кинески град – Kurir.mk

Кинески град ќе вакцинира 300.000 жители за пет дена поради 16 нови случаи на зараза

Ивона Петрова — Fri, 02 Apr 2021 08:23:28 +0000

Во кинеската провинција Јунан се појави ново жариште на епидемија со Ковид-19 по што властите најавија дека за пет дена ќе го вакцинираат целото население на еден град со 300.000 жители. Државната телевизија ЦЦТВ објави снимки со луѓе кои чекаат во редови за вакцинација во градот Жулија, каде од вторникот се потврдени 16 случаи на зараза со коронавирусот. Од вкупниот број на заразени, 12 се Кинези, а четворица се државјани на Мјанмар, со кои се граничи провинцијата Јунан. Официјален претставник на Комунистичката партија на Кина вчера изјави дека првите 159.000 дози на вакцината против Ковид-19 веќе пристигнале во градот.

Кинески град почна да нуди експериментална вакцина за 60 долари

Магдалена Андонова — Fri, 16 Oct 2020 09:16:46 +0000

Кинескиот град Џјасин им понуди на работниците и други високо ризични групи експериментална вакцина за коронавирус на Синовак Биотех за 60 долари, како дел од националната програма. Центарот за спречување и контрола на болести во Џјасин во соопштение наведува дека две дози од кандидатот за вакцина КоронаВак чинат 200 јуани (29,75 долари) по доза. Се објаснува дека е почната имунизација на клучни групи, вклучително и на здравствени работници. Кинеските власти досега не ја откриваа точната цена на потенцијалните вакцини. Стотици илјади Кинези и други досега примија експериментални вакцини во последните фази од испитувањата како дел од програмата за итна имунизација од јули. (МИА)

Ристески: Голема благодарност за донацијата од нашите пријатели од збратимениот кинески град Дејанг

Тале Кристо — Thu, 23 Apr 2020 19:26:24 +0000

Голема благодарност од срце на нашите пријатели ,збратимениот град Дејанг од Кина , нивниот градоначалник и жителите за донацијата! Еднаш пријатели , секогаш пријатели и во добро и во зло!, вели во својата објава поранешниот градоначалник на општина Прилеп Марјан Ристески. https://www.facebook.com/gradonacalnikpp/posts/2931592870262425

Трајановски: Го повикувам Шилегов да побара помош од збратимениот кинески град Нанчанг

Дарко Андоновски — Mon, 23 Mar 2020 17:20:09 +0000

Поранешниот градоначалник на Скопје Коце Трајановски преку својот Фејсбук профил апелира до градоначалникот Петре Шилегов да побара помош од збратимениот кинески град Нанчанг. Сакам уште еднаш да го повикам Градоначалникот Петре Шилегов доколку сеуште не побарал помош од збратимениот кинески град Нанчанг, тоа да го стори најбрзо што може. Верувам дека веднаш ќе испратат помош која ни е потребна во медицински материјали, мобилни болници, медицински персонал. Не е време за политика и геостратешки игри. Ве молам сторете го тоа за доброто на жителите на Скопје и Македонија.

Кинески град дава по 1400 долари за сомнителни случаи кои сами ќе се пријават

Дарко Андоновски — Thu, 27 Feb 2020 11:06:48 +0000

Град во кинеската провинција Хубеи, каде се наоѓа епицентарот на епидемијата на коронавирус, ќе им плати на своите жители 10.000 јуани (1.425,96 американски долари) доколку, по своја иницијатива, тие пријават симптоми на болеста и, по тестирање, тоа е потврдено. Едномилионскиот град Чианџианг, на околу 150 километри од градот Вухан, објави вкупно 197 случаи и ги засили своите напори да обезбеди изолација и третман на заразените. Ова е друга област која нуди парична награда за да ги охрабри луѓето доброволно да се тестираат за коронавирусот. Провинцијата Хубеи објави повеќе од 65.000 случаи на заразени и повеќе од 2.600 смртни случаи. На глобално ниво, смртните случаи се околу 2.800, а заразените се 80.000. Специјалната рабтна група во Чианџианг која се занимава со борба со епидемијата, објави дека жителите ќе добијат 10.000 јуани доколку се потврди инфекција со коронавирус. Ова не важи за оние веќе дијагностицирани. Луѓе кои доброволно се тестираат но не може веднаш да бидат оквалификувани како заболени, ќе добијат по 1.000 јуани а оние за кои има сомненија – 2.000. Во други области на Хубеи исто се даваат пари на оние кои доброволно се тестираат но сумите се по околу 550 јуани (1 долар – 7 јуани)

Успешно евакуирана Македонка од кинескиот град Вухан – Еве ги деталите

Тале Кристо — Sun, 02 Feb 2020 14:32:24 +0000

Министерството за надворешни работи информира дека македонска државјанка, врз основа на доброволна согласност, а со посредство на амбасадите на нашата држава во Пекинг и Париз, успешно е евакуирана од кинескиот град Вухан. Нејзината здравствена состојба е добра, не постојат симптоми на корона вирусот, соопшти МНР. Постапката на евакуацијата била спроведена преку приклучување кон Програмата за евакуација на Франција, која за оваа намена организираше специјален лет кој што денеска слета во воена база на југот во Франција. – Пред да го продолжат патот до своите матични држави, патниците ќе бидат евакуирани во помал град на југот на Франција, каде ќе подлежат на задолжителен карантин во трaење од 14 дена, што е воспоставен протокол за евакуација на сите патници од Вухан, стои во соопштението. Министерството за надворешни работи е во постојана комуникација со евакуираната патничка преку надлежните амбасади во Пекинг и Париз, како и преку властите на соодветните држави.