кинески – Kurir.mk

Руско МНР: Руски и кинески воени бродови ги организираа првите заеднички патроли во Тихиот Океан

Тале Кристо — Mon, 25 Oct 2021 06:53:18 +0000

Руски и кинески воени бродови ги организираа првите заеднички патроли во западниот дел на Тихиот Океан од 17. до 23 октомври, соопшти руското Министерство за надворешни работи. Како што пренесуваат странските медиуми, Москва и Пекинг, кои организираа вежби за поморска соработка во Јапонското Море во октомври, одржуваа поблиски воени и дипломатски врски во последниве години во време кога нивните односи со Западот се влошија. Поморските маневри беа внимателно следени од Јапонија, која на почетокот на неделава објави дека група од 10 бродови од Кина и Русија пловеле низ теснецот Кугару, кој го дели главниот јапонски остров од северниот остров Хокаидо, пренесува „Гласот на Америка“. „Група бродови за првпат поминаа низ теснецот Кугару како дел од патрола“, се наведува во соопштението на руското Министерство за одбрана. Теснецот се смета за меѓународни води. „Задачите на патролата беа да ги демонстрира руското и кинеското национално знаме, да го одржува мирот и стабилноста во азиско-пацифичкиот регион и да се грижи за субјектите на поморската економска активност на двете земји“, додаде руското Министерство.

Милошоски: Кога провизијата за власта е поважна од здравјето на граѓаните, тогаш набавката на вакцини оди преку фантом фирма

Тале Кристо — Wed, 10 Mar 2021 10:13:59 +0000

Кога провизијата за власта е поважна од здравјето на граѓаните, тогаш сакаш набавката на вакцини да оди преку фантом фирма од Хонг Конг. Во меѓувреме бројот на жртви расте, а економијата тоне!, реагира по објавениот скандал поврзан со владата а во врска со набавката на кинеските вакцини пратеникот од редовите на ВМРО-ДПМНЕ Антонио Милошости.

Млади кинески милијардери заработиле 223 милијарди долари оваа година

Тале Кристо — Thu, 29 Oct 2020 07:29:08 +0000

Млади кинески милијардери оваа година стекнаа рекордно заедничко богатство од над 223 милијарди долари, во време кога целиот свет се бори со најлошата економска криза во последните неколку децении, покажуваат најновите податоци на листата на кинеските богаташи „Харун Рич Лист“. Во 2020 година Кина има 60 милијардери помлади од 40 години. Оваа година е забележан значаен пораст на богатствата во време на пандемијата на Ковид-19. Со тоа бројот на кинески милијардери е зголемен на 878, со вкупно богатство поголемо од четири билиони долари. Кина во 2010 година имала 189 милијардери. – Светот никогаш не видел толкаво богатство, кое е создадено во само една година. Кинеските претприемачи поминале многу подобро од очекуваното. И покарј пандемијата, успеале да достигнат рекордно ниво, изјави Руперт Хјуџверт, претседател на Харун рипорт. На врвот на листата на млади милијардери се наоѓа 39-годишната Хуијан Јанг, која се смета за најбогата жена во Азија со богатство од 33,1 милијарда долари. Таа е мнозински акционер на Кантри Гардем, компанија за развој на недвижности, која ја основал нејзиниот татко во 1992 година.

Кинеските здравствени власти ќе тестираат девет милионски град

Тале Кристо — Mon, 12 Oct 2020 08:53:14 +0000

Кина од денеска почнува да спроведува масовна кампања за тестирање на Ковид-19 во градот Чингдао, во кој живеат околу девете милиони луѓе. Масовното тестирање се спроведува откако беа регистрани шест лица заразени со новиот коронавирус, што предизвика страв од повторно ширење на епидемијата. Според локалните здравствени власти тестирањето во шест квартови на Чингдао ќе се изврши во следните три дена, додека тестирањето на сите жители на градот ќе биде спроведено за пет дена. Според нив се уште не е откриен изворот на зараза, а се претпоставува дека инфицираните се поврзани со болницата во која се лекуваат пациенти од Ковид-19. Приморскиот град Чингдао е познат по пивото Тсингтао, според старата транскрипција на името на градот. Секоја година во Чингдао се одржува фестивал на пивото. И оваа година во август се одржа Фестивалот на пивото.

Кинески научници од бакар прават злато

Предраг Кукиќ — Wed, 26 Dec 2018 15:03:51 +0000

Илјадници години алхемичарите се обидуваат обичен метал да претворат во скапоцен метал, пред се во злато. Кинеските научници најверојатно успеаја во тоа. Група научници од Институтот за физичка хемија Далијан објавија истражување во списанието „Сајанс адвансес“ (Science Advances), каде ја објаснуваат постапката со која успеале бакар да претворат во материјал, кој „речиси е идентичен“ на златото и среброто. Металот што е добиен со експериментот може да служи како катализатор за реакција при производството на алкохол од јаглен, нешто што само можат да го постигнат благородните метали, како златото. Во научниот труд се истакнува дека новиот материјал на база на евтин бакар може да го замени скапото злато и сребро во производството на електронските уреди.