Баерн Минхен го купува Ким Мин-Јае од Наполи

Ристе Здравков — Thu, 29 Jun 2023 07:40:00 +0000

Трансферот на Ким Мин-Јае од Наполи во Баерн Минхен се смета за завршена работа, а останува само германскиот клуб да ја активира откупната клаузула на играчот, која е во висина од 50 милиони евра, јавуваат италијанските медиуми. Веќе неколку недели шампионот во Бундеслигата преговара со корејскиот дефанзивец, откако успеа да го убеди да ја одбие понудата на Манчестер Јунајтед. На крајот Ким се договори со Баварците на пет сезони за плата од 12 милиони евра. Сега Баерн треба да ја плати отштетата од 50 милиони евра на големо, по што Наполи ќе мора да го дозволи трансферот на својот дефанзивец. Ким Мин-Јае во моментот е во татковината каде мора да го отслужи задолжителниот тринеделен воен рок.

Ким Мин-Јае се договори со Манчестер Јунајтед

Бошко Тасиќ — Tue, 16 May 2023 04:40:39 +0000

Централниот дефанзивец на Наполи, Ким Мин-Јае, ја прифати понудата на Манчестер Јунајтед и начелно се согласи да му се приклучи на еден од најголемите тимови во Англија во текот на летото, пишува италијанскиот „Ил Матино". Според изворот, раководството на новиот шампион на Италија веќе бара замена за Јужнокореецот. Манчестер Јунајтед ќе ја плати отштетната клаузула од 48 милиони евра во неговиот договор, која мора да биде активирана во првата половина на јули. Пред неколку недели претставници на Манчестер Јунајтед стапиле во контакт со агентите на Ким Мин-Јае и му понудиле одлични услови, а тој едноставно не можел да каже „не“ за преселба на „Олд Трафорд“. Јужнокореецот е среќен во Неапол, но отсекогаш сонувал да игра во Премиер – лигата.

Ким Мин-Јае – Kurir.mk

Баерн Минхен го купува Ким Мин-Јае од Наполи

Ким Мин-Јае се договори со Манчестер Јунајтед