кинеска вакцина – Kurir.mk

Петличковски: Оправдано е граѓаните вакцинирани со кинеска вакцина да примат трета доза порано

Ивана Ефремовски — Tue, 19 Oct 2021 13:51:11 +0000

Оправдана е одлуката, трета доза вакцина да им се даде на граѓаните по три месеци од примањето на вакцина на „Синофарм“ и „Синовак“, вели имунологот Александар Петличковски. За него кинеските вакцини се одлични и штитат од болест и смрт, но создаваат пониско ниво на имунитет по поминати три месеци од модерните вакцини. Како трета доза може само да се прими вакцината на Фајзер, пренесе Канал 5. За граѓаните кои примиле две дози на кинеска вакцина, а потоа имале инфекција со ковид, не мора да брзаат за трета доза на вакцина. За професорот Петличковски сепак важно е да се вакцинираат оние кои не се вакцинирани, бидејќи ризикот од болеста е многу поголем од прележувањето.

Пристигна кинеската донација од 100 илјади вакцини против Ковид-19

Тале Кристо — Sat, 15 May 2021 07:59:14 +0000

Во поликлиниката „Јане Сандански“ пристигна донација од 100.000 вакцини „Синофарм“ Во поликлиниката „Јане Сандански“ во Скопје денеска пристигна донација од уште 100.000 вакцини од „Синофарм“ од Народна Република Кина. На приемот на донацијата присуствуваа министрите за здравство и за одбрана, Венко Филипче и Радмила Шекеринска, како и кинескиот амбасадор Џанг Ѕу. Според Филипче и Шекеринска, ова е вистинска помош во вистинско време. -Ова е значајна количина вакцини која за бројот на население како нашето значително може да ја смени епидемиолошката слика. Со донацијата се потврдува партнерството меѓу двете земји. Се надевам дека соработката ќе продолжи, истакна министерот за здравство. Тој нагласи дека имунизацијата во земјава ќе продолжи по приоритет, согласно возраста на граѓаните. – Вакцинацијата е единственото оружје, повтори Филипче. Министерката Шекеринска рече дека помошта доаѓа во вистинско време. – Ова е вистинска помош во вистинско време и ќе ни даде шанса да продолжине со вакцинацијата на припадниците на Армијата, но вакцини ќе бидат отстапени и за јавното здравство, како и за граѓаните, напомена Шекеринска. Кинескиот амбасадор Џанг Ѕу рече дека ова е уште една конкретна акција за помош на македонските граѓани и демонстрирање на духот на протјателство. Кина, како што додаде амбасадорот Ѕу, е подготвена да го поддржи македонскиот народ во ова време на пандемија. Испораката на донацијата е договорена на средбата на Шекеринска со кинескиот министер за одбрана, генералот Веи Фенгхе при неговата посета на државава. На крајот на минатиот месец во Северна Македонија пристигнаа 200.000 вакцини „Синофарм“ што Владата ги набави од производителот, а најавени се и 500.000 вакцини „Синовак“.

ЕМА започна со тестирање на кинеската вакцина Синовак

Дарко Андоновски — Tue, 04 May 2021 11:36:32 +0000

Европската агенција за лекови денеска соопшти дека започна тестирање во реално време на кинеската вакцина Синовак против Ковид-19, врз основа на претходните тестови кои покажаа дека произведува имунолошки одговор против коронавирусот. Податоците за кинеската вакцина ќе бидат истражени во реално време за да се забрза потенцијалното одобрување, соопшти ЕМА. Тоа е прва кинеска вакцина тестирана од ЕМА со овој метод и вкупно четврта вакцина, по КјурВак, Новавакс и Спутник В. Таквиот метод им овозможува на истражувачите да ги потврдат податоците дури и пред да бидат објавени конечните резултати, што го забрзува процесот на одобрување. Вакцината Синовак покажала ефикасност меѓу 50 и 90 проценти во различни студии и во моментов е одобрена за употреба во Кина, Индонезија, Бразил и Турција. Вакцината содржи неактивирани верзии на коронавирусот што му помагаат на телото да создаде имунолошки одговор. Синовак на почетокот на април објави дека е отворена трета фабрика за производство на својата вакцина, двојно зголемување на капацитетот на две милијарди дози годишно. Компанијата објави дека 200 милиони дози се веќе испратени низ целиот свет.

Унгарските власти ги повикаа граѓаните да веруваат во кинеската вакцина на Синофарм

Тале Кристо — Wed, 24 Feb 2021 07:08:00 +0000

Унгарските власти пред утрешниот старт на имунизација со кинеската вакцина против Ковид-19, Синофарм, ги повикаа граѓаните да веруваат во вакцините. Унгарскиот државен секретар Иштван Џорџи најави дека лекарите од општа пракса ќе имаат на располагање по 55 дози вакцина на Синофарм, која треба да ја примат највозрасните лица. Тој додаде дека кинеската вакцина неделава ќе ја примат 275.000 граѓани. – Сите вакцини достапни во Унгарија се безбедни и можат да пружат заштита против вирусната инфекција, посочи Џорџи. Унгарија ќе биде прва земја во Европска Унија во која граѓаните ќе се вакцинираат со Синовак. Анкетите покажуваат дека Унгарците имаат мала доверба во вакцината на Синовак.

