кими раиконен – Kurir.mk

Кими Раиконен ќе вози во Наскар

Бошко Тасиќ — Sun, 12 Mar 2023 16:30:54 +0000

Една трка во Наскар шампионатот годинава ќе вози и Кими Раиконен, поранешниот светски шампион во Формула 1. Финецот ќе биде дел од проектот 91 на „Trackhouse Racing“, на познатата патека на Америка во Остин на 26 март. Интересно е што Кими последната победа во Формула 1 ја постигна токму на оваа патека во 2018 година. Раиконен исто така возеше за истиот тим во Наскар минатата година во „Воткинс Глен Интернационал“, каде беше во Топ 10 додека не се заби во ѕид за време на рестартирањето на трката. Тогаш го повреди зглобот, но сеоак беше воодушевен од трката.

Верстапен се израмни со Раиконен во победи во Формула 1

Ивона Петрова — Mon, 28 Mar 2022 06:47:36 +0000

Холандскиот возач на Ред Бул, Макс Верстапен, ја освои својата 21. Формула 1 победа победувајќи синоќа на трката за Големата награда на Саудиска Арабија. Актуелниот светски шампион го престигна Мика Хакинен по бројот на победи во Ф-1 и се израмни со Кими Раиконен, кој го зазеде 15. место на вечната листа. Веќе оваа сезона, Макс ќе може да се пробие меѓу осумте најдобри, кои сега ги затвора Џим Кларк со 27 победи. Рекордот во Формула 1 му припаѓа на Луис Хамилтон со 103 победи, Михаел Шумахер се искачи на највисокото скалило на подиумот 91 пат, додека Себастијан Фетел 53 пати.

Раиконен се враќа на патеката за ГН на Русија

Тале Кристо — Thu, 16 Sep 2021 16:56:43 +0000

Финскиот возач во Формула 1 Кими Раиконен, кој настапува за екипата Алфа Ромео, навести враќање на патеката за трката за Големата награда (ГН) на Русија, откако поради коронавирус ги пропушти последните две трки. – Се чувствувам многу добро и се гледаме на следната трка, објави Раиконен на својот Инстаграм профил, најавувајќи враќање на патеката за ГН на Русија, која ќе се вози на 28 септември во Сочи. Светскиот првак од 2007 годишна ги пропушти трките за ГН на Холандија и ГН на Италија, а го замени резервниот возач, Полјакот Роберт Кубица. За 41-годишниот Раиконен ова е последна сезона во кариера, откако претходно овој месец финскиот возач најави збогување со Формула 1. На негово место во Алфа Ромео ќе дојде сонародник Валтери Ботас од Мерцедес.

Раиконен позитивен на коронавирус, еве со кого ќе биде заменет

Ивана Ефремовски — Sat, 04 Sep 2021 12:25:30 +0000

Кими Раиконен, возачот на Алфа Ромео покажа дека е позитивен на Ковид-19, па така тој не ќе може да вози на ГН на Холандија која се одржува викендов. Легендарниот Финец добил позитивен тест, но се наоѓа во добра здравствена состојба и нема никакви симптоми на вирусот. Во болидот „Алфа Ромео“ Раиконен ќе биде заменет од полскиот возач Роберт Кубица (36).

View this post on Instagram

A post shared by FORMULA 1® (@f1)

Раиконен потврди, заминува во пензија

Ивона Петрова — Thu, 02 Sep 2021 07:03:23 +0000

Поранешниот светски првак во формула 1, Финецот Кими Раиконен (41), синоќа преку социјалните мрежи потврди дека на крајот од актуелната сезона ќе ја заврши својата 20-годишна кариера. Раиконен дебитираше во формула 1 во 2001 година, а својот најголем успех го постигна шест години подоцна кога во болидот на Ферари ја освои титулата светски првак. Финецот ќе ја заврши кариерата во тимот на Алфа Ромео, а во досегашните 344 трки од светското првенство во формула 1 забележа 21 победа и 18 пати ја освојуваше пол-позицијата. – Тоа е тоа. Ова ќе биде мојата последна сезона во формула 1. Ова е одлука, која ја донесов во текот на минатата зима. Одлуката не беше лесна, но по завршувањето на оваа сезона е време за нови работи, објави Раиконен на Инстаграм.

