Ким Џон Ун – Kurir.mk

Претседателот на Куба се сретна со севернокорејскиот лидер Ким Џонг-ун

Ристе Здравков — Mon, 05 Nov 2018 15:59:40 +0000

Севернокорејскиот лидер Ким Џонг-ун и претседателот на Куба Мигел Дијаз Канел на денешната средба во Пјонгјанг се согласија да ги прошират и зајакнат своите стратешки односи.

Дијаз канел, кој е во Азија на својата прва меѓународна турнеја откако ја презеде функцијата во април, во Пјонгјанг стаса вчера, заедно со сопругата. На средбната со Ким тие ја нагласиле заедничката социјалистичка историја и се заложиле за продолжување на солидарноста. Севернокорејските медиуми известија за средбата без да изнесат детали, наведувајќи само дека разговорите минале во „другарска и пријателска атмосфера“. Диаз Канел утре ќе отпатува од Пјонгјанг, од каде ја продолжува турнејата во Кина, Виетнам и Лаос.

САД наскоро ќе и даде рокови на Северна Кореја

Даниел Василев — Mon, 25 Jun 2018 10:26:02 +0000

САД наскоро ќе и постави временска рамка на Северна Кореја кој содржи спефицични барања, по историскиот самит меѓу Доналд Трамп и Ким Џонг-ун. Неименуван американски претставник, не ги прецизирал деталите, но рекол оти временскиот рок ќе биде доволно мал за јасно да се означи нивото на ангажирање на Пјонгјанг. -Наскоро ќе знаеме дали тие ќе делуваат со добра намера или не, изјавил претставникот кој сакал да остане анонимен, пренесува Ројстерс.

Реакции за самитот Трамп-Ким: Пофалби кон двајцата лидери доаѓаат од сите страни

Даниел Василев — Tue, 12 Jun 2018 12:09:17 +0000

Пристигнуваат реакции од светот за историскиот самит во Сингапур каде состанок одржаа американскиот претседатели и севернокорејскиот лидер. Кина предложива укинување на санкциите. Оваа држава до Советот за безбедност на Обединетите Нации достави предлог за намалување на суспензиите или укинување на санкциите кон Северна Кореја, доколку Пјонгјанг постапи во согласност со резолуциите на ОН и напредне во дипломатските преговори. Портпаролот на кинеското Министерство за надворешни работи Генг Шаунг рече дека Кина ги поздравува и поддржува разговорите меѓу двајцата лидери за да постигне консензус за денуклеаризација и формирање на мировен механизам. Тој на новинарите во Пекинг им соопшти дека санкциите од СБ против Северна Кореја би можеле да бидат суспендирани или укинати во согласност со акциите на Пјонгјанг, пренесува АП. -Санкциите не се крај. Веруваме дека СБ би требало да направи напори да ги поддржи дипломатските напори во овој момент, рече Генг. Шефицата на дипломатијата на Европската Унија, Федерика Могерини изјави дека состанокот го потврди силното убедување на ЕУ дека дипломатијата е единствен начин кон траен мир на Корејскиот полуостров. -Дипломатскиот пат често е пол со предизвици, но секогаш се исплати, порача Могерини. Оцени дека состанокот во Сингапур беше пресуден и неопходен чекор за да се продолжи по патот на позитивен развој на случувањата постигнати досега во однос на меѓународните односи и на самиот полуостров, на што Могерини му се заблагодари на претседателот на Јужна Кореја, Мун Џае-ин. Јужнокорејскиот претседател, пак, го поздрави договорот меѓу САД и Северна Кореја, истакнувајќи дека е историско случување кое ќе ја оконча Студената војна. Мун им додела признанија на Ким Џон-ун и Доналд Трамп поради храброста и одлучноста, наведувајќи дека со тој договор двете Кореи ќе ја свртат страницата на тешкото минато создадено од војна и конфронтација. Рускиот министер за надворешни работи, Сергеј Лавров го поздрави состанокот меѓу американскиот и севернокорејскиот лидер. -Само фактот за состанок меѓу двајцата лидери е позитива... Ги следиме коментарите на двете страни, но се уште го немаме видено документот... ќе видиме, рече Лавров, пренесува Ројтерс.

Ким-Трамп самит: Северна Кореја се надева на промени

Даниел Василев — Mon, 11 Jun 2018 10:27:12 +0000

Неодамна објавените коментари претставуваат промена на тонот пред долгоочекуваниот самит меѓу Соединетите Американски Држави и Северна Кореја. Севернокорејските државни медиуми ја споменуваат можноста дека оваа изолирана земја ќе „воспостави нов однос“ со САД. Ова е објавено ден пред историскиот состанок меѓу севернокорејскиот лидер Ким Џонг-ун и Доналд Трамп. Овие коментари претставуаат промена на тонот по децении непријателство. Од друга страна, Трамп изјави дека има „добро чувство“ во врска со долгоочекуваниот сами.

