кинески научници – Kurir.mk

Кинески научници развија човечки бубрег од свински ембриони

Тале Кристо — Thu, 07 Sep 2023 20:58:14 +0000

Научниците од институтот во кинескиот град Гуангжу успеаја да развијат бубрежно ткиво со претежно човечки клетки од свински ембриони, што го отвори патот за „производство“ на органи за донирање. Тимот, предводен од Лиангзуе Лаи од Институтот за биомедицина и здравје, ја објави студијата во научното списание Cell Stem Cell. Нивната работа зависела од „гасење“ на гените SIX1 и SALL1 во ембрионите со помош на Crispr/Cas – алатка која често се опишува како генетски ножици. Тоа значи дека ембрионите не развиле свински бубрег и дека е формирана празнина во која се вметнати т.н. „плурипотентни“ човечки матични клетки од папочната врвца. Така развиените бубрези содржеле повеќе од една третина свински клетки, што може да доведе до отфрлање во случај на трансплантација, велат научниците кои нагласуваат дека процедурата допрва треба да се подобри.

Кинески научници развија маска што открива коронавирус во воздухот

Тале Кристо — Tue, 20 Sep 2022 17:45:51 +0000

Кинески научници развија маска што предупредува на изложеност на коронавирус или грип, се наведува во студијата водена од шестмина научници од универзитетот Тонги во Шангај, објавена во научното списание Матер. Сензорот вграден во маската може да ги детектира вирусите Ковид-19, Х5Н1 и Х1Н1 во рок од десет минути и да испрати известување до уредот, кој е надвор од маската и има литиумска батерија. Симулирано е веројатно сценарио каде некој зборува или кашла тогаш сензорите реагираа и испраќаат предупредувања до безжични уреди како што се телефоните. – Претходните истражувања покажаа дека маските го намалуваат ширењето на вирусот. Затоа сакавме да направиме маска што корисниците ги предупредува на присуство на вирус во воздухот, изјави Јин Фанг од Универзитетот Тонги и еден од авторите на студијата. Како што тврдат истражувачите, најдобро е уредот да се користи во затворени простории, каде висок е ризикот од зараза. Се работи на тоа да се намали времето за детекција и на чувствителноста на уредот што по потреба, може да се конфигурира за различни вируси.

Кинески научници тврдат: Коронавирусот ќе ни се враќа секоја година, ова не е како САРС

Тале Кристо — Tue, 28 Apr 2020 16:33:10 +0000

Кинеските научници тврдат дека новиот корона вирус веројатно нема сосоема да биде искоренет и истиот може да ни се повторува како сезонскиот грип. Малку е веројатно дека довиот вирус ќе исчезне како САРС пред 17 години, затоа што оваој вирус ги инфицира луѓето и без никакви симптоми. Оваа група на таканаречените асимптоматски преноси го отежнува целосното изолирање на преносот на истиот, и истите незабележано можат да го шират, рекла група медицински истражувачи од Пекинг. Од САРС, инфицираните беа доста болни. Кога биле ставени во карантин, вирусот престана да се шири. Наспроти тоа, во Кина сеуште има асимптоматски случаеви на корона вирус секој ден, иако епидемијата е ставена под контрола, пренесува Блумберг. -Веројатно е дека ова ќе биде епидемија која што ќе потрае долго, која станува сезонска и се одржува во телата на луѓето, рекол директорот по патогена биологија Јин Ки.

Кинески научници тврдат дека се близу до пронаоѓање лек за сида

Даниел Василев — Sun, 17 Jun 2018 17:56:32 +0000

Научници од Институтот за АИДС при Универзитетот во Хонгконг објавија дека можеби пронашле „функционален лек“ за ХИВ, вирус кој предизвикува сида. Станува збор за ново антитело кое би можело да се користи и за превенција и за лечење на таа опасна болест. Истражувањето кое го водел професорот Чен Зиве, спроведено е во момент кога Кина е соочена со ширење на епидемија на сида. Скоро 850.000 луѓе во Кина се заразени со ХИВ. Вирусот ХИВ го слабее имунолошкиот систем поради што заразените се многу чувствителни на инфекции и болести. Чен вели дека под „функционален лек“ подразбира дека количината на вирусот во телото е толку ниско што не може да се детектира, се додека луѓето не земат инјекција од антителото, на секои три месеци. Луѓето заразени со ХИВ може да го држат вирусот под контрола со антиретровирусни лекови, кои спречуваат вирусот да зарази нови ќелии. Меѓутоа, тие мораат да да се земаат секојдневно и не ги елиминираат веќе заразените ќелии од телото. Според Ендру Чидги, директор на невладината хуманитарна организација АИДС Консрн од Хонгконг, лекот нема наскоро да биде достапен во јавнот бидејќи властите се бавни. Чен и неговите соработници сакаат да изведат клинички истражувања на лекот и да оценуваат дека за тоа ќе им требаат три до пет години.

Кинески научници создале градежен материјал отпорен на оган

Даниел Василев — Mon, 09 Apr 2018 08:26:34 +0000

Кинески научници развиле нов градежен материјал отпорен на оган, кој може да издржи пламен од речиси 1.300 степени Целзиусови. Истражувачи од Универзитетот за наука и технологија создале композитен аерогел со ниска топлинска проводност, многу отпорен на оган. Композитот, кој е синтетизиран од фенол-формалдехидна смола и силициум, може да издржи пламен со висока температура без дезинтеграција. Самиот композит е високо порозен и еластичен, и покажува поголема отпорност на оган од актуелните изолациски материјали, како што се проширен полистирен и стаклена волна. Според научниците, доколку се употребува во ѕидовите, материјалот може да ја зголеми заштитата против уривање на потпорните бетонски структури предизвикано од пожар, што ќе овозможи подолго време за евакуација на зградите. Исто така, може да се употреби за изолација на постари згради. МИА