Раиконен: Преговорите за нов договор со Алфа Ромео завршија брзо

Тале Кристо — Sat, 31 Oct 2020 10:41:53 +0000

Возачот на Алфа Ромео, Кими Раиконен, е задоволен од начинот на кој беа завршени преговорите за продолжување на договорот со тимот за сезоната 2021 година. – Го потпишавме договорот во четвртокот. Постојано ме прашуваа за иднината, но не сакав да лажам додека не потпишам ништо. Сè помина без проблеми, имаше само многу аспекти кои се однесуваат на работата на тимот и мојот тим. Преговорите не траеја долго, ги завршивме скоро веднаш откако започнавме. Сега никој во Алфа Ромео не е задоволен од позицијата на тимот, но таква е ситуацијата. Нашата цел е да станеме подобри. Треба само да работиме подобро следната година, се надевам дека ќе бидеме позадоволни од резултатите во сезоната 2021 година, изјави Раиконен. Покрај Финецот, договорот со Алфа Ромео го обнови и Антонио Џовинаци.

Раиконен сака да замине во пензија откако ќе заврши сезоната

Магдалена Андонова — Sat, 01 Aug 2020 17:49:16 +0000

Возачот на Алфа Ромео, Кими Раиконен има намера да ја заврши кариерата по крајот на сезоната 2020 година, објави „InsideRacing“. Овој викенд Раиконен ќе го извести тимот дека нема намера да остане во шампионатот за 2021 година. Годинава Финецот сè уште нема освоено ниту еден бод, а на унгарското Гран-при за прв пат во својата кариера стана најбавен возач во квалификациите. До крајот на тековниот шампионат, Раиконен има можност да го собори рекордот на Рубенс Баричело по бројот на настапи во шампионатот во Формула 1 кој изнесува 322 трки. (MИА)

Раиконен: Чудно е да се вратиме на трки во сегашните услови, но зад воланот ќе заборавиме на сè

Тале Кристо — Thu, 02 Jul 2020 10:50:51 +0000

Пилотот на Алфа Ромео, Кими Раиконен го сподели своето мислење за почетокот на сезоната 2020 во Формула 1. -Малку е чудно да се вратиме на трки под вакви услови, но јас сум сигурен дека штом ќе се бидеме зад воланот, веднаш ќе заборавиме на сите ограничувања и ќе размислиме како подобро да управуваме со нашата работа. Паузата ни даде можност да поминеме време со семејството, но сега е време да се фокусираме на работата, изјави Раиконен. Сезоната 2020 од шампионатот во Формула 1 започнува со австриското Гран-при, што ќе се одржи од 3 до 5 јули.

Алфа Ромео казнети, Хамилтон и Кубица влегоа во топ 10 по ГП на Германија

Ивона Петрова — Mon, 29 Jul 2019 07:15:32 +0000

Двата болиди на Алфа Ромео беа казнети со по 30 секунди поради неправилност во болидите, па така Кими Раиконен и Антонио Џовинаци завршија на последните места – 12 и 13. Во конечниот пласман настапува следново разместување: Ромен Грожан со Хас од деветти станува седми, клубскиот колега Кевин Магнусен – од десеттото – осми, Луис Хамилтон со Мерцедес – од 11-ти – 9-ти, Роберт Кубица со Вилијамс од 12-ти – 10 и Џорџ Расел од 13-ти до 11-ти, исто така, со Вилијамс. За тимот ова се првите поени во 2019 година, како и за полската легенда по враќањето во спортот

Раиконен се појави “мртов“ пијан, шампионот со однесувањето ги шокираше сите

Ивана Ефремовски — Sun, 09 Dec 2018 08:46:24 +0000

Светскиот шампион во Формула 1 од 2007 година, Финецот Кими Раиконен, го украде шоуто на гала вечерта на Светската автомобилистичка асоцијација (ФИА), која се одржа во Русија. Финецот постојано беше во центарот на вниманието на камерите, кои го прикажаа на јавноста во едно поинакво светло од вообичаеното.

Kimi 100% drunk and Enjoying it on stage.#FIAPrizeGiving #Kimi7 pic.twitter.com/pmAy2g0fYS
— Eau rouge (@Insidef1) December 7, 2018

Кога требаше да ја прими наградата заедно со Германецот Себастијан Фетел, Раиконен излезе на бина “мртов“ пијан, не знаеше каде да оди, додека сите останати се смееја на неговите интересни гестикулации.

"I'm fine! Look at me, Mick, I'm fine!" pic.twitter.com/36GAN7skGD
— Ky (@FiftyBuckss) December 7, 2018

Which tipsy Kimi Raikkonen are you?! ??? #F1 pic.twitter.com/mjXHsBhXhQ
— Aaron Gillard ?️‍?? (@AaronGillard_17) December 7, 2018