Според Макрон, кинеската вакцина е нејасна и постојат евентуални ризици

Магдалена Андонова — Thu, 04 Feb 2021 19:53:50 +0000

Францускиот претседател, Емануел Макрон, смета дека кинеската вакцина против Ковид-19 е нејасна и дека постојат евентуални ризици таа да доведе до олеснување во развојот на нови варијанти, јави дописникот на МИА. Францускиот претседател ова го изјави за време на дебата во тинк-тенкот Атлански совет, пренесоа вечерва француските медиуми. -Апсолутно немам информации за кинеската вакцина. Ова значи дека на среден и долг рок, речиси е сигурно дека доколку оваа вакцина не е соодветна, тоа ќе го олесни појавувањето на нови варијанти на вирусот за Ковид-19, рече Макрон. Тој ја отфрли „краткорочна ефикасност на вакцината што би наштетила на долгорочната ефикасност “. (МИА)

Во Турција почна имунизација со кинеската вакцина Синовак

Тале Кристо — Thu, 14 Jan 2021 12:44:11 +0000

Во Турција денека почна вакцинацијата против Ковид-19, а први вакцина ќе примат здравствените работници ширум земјата. Претходно, турските регулаторни тела ја одобрија за употреба вакцината на кинеската компанија Синовак Биотек. Турскиот министер за здравство и членовите на научно советодавното тело ги примија првите дози од вакцината пред камери. Следната група која ќе ја прими вакцината се лицата постари од 65 години. Турција минатиот месец набави три милиони вакцини од Синовак, а треба да добие вкупно 50 милиони дози вакцини.

Индонезија почна имунизација со кинеската вакцина КоронаВак

Тале Кристо — Wed, 13 Jan 2021 09:32:23 +0000

Индонезија денеска започна една од најголемите светски кампањи за вакцинација против Ковид-19, а шефот на државата Џоко Видодо е меѓу првите кои ја примија првата доза на вакцината КоронаВак, која ја разви кинеската компанија „Синовак Биотек“. Целта на вакцинацијата е да се имунизираат 181,5 милиони луѓе. Видодо беше вакциниран во претседателската палата, при што ја истакна важноста на кампањата за имунизација во земјата. – Вакцинирањето е важно за да се спречи пренесувањето на Ковид-19 и да му се овозможи заштита и сигурност на секој граѓанин на Индонезија, со што ќе се помогне во забрзување на економското закрепнување на државата, изјави Видодо. Индонезискиот министер за здравство Буди Гунади Садикин истакна дека до февруари ќе бидат вакцинирани речиси 1,5 милиони здравствени работници, а потоа следуваат јавните службеници и општата популација во рок од 15 месеци. За разлика од голем број земји, Индонезија планира прво да го вакцинира своето работоспособно население, а не повозрасните лица, делумно и поради тоа што нема доволно податоци од клиничките испитувања за ефикасноста на КоронаВак за повозрасните луѓе. Власта оцени дека две третини од 270 милиони жители мораат да се вакцинираат со цел да се постигне колективен имунитет, а трошоците за таа програма се очекува да изнесуваат повеќе од 5,26 милијарди долари. Индонезија соопшти дека нејзините испитувања покажале дека КоронаВак има стапка на ефикасност од 65,3 отсто, но бразилските истражувачи наведуваат дека вакцината кај нив била ефикасна само 50,4 проценти. Турските истражувачи, пак, минатиот месец потврдија дека кинеската вакцина покажала ефикасност од 91,25 отсто врз основа на прелиминарните податоци. Исто така, обезбедени се и речиси 330 милиони дози вакцини против Ковид-19, вклучувајќи ги и оние на производителите АстраЗенека и на Фајзер/БиоНТек.

Вакцината против Ковид-19 на кинеската „Синофарм“ е ефикасна 79 отсто

Тале Кристо — Wed, 30 Dec 2020 08:36:42 +0000

Кинеската фармацевтска компанија Синофарм објави дека една од нејзините вакцини против Ковид-19 покажала ефикасност кај 79,34 проценти од оние кои биле во клиничките испитувања. Тој процент е помал од американските конкуренти „Фајзер“ и „Модерна“. За споредба, Фајзер тврди дека нивната вакцина е ефикасна 95 отсто, а Модерна – 94,1 отсто. Британската фармацевтска компанија „АстраЗенека“ објави дека вакцината, што ја разви заедно со Универзитетот во Оксфорд, покажала ефикасност кај 70 проценти од вакцинираните. Сепак, ефективноста може да достигне 100 проценти со две дози.

Кинеската вакцина против Ковид-19 ќе се тестира во Русија

Тале Кристо — Mon, 07 Dec 2020 11:13:18 +0000

Властите во Русија денеска дозволија на нејзина територија да се тестира кинеската вакцина Ад5-Нцов против Ковид-19. Во клиничкото тестирање ќе учествуваат 8.000 волонтери. Вакцината Ад5-Нцов е произведена од компанијата „КанСино Биолоџигс“, а на нејзиниот развој учествуваа кинеските научници кои работат за армијата.

Бразил ќе ја набави и кинеската вакцина „Синовац“

Тале Кристо — Wed, 21 Oct 2020 08:26:22 +0000

Бразилската Влада ќе ја вклучи кинеската вакцина „Синивац“ во својата програма во борбата против Ковид-19. Во бразилската програма вклучена е и вакцината што ја развиваа „АстраЗенека“ и британскиот Универзитет Оксфорд. Гувернерот на Сао Паоло, Жоао Дорија изјави дека бразилската Влада се согласи да купи 46 милиони дози од вакцината „Синовац“, додавајќи оти вакцинацијата во цела земја би можела да почне во јануари следната година.