киндер-јајце – Kurir.mk

Македонските фирми го повлекуваат „Киндер јајцето“, а АХВ тврди дека нема такви пласирани производи

Ристе Здравков — Tue, 05 Apr 2022 12:21:16 +0000

По Велика Британија, денес Германија, Франција, Холандија и уште неколку европски држави го повлекоа од продажба киндер јајцето како производ, поради инфекција од салмонела. „Постојат назнаки дека овие производи биле поврзани со избивање на салмонела. Некои од заразените се мали деца“, навела агенцијата во соопштение. Истрагата која ја водела Агенцијата за здравствена безбедност на Обединетото Кралство (UKHSA), јавното здравје на Шкотска, јавното здравје на Велс и Агенцијата за јавно здравје на Северна Ирска, откриле дека постои врска меѓу пријавените случаи на труење со салмонела ширум Британија и киндер јајцата, пренесува „Гардијан“. Станува збор за чоколадните јајца од 20 грама кои имале рок на употреба меѓу 11 јули и 7 октомври 2022 година. Како мерка на претпазливост, „Фереро“ повлекол производи и на луѓето им се советува да не ги јадат. FSA соопштила дека сите киндер јајца се произведени во иста фабрика. Се смета дека тоа нема да влијае на другите производи на „Фереро“. Симптомите на салмонела вклучувале дијареја, грчеви во стомакот, мачнини, повраќање и грозница. [embed]https://kurir.mk/svet/vesti-svet/rechisi-cela-evropa-gi-povlekuva-od-prodazba-popularnite-kinder-jajca/[/embed] Извори за КУРИР велат дека и една македонска компанија која е увозник на овој производ, вчера добила официјален меил од компанијата „Фереро“ да се повлече од продажба овој производ. Апропо таа информација денес испративме прашања до Агенцијата за храна и ветеринарство и до министерството за здравство. Од АХВ велат дека до сега им нема стигнато ништо, а доколку им се пожалат граѓани тогаш би излегле на терен: Прашање: Како ќе постапи АХВ по соопштението кое го издаде „Фереро“ за случаи на салмонела по консумација на Киндер јајце? Одговор: Како контакт точка на Системот за брзо предупредување за храна и храна за исхрана на животни (РАССФ) на Европската унија, Агенцијата за храна и ветеринарство (АХВ) досега нема добиено нотификација дека небезбеден производ чоколадни јајца „Киндер изненадување“од компанијата Фереро се пласирани на пазарот на Република Северна Македонија. Како одговорна институција за безбедноста на храната АХВ ја следи состојбата со превентивното повлекување на овој производ од пазарот на неколку европски земји поради сомнеж за присуство на салмонела и доколку има потреба навремено и соодветно ќе реагира, одговорија од АХВ. Прашање: Дали во Македонија ќе се направи контрола на овој производ и дали истиот ќе биде повлечен од продажба? Одговор: Секоја недоследност во однос на безбедноста на храната граѓаните можат да ја пријават лично до Одделението за заштита на потрошувачите при АХВ, или на бесплатната телефонска линија наменета за потрошувачите 0800 3 22 22 или електронски на [email protected], истакнаа од агенцијата. Па според овие одговори слободно може да заклучиме дека македонските граѓани ќе треба да се молат некое од нивните деца да не се инфицирало со салмонела. Од министерството за здравство до овој момент немаме добиено одговор на нашето прашање. Ристе Здравков

Речиси цела Европа ги повлекува од продажба популарните „Киндер Јајца“

Ристе Здравков — Tue, 05 Apr 2022 06:14:35 +0000

„Фереро“, интернационалниот произведувач на слатки, повлекол некои серии на „Киндер Спрајс“ чоколадните јајца во Велика Британија поради случаи на инфекција со салмонела кои следеле по консумирање на овој производ, соопштила Агенцијата за безбедност на храна (FSA). „Постојат назнаки дека овие производи биле поврзани со избивање на салмонела. Некои од заразените се мали деца“, навела агенцијата во соопштение. Истрагата која ја водела Агенцијата за здравствена безбедност на Обединетото Кралство (UKHSA), јавното здравје на Шкотска, јавното здравје на Велс и Агенцијата за јавно здравје на Северна Ирска, откриле дека постои врска меѓу пријавените случаи на труење со салмонела ширум Британија и киндер јајцата, пренесува „Гардијан“. Исто така, повеќе случаи наводно се забележани во Европа, вклучувајќи ја и Ирска, Франција, Германија, Шведска и Холандија. Киндер јајцата се повлечени и во Белгија. Станува збор за чоколадните јајца од 20 грама кои имале рок на употреба меѓу 11 јули и 7 октомври 2022 година. Како мерка на претпазливост, „Фереро“ повлекол производи и на луѓето им се советува да не ги јадат. FSA соопштила дека сите киндер јајца се произведени во иста фабрика. Се смета дека тоа нема да влијае на другите производи на „Фереро“. Симптомите на салмонела вклучувале дијареја, грчеви во стомакот, мачнини, повраќање и грозница.

Kinder Surprise eggs recalled in UK over salmonella link https://t.co/bHVL1SS64J
— The Guardian (@guardian) April 4, 2022

Иако во поголем дел од случаите луѓето имале симптоми неколку дена, постои опасност од влошување на состојбата, особено кај младите и оние со слаб имунолошки систем. Тина Потер, шефица на FSA изјавила дека го поздравува пристапот кој го презел „Фереро“. „Им советуваме на потрошувачите да не јадат ниту еден производ поради предупредувањето на FSA. Навистина ни е важно потрошувачите да го почитуваат овој совет, за да се избегне ризикот од труење со салмонела. Знаеме дека овие производи се популарни меѓу малите деца, особено за време на Велигден, па би апелирале до родителите“, изјавила Потер.

Купила киндер јајце, но и се згадило за навек: Сите се шокирани од она што имало внатре (ВИДЕО)

Катерина Бојаџиева — Fri, 22 Mar 2019 20:45:47 +0000

На мајка од Велика Британија ѝ се згадиле киндер јајцата за навек уште пред да стигне до играчката во киндер јајцето што му го купила на својот син. Карли Малиган (28) го отворила јајцето, но чоколадото изгледало чудно, па го застругала со нож. И тогаш се случил шокот. На работната маса почнале да испаѓаат мали жолти црви. -Ми се згади. Го земав телефонот и почнав да снимам додека ги чепкав другите црви со ножот. Замислете да му го дадев на детето. Тој има само две години, немаше да забележи дека нешто е чудно, рекла 28-годишната мајка. Мајката пријавила во продавницата B&M, но и во Киндер, од каде ѝ рекле да го замота во хартијата и да им го испрати. -Тогаш забележавме дека рокот му изминал пред една година. Не барам компензација, само сакам луѓето да знаат што се продава. Од синџирот B&M најавиле истрага.

Доби киндер-јајце, а внатре имаше клуч: Од ова изненадување секој би “полудел“ (ВИДЕО)

Ивана Ефремовски — Thu, 05 Apr 2018 12:29:49 +0000

Оваа девојка доби на подарок големо киндер-јајце. Но, во него немаше од оние малите играчки кои обично се паѓаат во внатрешниот дел на чоколадото. Во нејзиното киндер-јајце имаше клуч. И тоа не било каков клуч, туку клуч од прескапо „Ламбурџини“. Погледнете ја нејзината реакција: