Израелските власти пронајдоа сомнителна направа во подарок од кинеската амбасада

Магдалена Андонова — Tue, 12 Apr 2022 14:16:48 +0000

Израелските власти пронајдоа уред за кој постои сомневање дека се користи за прислушување во подарок за еврејскиот празник Пасха од кинеската амбасада во Тел Авив, јавија израелските медиуми. Уредот бил пронајден во термо шолја испратена до кабинетот на министерката за наука, технологија и вселена, Орит Фаркаш-Хакоен, при безбедносната проверка, но подарокот не стигнал до неа. Безбедносната служба Шин Бет го истражува инцидентот и сите преостанати шолји се собрани и ќе бидат вратени во амбасадата. Шин Бет им наложи на безбедносните службеници во министерствата да го пријават секој подарок за да се провери и од другите странски амбасади. Слични шолји се испратени и до министерствата за транспорт и здравство, а од кинеската амбасада стигнала порака дека и во наредните денови ќе пристигнат подароци. Кај некои кои веќе се пристигнати не се пронајдени сомнителни предмети. Израел и Кина одржуваат добри односи, а во јануари прославија три децении дипломатски односи, кога се одржа петтиот состанок на Мешовитиот комитет за иновативна соработка на двете земји. Кина ги надмина САД минатата година и стана најголем извор на увоз во Израел, според податоците на израелското Централно биро за статистика. (МИА)

Кинеската амбасада: Не е потврдено државјанството на починатите 39 лица

Ивона Петрова — Fri, 25 Oct 2019 07:16:40 +0000

Кинеската амбасада во Лондон соопшти дека британската полиција се уште не може да потврди дали 39-те лица кои беа мртви пронајдени во камион, биле кинески државјани. Медиумите претходно јавија дека британската полиција соопшти, а Пекинг потврдил дека починатите 31 маж и осум жени биле државјани на Кина. -Британската полиција рече дека го проверува идентитетот на починатите и не е во можност сега со сигурност да каже дека лицата се кинески државјани, наведува амбасадата на Кина во Лондон. Во меѓувреме, Глобал Тајмс оценува дека не е можно да се каже колкава е одговорноста за трагедијата, но напоменува дека „толку сериозна хуманитарна катастрофа се случила пред очите на Британците и Европејците“, пренесува Ројтерс.

кинеска амбасада – Kurir.mk

Израелските власти пронајдоа сомнителна направа во подарок од кинеската амбасада

Кинеската амбасада: Не е потврдено државјанството на починатите 39 лица