ким катрал – Kurir.mk

Саманта се враќа: Ким Катрал ќе се појави во новата сезона од продолжението на „Сексот и градот“

Ивона Петрова — Thu, 01 Jun 2023 14:54:23 +0000

Ким Катрал ќе ја повтори својата култна улога на Саманта Џонс во финалето на втората сезона на „And Just Like That“, продолжението на култната серија „Сексот и градот“, пренесува Variety. Сепак, таа ќе се појави само во една сцена. Многумина беа изненадени од веста за нејзиното враќање со оглед на тоа што обожавателите на серијата знаат дека постои тензија помеѓу Катрал и нејзините колешки. Како што пишува Variety, таа го снимила својот дијалог без никаков контакт со другите актерки од серијата на 22 март во Њујорк. Во сцената, Саманта, која се сели во Лондон, ќе има телефонски разговор со Кери Бредшо, која ја игра Сара Џесика Паркер. Во првата сезона од серијата, Кери воспостави контакт со отуѓената Саманта преку смс пораки, а во финалето на сезоната тие две планираат да се видат и да се смират. Исто така, Variety пренесува дека нејзиното појавување во серијата нема да биде продолжение на ликот на Саманта. Во 2016 година, Катрал објави дека одлучила да заврши со играњето на Саманта Џонс кога го читала сценариото за третиот филм „Сексот и градот“ и не и се допаднала насоката во која се движи ликот. Сепак, враќањето на Саманта во која било форма сигурно ќе ги воодушеви обожавателите на „Сексот и градот“.

Има 65 години, а изгледа ОДЛИЧНО: Саманта од „Сексот и градот“ ги воодушеви сите позирајки разголена (ФОТО)

Ивана Ефремовски — Sun, 05 Jun 2022 14:17:22 +0000

Познатата Саманта Џонс во серијата „Сексот и градот“ ја толкуваше актерката Ким Катрал. Таа сега има 65 години, но изгледа неверојатно, што го докажа со фотографија на својот Инстаграм профил. „Овде нема што да се види, продолжете“, напиша Ким под сликата. Фановите воодушевени од нејзиниот изглед, ја почестија со бројни комплименти.

View this post on Instagram

A post shared by Kim Cattrall (@kimcattrall)

Беше посакуваната Саманта од „Сексот и градот“: Денес има 65 години, а еве како изгледа (ВИДЕО)

Ивана Ефремовски — Mon, 30 Aug 2021 14:07:55 +0000

Актерката Ким Катрал, позната како фаталната Саманта Џонс од серијата „Сексот и градот”, со својот изглед го привлече вниманието, како со својата улога од серијата така и надвор од снимањето. Нејзиниот контроверзен лик беше познат по честото менување на партнерите. Сепак, годините го направија своето и денеска Ким е речиси непрепознатлива.

View this post on Instagram

A post shared by Kim Cattrall (@kimcattrall)

Таа пред една недела го прослави својот 65-ти роденден и покажа како изгледа денес.

View this post on Instagram

A post shared by Kim Cattrall (@kimcattrall)

Ја знаеме од познатата комедија: Оваа атрактивна актерка ќе ја замени Ким во улогата на Саманта? (ФОТО)

Ивана Ефремовски — Thu, 21 Jan 2021 10:29:17 +0000

И официјално е потврдено дека ќе гледаме нови епизоди од култната серија, како и дека Ким Катрал дефинитивно не се враќа во ликот на контроверзната Саманта. Веднаш се појавија гласини дека на нејзино место ќе можеме да видиме една од популарните холивудски секс-бомби. Името што најмногу се споменува е Џенифер Кулиџ, 59-годишната sвезда која ја знаеме како мајката на Стифлер во комедијата „Американска пита“. Ја видовме и во филмот „Русокосата од Харвард“. За време на гостувањето во една емисија, Џенифер потенцираше дека е голем фан на серијата. Не негираше дека добила таква понуда, но посочи дека Саманта е лик кој никој не може да го замени. -Не сум само јас во прашање, апсолутно никој не може да ја замени Ким Катрал! Таа е едноставно совршена, истакна Кулиџ. Покрај тоа, главната актерка и продуцентка Сара Џесика Паркер најави дека нема да вклучи четврти женски лик бидејќи улога че играл Њујорк. Дали тие само сакаат да ни го тргнат вниманието од гласините или ја кажуваат вистината? Ќе дознаеме наскоро ...

Кима Катрал открива зошто одлучила да нема деца

Ивона Петрова — Wed, 23 Dec 2020 10:48:15 +0000

Позната актерка Ким Катрал неодамна откри дека одлуката дека нема да има деца ја донела кога имала 41 година, додека играла во серијата „Сексот и градот“. Канаѓанката родена во Велика Британија, која во меѓувреме добила и американско државјанство, зад себе има три брака. -Тоа беше во 1998 година. Морав да станам некој вид научен експеримент. Мојот партнер и јас би требало да имаме односи точно во одредено време. Едноставано немаше начин на кој би можела тоа да го изведам, а да останам емотивно и физички здрава, а да работам и по 19 часа, изјавила 64 годишната Ким во едно неодамна дадено интервју. Таа додава дека на 41 година сфатила дека мора да донесе одлука. -Обожувам да работам, и работата ми беше пасош во независноста, слободата, образованието. Едноставно помислив дека не сум сигурна дали можам да бидам мајка и да работам, дури и доколку се придржувам до препораките на докторите, би можело да се случи да не ја задржам бременоста. Бидејќи поради веќе ми се имаше случено, одлучив поради сопственото здравје да најдам друга начин да имам деца и да бидам родител, додава Ким.