Great to be in Singapore, excitement in the air!
— Donald J. Trump (@realDonaldTrump) June 11, 2018

Двајцата лидери пристигнаа во Сингапур, што е прв состанок меѓу американски претседател и севернокорејски лидер. Трамп твитна во изутрината дека во оваа азиска земја чувствува возбудување во воздухот, пред самитот. Се надева дека со оваа средба ќе почне процес кој на крајот ќе доведе до тоа Ким да се откаже од нуклеарното оружје. Меѓутоа, очекувањата на Северна Кореја не се толку јасни.

Сингапурски барови подготвуваат специјални коктели за Трамп и Ким

Даниел Василев — Mon, 04 Jun 2018 12:21:43 +0000

Додека Сингапур се подготвува за долгоочекуваниот состанок меѓу американскиот претседател Доналд Трамп и севернокорејскиот лидер Ким Џонс-ун, во барот Хопхедс се служи коктел „Броменс“, направен од пиво, текила, диетална Кока кола и соџуа, ликер кој се смета за национаелн севернокорејски пијалак. -Се одлучивме да употребиме диетална Кока кола, зашто тоа е омилениот пијалак на Трамп, изјави за Ројтерс Карло Ибанез. Коктелот содржи 150 милилитри Асаши, црно пиво, 60 милилитри диетална Кока кола, 20 милилитри текила и 30 милилитри соџуа. „Броменс“ ќе биде служен само во пар, така што два коктели ќе чинат околу 15 долари, иако е малку верјатно дека Трамп ќе наздрави со Ким, бидејќи не пие алкохол. Во пабот Ескобар ќе се служат специјални пијалаци „Трамп“ и „Ким“. „Трамп“ е син коктел со бурбо, а „Ким“ црвен со соџуа како основа, секој по цена од околу девет долари. Американскиот претседател Доналд Трамп изјави во петокот дека повторно стапува во сила планот да се одржи состанок со Ким на 12. јуни во Сингапур. Откако се сретна во Белата куќа со Ким Џонг Чол, близок соработник на севернокорејскиот лидер, Трамп изјави дека би направил грешка доколку се откаже од самитот во Сингапур, пренесе АП.

Двете Кореи разгледуваат склучување мировен договор, Ким сака средба со Трамп

Даниел Василев — Sun, 27 May 2018 07:20:51 +0000

Северна и Јужна Кореја разгледуваат отпочнување преговори за склучување мировен договор, кој би офатил и ветување од САД за ненапаѓање, соопшти висок претставник на властите во Сеул. - За успех на средбата на врвот Северна Кореја-САД разгледуваме различни начини да ја смириме севернокорејската вознемиреност по прашањето на бебзедноста. Тоа би вклучило крај на непријателските односи, взаемно ветување за ненапаѓање и почетокт на прегооври за мировен договор, што ќе ја замени сегашната спогодба за примиерја, нагласи истиот извор. Во исто време, јужнокорескиот претседател Мун Џе-ин изјави дека севернокорејскиот лидер Ким Џонг-ун на вчершаната нивна средба му ја потврдил својата желба да се сретне со американскиот претседател Доналд Трамп на 12 јуни во Сингапур. - Ким Џонг-ун ја потврди и својата посветеност на денуклеаризацијата на Корејскиот Полуостров, изјави денеска Мун на прес-конференција во Сеул, посветена на неговата вчерашна средба со севернокорејскиот лидер во пограничното место Панмунџом.

Мун наглaси дека Пјонгјанг е вознемирен поради тензиите во односите со Вашингтон и затоа сака билатерални средби со САД за гарантирање на безбедноста на земјата. - Се надевам дека по успешните преговори меѓу лидерите на САД и Северна Кореја, ќе се одржи и трилатерана средба на врвот со учество и на Јужна Кореја, на која ќе биде потпишан и документ за официјално завршување на Корејската војна, додаде Мун. Трамп синоќа изјави дека САД продолжуваат да се залагаат за одржување на првиот во историјата американско-севернокорејски самит на 12 јуни во Сингапур и подготовките за него се одвиваат добро.

- Многу добро се подготвуваме во врска со средбата на врвот со Северна Кореја. Се се одвива убаво. Ќе видиме на 12 јуни во Сингапур. Тоа не се промени, Ќе видиме што ќе се случи, изјави Трамп по средбата со Американнецот Џошуа Холт, кој вечера беше ослободен од Венецуела, по две години минати во затвор. Трамп во четвртокот ја откажа неговата средба со севернокорејскиот лидер Ким Џонг-ун, закажана за 12 јуни во Сингапур, поради, како што нагласи, меговиот „огромниот гнев и отвореното непријателство во неодамнешната изјава“. - Се радував однапред дека ќе бидам таму со вас. За жал, поради огромниот гнев и отвореното непријателство манифестирано во последната изјава, сметам дека е непримерно, во овој момент, да се одржи овој долго планиран состанок, напиша Трамп во писмо упатено до севернокорејскиот лидер, со кое ја откажа средбата. Меѓутоа, Трамп во петокот изјави дека сепак е можно да се сретне со Ким на 12 јуни во Сингапур, како и што беше планирано. Тој порача дека ќе почека да види што ќе се случи во услови кога „сите играат игри", додавајќи дека првичниот датум за средбата и натаму е во игра.

