кинески ѕид – Kurir.mk

Цела Турција остана во неверување: Каде се наоѓа Кинескиот ѕид? Погледнете го неславниот одговор на ова прашање (ВИДЕО)

Дарко Андоновски — Sat, 11 Aug 2018 12:18:36 +0000

„Кој сака да биде милионер?“ е една од најпознатите емисии за љубителите на квизовите. Натпреварувачите во квизот одговараат на поставените прашања, а имаат и три џокери на располагање кои можат да ги искористат ако не го знаат одговорот. Првите неколку прашања од квизот се обично лесни и натпреварувачите ги знаат одговорите, но знаат да се случат и неславни настапи на поединечни учесници. Една од таквите личности е и 26-годишната Су Ајхан која се посрамотила во турската емисија „Кој сака да биде милионер?“. На прашањето Каде се наоѓа Кинескиот ѕид?, натпреварувачката ги имала Кина, Индија, Јужна Кореја и Јапонија како понудени одговори. Таа најпрвин го искористила џокерот „прашај ја публиката“ на што точно одговориле само 51 отсто од присутните во салата. Поради тоа, Ајхан одлучила да го искористи и вториот џокер наречен „повикај пријател“ и точно одговорила на ова прашање, благодарение на својот пријател. Во своја одбрана, натпреварувачката изјавила дека може да се користи со џокерите онака како што таа сака, но за жал, таа испаднала веќе на следното прашање.

Топ 10 најтешки објекти на светот

Катерина Бојаџиева — Wed, 16 May 2018 10:47:49 +0000

Порталот „24/7 Вол Стрит“ објави топ 10 листа на најтешките објекти во светот. Истражувањето е спроведено врз основа на податоци од Гинисовата книга на рекорди, американскиот Национален институт за стандарди и технологија и неколку други научни извори. Тежината на речиси сите објекти е утврдена со помош на проценки, а најтешкиот објект кој е директно измерен, е круглата ротирачка структура на една од лансирните рампи на Вселенскиот центар „Кенеди", која тежи 2.200 тони. Листата 10 најтешки објекти на светот изгледа вака: 1. Големиот кинески ѕид - 52 милиона тони, 2. Хидроелектраната „Брана на три кањони" во Кина - 9,4 милиони тони, 3. Кеопсовата пирамида во Египет - 5,4 милиони тони, 4. Нафтената платформа Гулфакс-Це во Северното Море - 1,4 милиони тони, 5. Кранот ССЦВ Тиалф - 952.000 тони, 6. Палатата на Парламентот во Букурешт, Романија - 726.000 тони, 7. Носачот на авиони „Нимиц“ - 92.500 тони, 8. Товарниот воз во Западна Австралија - 90.500 тони, 9. Подводниот комуникациски кабел (под океанот) - 80.000 тони, 10. Обелискот во Вашингтон - 73.600 тони.

Непроценлива жртва за светското чудо: Морничава тајна се крие за изградбата на Кинескиот ѕид

Матеја Петровски — Fri, 05 Jan 2018 16:46:53 +0000

Иако не се гледа во месечината, во што многумина уште погрешно веруваат, Кинескиот ѕид и покрај тоа, е една од најпознатите градби на светот. Кога ќе прочитате какви се тајни крие ќе ви биде уште повеќе фасцинантен. Кинескиот ѕид е граден со векови, прво бил утврден за одбрана од нападите, градбата започнава уште во петтиот век пред Христосс, а изградбата е продолжена се до 17 век. Најпознатите делови од ѕидот сепак се градени меѓу 15 и 17 век, за време на династијата Минг, кога ѕидот добил препознатлив облик кој и ден денес најчесто го гледаме на фотографиите. Кога целиот ѕид бил поврзан, се протегал на вкупно 8.851 километар. Имал просечна висина од 15 и ширина од седум метри. Унеско во меѓувреме го стави на својата листа на светски заштитени работи, а до денес остана една од најфасцинантните градби направени со човечка рака. Секако, со таква градба се поврзани и бројни легенди. Од колено на колено радо се пренесува приказната за племенитата и храбра девојка Менг Џијанг Ну, која се заљубила и омажила за Фан Сјилианг. Иако сакала да го сокрие својот маж од кинеските власти, кои барале работна сила за изградба на ѕидот, Фан го одвеле баш поради тоа. Менг повеќе од една година не слушнала никаква вест за својот драг, па одлучила да го посети. На долгото патување кое траело цели две години, наишла на многу природни препреки, но конечно до делот на ѕидот каде работел нејзиниот сопруг. Поминала толкав пат за дознае дека Фан починал од исцрпеност. Откако го слушнала тоа, Менг не можела да ги задржи солзите. Плачела три дена цело време. Легендата вели дека поради толкавиот плач, Менг со солзите срушила дел од ѕидот.ж Легендата за Менг и Фан настанала за да покаже на тоа колку луѓе со живот платиле за изградба на ѕидот, работејќи во тешки и невозможни услови. Некои историчари тврдат дека ѕидот го граделе два милиони работници, од кои многу завршиле со фатални последици поради неухранетост, умор или поради несреќен случај. Постојат и морничави приказни дека сите тие тела се заѕидани во Кинескиот ѕид и дека станале дел од туристичката атракција, која секоја година ја посетуваат милиони туристи од целиот свет.