Фановите шокирани од причината поради која Саманта одбила да биде дел од „Сексот и градот 3“

Ивана Ефремовски — Thu, 29 Nov 2018 15:03:50 +0000

Неодамна дознавме дека во третиот дел уште во првите пет минути умира еден од омилените ликови на женската публика, а сега протекоа информации за сценариото во продолжение на филмот. Откриено е дека Ким Катрал всушност ја одбила улогата, не поради расправија со Сара Џесика Паркер, туку поради лошото сценарио. На Саманта, која ја толкува Катрал, наводно ѝ е доделен непримерен детаљ, кој се однесува на 14-годишното момче, синот на Миранда Хобс, која ја толкува Синтија Никсон. Еве што конкретно требало да се случи: -Бреди, 14-годишното момче, било предвидено да биде фатенo за време на мастурбација, а потоа требало да ѝ прати многу непристојни слики на Саманта, пренесува „E! News“. Ова било навистина несоодветно дури и за слободоумната Саманта Џонс.

Сара Џесика Паркер конечно проговори за навредите од Ким Катрал

Ивона Петрова — Sat, 17 Feb 2018 10:20:18 +0000

Актерките Сара Џесика Паркер и Ким Катрал веќе со недели водат жолчна расправа преку медиуми. Некогашните колешки кои заедно глумеа во култната серија „Сексот и градот“ изнесоа детали за својот однос, но и за деновите кога соработувале заедно. Американската актерка Сара Џесика Паркер реши за прв пат да го прокоментира одбивањето на Ким Катрал да се појави во третото продолжение на „Сексот и градот“. Ѕвездата на серијата објаснила дека немало расправии, но истакна дека деновите кога снимале биле прекрасно искуство за неа. -Никогаш претходно не сум зборувала за тоа, освен што реков дека некои од нас се разочарани со тоа што Саманта нема да го снима третиот дел. Никогаш не одговорив на разговорот кој го имале Ким и Пирс Морган, каде таа изјави работи кои навистина се болни за мене. Имавме прекрасно искуство и никогаш нема да биде како тоа. Имавме конекција со публиката, имавме конекција со градот и со екипата, и моравме да си ги раскажеме тие луди приказни една на друга. Поради тоа, не сакам да навлегувам подлабоко. Не би можела да замислам некој друг да го игра тој дел (улогата на Саманта Џоунс). Едноставно немаше кавга. Беше целосно измислена, бидејќи никогаш не и одговорив, изјави Сара за „Пипл“. Што се однесува до интервјуто во кое Ким изјавила дека одбива да го сними третиот дел од филмот „Сексот и градот“, затоа што не сака да биде онака како што “дивата командува“, Сара кратко прокоментира: „Тоа е многу болно за мене. Немам намера да одговорам на изјави на Ким кои ги даде во медиумите“.

Трагедија во семејството- братот на познатата актерка е пронајден мртов!

Катерина Бојаџиева — Mon, 05 Feb 2018 10:53:59 +0000

Откако пред неколку дена објави дека нејзиниот брат исчезнал, славната актерка се соочи со стравична информација. Ким Катрал остана без брат и. Ѕвездата на серијата „Сексот и градот“, на својот Твитер налог пред неколку дена објави за неговото исчезнување и замоли за помош, а Крис сега е пронајден мртов. -Со голема тага, морам да ја објавам веста за неочекуваната смрт на мојот брат Крис Катрал – напишала 61 годишната актерка и замолила за приватност.

Снимија безброј секс сцени во култната серија, но Саманта го откри најодвратното искуство

Ивана Ефремовски — Tue, 30 Jan 2018 13:25:52 +0000

Ким Катрал денес е една од актерките која во својата кариера има најголем број снимени секс сцени. Таа ја играше улогата на Саманта во „Сексот и градот“, а таа улога буквално ја обележа за цел живот. Речиси да не постоеше епизода во која Саманта не доживува сексуална авантура. Ким вели дека не било лесно постојано да снима дискутабилни сцени. Некогаш тоа било непријатно, ретко и грозно, а некогаш деградирачки за неа. -Понекогаш се прашував како ќе го изведам тоа. Но, го сакав својот лик бидејќи Саманта отиде чекор подалеку, онаму каде ниту една жена не отишла. Беше постара, искусна, свесна за себе, рече Ким. Таа вели дека едно снимање никогаш нема да излезе од нејзината глава, ама не го помни по добро. -Снимавме сцена во која тој беше горе, а тогаш наеднаш се сруши врз мене и гласно испушти гасови. Како да се онесвести. Се скаменив и помислив дали тоа го направи намерно. Ме смачка и ме остави во силна, непријатна миризба, раскажа актерката. Ким не откри за кој од многубројните сексуални партнери станува збор, но додаде дека за овој “инцидент“ има образложение. -На крајот се покажа дека пред снимањето на сцената, актерот напорно вежбал и бил на строга диета. Не јадел ништо цел ден. Поради тоа се онесвестил во тој момент, а потоа несвесно му се случило и така гласно да испушти гасови кои смрдат. Мене тоа ми е најодвратното искуство на снимање, беше искрена 62-годишната актерка.