киндер – Kurir.mk

Од македонскиот пазар се повлекува целокупниот „Киндер“ асортиман произведен во фабриката во Белгија

Ивона Петрова — Mon, 11 Apr 2022 08:30:29 +0000

Aтлантик Трејд Скопје ДОО Скопје соопшти дека како дистрибутер на асортиманот на компанијата „Фереро“ во земјава, на барање на производителот „Фереро“, го проширува повлекувањето од пазарот на целокупното производство на Киндер Шокобонс, Киндер Сурприсе Макси 100г и Киндер Мини Микс Пелуче. Компанијата подвлекува дека на повлекување од пазарот подлежат само оние производи кои се произведени во Арлон во Белгија. Како што е соопштено, во контекст на тековното испитување за салмонела во соработка со органите за безбедност на храната, „Фереро“ привремено ја затвора својата фабрика во Арлон во Белгија. Со стапување во сила веднаш, се прекинува целото производство на Киндер Шокобонс, Киндер Сурприсе Макси 100г и Киндер Мини Микс Пелуче, од Арлон. -Како одговорен дистрибутер ги преземаме сите неопходни чекори за одржување целосна доверба од купувачите и делуваме за брзо повлекување на наведените производи од пазарот. Ги замолуваме потрошувачите доколку веќе поседуваат некој од горенаведените производи, да не го конзумираат. Може да го вратат во продажното место од каде го купиле, како и да го контактираат тимот за грижа на потрошувачи на [email protected], се наведува во соопштението.

Еве кои производи се повлекуваат од Македонија: Фереро ја донесе оваа одлука поради случаи на салмонела во други земји

Ивана Ефремовски — Thu, 07 Apr 2022 14:56:26 +0000

Фереро соработува со локалните власти за храна за можна поврзаност со голем број пријавени случаи на салмонела во други земји надвор од Република Македонија. Соопштението од компанијата го пренесуваме во продолжение: И покрај тоа што ниту еден од нашите Kиндер производи пуштени во промет на пазарот не се позитивни на салмонела и досега не сме добиле поплаки од потрошувачите, ние го сфаќаме ова крајно сериозно, бидејќи грижата за потрошувачите е наш главен приоритет. Како мерка на претпазливост, ја донесовме одлуката доброволно да ги повлечеме следните броеви на лотови од Kиндер шоко бонс и Киндер сорпреса макси во Република Македонија, кои се произведени во Белгија. Сите други производи на Фереро, вклучувајќи ги и другите производи на Kиндер, не се засегнати од ова доброволно повлекување.Работиме со нашиот дистрибутер за да се осигураме дека овие производи повеќе не се достапни за купување. Доколку имате еден од овие производи, ве советуваме да не го консумирате. Ве молиме чувајте го производот и контактирајте го нашиот тим за грижа на потрошувачи на следниот меил: [email protected].Сите други производи на Фереро, вклучувајќи ги и другите производи на Kиндер, не се засегнати од ова доброволно повлекување. Безбедноста на храната ја сфаќаме исклучително сериозно и жалиме за оваа непријатност.

АХВ сепак добиле известување: Се повлекуваат Киндер производите од Македонија

Ивона Петрова — Wed, 06 Apr 2022 12:30:06 +0000

Инспекциските служби на Агенцијата за храна и ветеринарство (АХВ) спроведоа вонреден инспекциски надзор кај операторот со храна Атлантик траде ДОО Скопје, увозник на производите од компанијата ,,ФЕРЕРО“. -Контролата се спроведе врз основа на добиеното известување од компанијата ФЕРЕРО д.о.о од Загреб, Република Хрватска, со кое информира дека од превентивни причини од пазарот во Република Северна Македонија се повлекуваат неколку серии од Киндер производите Согласно нивното известување, од пазарот, во земјава се повлекуваат сериите производи чиј рок на употреба истекува на 03.10.2022година, 23.08.2022 година,02.06.2022 година, 07.07.2022 година, 15.07.2022 година, 11.06.2022 година.11.06.2022 година и 30.06.2022 година. Попладнево АХВ доби и нотификацијата од Системот за брзо предупредување за храна и храна за исхрана на животни (РАССФ) на Европската унија, со која се алармира дека на пазарот во земјава е пласиран сомнителен чоколаден производ од овој производител, се вели во соопштението АХВ. Врз основа на извршената инспекциска контрола, на компанијата увозник издадено и е решение со кое се забранува промет на производи Киндер со лот L006LtB-NR, L330RtB-MJ, L2923RtDKX, L328RtD-M,L336RZD-MU, L302RO3, L321RO3. На операторот му е издадена и наредба да изврши отповикување на наведените лотовиод производот и повлекување на количините кои се пласирани на пазарот. Потврда за итно, превентивно повлекување од пазарот на производи од овој бренд до АХВ прати и компанијата увозник која извести дека од пазарот се повлекува производoт 260320 Kinder Schokobons G125x16, серија L321R03, со рок на траење 30.06.2022 година, серија L302R03, со рок на траење 11.06.2022 година, од производителот Ferrero Ardennes S.A., rue Pietro Ferrero 5, 6700 Арлон, Белгија. АХВ ги известува потрошувачите кои го имаат купено овој вид на производ, истиот да не го консумираат, да го вратат на местото од каде го купиле.