Белата куќа вчера соопшти дека нејзин тим ќе отпатува за Сингапур како логистичка поддршка за подготовка на евентуална средба меѓу Трамп и Ким. Портпаролката на Белата куќа, Сара Сандерс изјави дека логистичкиот тим ќе отпатува за Сингапур за да го подготвува самитот, како што било планирано и пред откажувањето на средбата од страна на Трамп. МИА

Северна Кореја префрли тројца американски затвореници во хотел

Даниел Василев — Wed, 02 May 2018 16:46:59 +0000

Северна Кореја префрли од затвор во хотел тројца американски затвореници во пресрет на средбата меѓу севернокорејскиот лидер Ким Џонг-ун и американскиот претседател Доналд Трамп. Информацијата е добиена од раководителот на Асоцијацијата на семејствата на јужнокорејски граѓани, за кои се претпоставува дека биле киднапирани од страна на специјалните служби на Северна Кореја, а тој цитирал извор кој живее во Пјонгјанг. Тројцата Американци, кои во Северна Кореја се осудени поради шпионажа и непријателски дејствија, биле префрлени на почетокот од април од затвор во хотел во близина на Пјонгјанг. Според локалните медиуми, двајца од притворените Американци работеле на Универзитетот за наука и технологија во Пјонгјанг. Во 2017 година, тие биле уапсени под обвинение за непријателски дејствија. Третиот американски државјанин бил уапсен во 2015 година и отслужува десетгодишна затворска казна поради шпионажа. Преговорите за нивно ослободување се одвиваат со посредство на Шведска, која ги претставува интересите на САД во Северна Кореја. Американскиот весник „Волстрит џурнал“ пред неколку дена објави дека на неодамнешниот состанок меѓу тогашниот директор на ЦИА, Мајк Помпео, сегашен американски државен секретар, севернокорејскиот лидер изразил подготвеност да ги ослободи тројцата Американци. Според плановите на Северна Кореја, нивното ослободување може да се совпадне со планираната средба меѓу Ким и Трамп. МИА

Ким Џонг Ун го послуша Заев: Ќе ги прекине нуклеарните и ракетни тестови

Ивана Ефремовски — Mon, 30 Apr 2018 13:18:32 +0000

После жестокиот притисок од страна на македонскиот премиер врз лидерот на Северна Кореја, да ги прекине нуклеарните и ракетни тестови, вродија со успех. Северна Кореја соопшти дека ги прекинала тестовите на балистичките ракети со долг домет и планира да ги затвори полигоните за тестирање на нуклеарни бомби. Ова е голем успех на македонската дипломатија и нашиот премиер, пишува Лидер. Во септември 2017 година премиерот Зоран Заев ја повика Северна Кореја веднаш да се откаже од нуклеарната и ракетната програма во неговото обраќање пред 72. Генерално собрание на Обединетите нации во Њујорк. Заев рече дека клучот да се избегнат можни катастрофални последици за идните генерации е во резолуциите на Советот за безбедност за Северна Кореја, која, како што кажа тој, спроведува нуклеарни проби и ракетни тестови игнорирајќи ги повиците од меѓународната заедница. „Имплементацијата на резолуциите на Советот за безбедност е клуч да се избегнат можните катастрофални последици за идните генерации. Длабоко сме вознемирени од унилатералните акции на Северна Кореја. Тие спроведуваат нуклеарни проби и лансираат ракети и покрај постојаните повици од меѓународната заедница да ги почитуваат резолуциите на Советот за безбедност. Веруваме дека мирната денуклеаризација на корејскиот полуостров е изводливо решение и затоа ја повикуваме Северна Кореја веднаш да се откаже од нуклеарната и ракетната програма и да го потпише и да го ратификува договорот за забрана на нуклеарни проби“, кажа Заев во обраќањето. Извор: ЛИДЕР

Како сопругата на Ким Џонг-Ун од „другарка“ стана „прва дама“?

Даниел Василев — Thu, 19 Apr 2018 20:02:28 +0000

Ри Сол Џу, сопругата севернокорејскиот лидер Ким Џонг-Ун во април 2018-та година доби титула „прва дама“ наместо вообичаената „другарка“ од страна на државните медиуми, што аналитичарите го гледаа како сигнал на еволуција во структурата на власта во таа држава. Питер Ворд, познавач на состојбите во Северна Кореја напиша на својот Твитер профил дека таа промена значи оти Ри добива свој персонален култ на личноста. Според директорот на коресјкиот Економски институт, Трој Стенгрон, во Северна Кореја ништо не е случајно и се се случува со причина. -Промената на статусот на Ри помага во засилување на семејството Ким во Северна Кореја, но и меѓународната перцепција на режимот, рече Стенгрон. Сопругите на двајцата претходни лицери на Северна Кореја немаа статус на „прва дама“, каков што имаат сопругите на лидероте во светот. Последен пат статус „прва дама“ е употребен во текот на 70-те за сопругата на Ким Ил Сунг.