еден ден ќе го освои и Монт Еверест.

Briton, six, becomes the youngest girl to scale Kilimanjaro https://t.co/sJrrExS9a6
— Daily Mail U.K. (@DailyMailUK) November 16, 2019

Ешлин е од Западен Сасекс и на експедицијата била со својата мајка Викторија и 11-годишниот брат Николас. До врвот пристигнала на 29-ти септември, а истото го повторила и на 13-ти октомври. Првото искачување траело шест дена, а второто пет. “Ешлин го собори рекордот кој го држеше Монтана Кини од САД, а која минатата година, до врвот се искачила со седум години и десет месеци. Горда сум на своето дете, беше неверојатно искуство”, рекла Викторија, мајка на Ешли.