Рецепт на денот: Киндер пингви коцки

Ристе Здравков — Mon, 26 Nov 2018 19:34:13 +0000

Направете домашни Киндер пингви коцки со кои ќе ги израдувате најмладите. Потребни состојки: За бисквит 6 лажици брашно 6 лажици шеќер 6 јајца (одвоено белки и жолчки) 6 лажици жешка вода 1 прашок за печиво 3 лажици какао прав За крем 3 крем сирења (од 70g) 5 лажици шеќер во прав ½ литар слатка павлака за шлаг 1 желатин во прав За чоколаден крем 100g чоколадо за готвење 50g путер 1 лажица масло 50ml вода За глазура 100g за готвење 50g путер 1 лажица какао прав Подготовка: Жолчките изматете ги со шеќерот и врелата вода додека смесата не стане густа и кремаста. Измешајте го какаото, прашокот за печиво и брашното во посебен сад, а потоа измешајте ги сувите состојки со жолчките. Додавајте лажица по лажица и мешајте со миксер. На крај изматете ги белките додека не добиете снег, со неколку зрна сол. Додадете го во смесата од жолчки и брашно. Печете во калап со мрсна хартија на 175 степени околу 40 минути. Изладениот бисквит пресечете го на 2 еднакви дела. Во меѓувреме направете го кремот. Желатинот прелијте го со 4 лажици вода и оставете го да нарасне. Измешајте го крем сирењето со шеќер и додајте слатка павлака. Желатинот стоплете го на ниска температура, па потоа додавајте го во смесата од крем сирење. За чоколадниот крем потребно е чоколадото ситно да го исечкате, а во посебен сад да го загреете путерот со маслото и водата. Кога течноста ќе се соедини, тргнете од оган и додадете го чоколадото. Мешајте додека не се растопи. Глазурата ќе ја подготвите така што на тивок оган ќе го загреете какаото со путерот додека не добиете еднолична смеса. На крај додадете го чоколадото. Глазурата правете ја на крај, затоа што треба да е топла кога ќе ја прелиете. Редење на слоеви: Првиот дел од испечената кора ставете ја во калапот во кој ја печевте и на неа намачкајте половина од кремот. На кремот ставете го чоколадниот крем и оставете да отстои во фрижидер 15 минути. Откако ќе се олади, ставете ја и другата половина бел крем, па покријте со втората кора. Прелијте со топла глазура и оставете го колачот во фрижидер неколку часа. Потоа сечете коцки и уживајте! Ќе бидете благодарни за секоја потрошена минута....

Рецепт по кој домаќинките полудеа: Киндер колач без печење, готов за 20 минути

Ристе Здравков — Mon, 27 Aug 2018 17:51:46 +0000

Потребни состојки: 300g шеќер 100ml вода Половина коцка маргарин 200g млеко во прав 100g црно чоколадо 100g бело чоколадо Подготовка: Шеќерот ставете го во водата и загревајте. Додадете го маргаринот. Кога ќе добиете еднолична течност, тргнете од ринглата и додадете го млекото во прав. Најдобро е да го просеете низ цедалка за да нема грутки. Смесата поделете ја на 2 дела – во едниот ставете го растопеното бело чоколадо, а во другиот црното чоколадо. Ставете ги смесите во подмачкан калап за ролат, една над друга. Ладете неколку часа.