Кинез – Kurir.mk

Кинез пливал 10 часа за да избега на Тајван

Ивана Ефремовски — Tue, 01 Aug 2023 08:49:20 +0000

Кинез пливал речиси 10 часа од кинеската провинција Фуџијан до тајванските острови Мацу во обид „да избега кон слободата“. Тој притоа побарал помош од туристи на островот Бејган, вториот по големина од островите, откако го каснала пчела. Туристите ги известиле тамошните власти кои пристигнале на местото на настанот и потврдиле дека се работи за нелегален кинески имигрант, пишува „Индипендент“. Растојанието меѓу полуостровот Хуангки во Фуџијан и островот Бејган е околу 12 километри. Надлежните потврдија дека кинескиот државјанин бил пренесен в болница на островот, и оти неговите повреди не се сериозни. Бегалецот со себе носел храна, облека, лекови и пари. Тој им кажал на надлежните дека, во потрага „по слобода“, тргнал на патешествието од полуостровот до архипелагот Мацу. Тајван има самопрогласена самоуправа откако се отцепи од Кина во 1949 година, по граѓанска војна. Кина, инаку, ги засили своите воени активности околу Тајван последниве години, тврдејќи дека Тајван е обврзан да се обедини со Пекинг, доколку е потребно и со сила, и дека нема право самостојно да одржува надворешни односи. Инаку, ова не е прв ваков случај. Пред три години, 45-годишен кинески државјанин бил фатен откако пливал седум часа за да стигне до островот Кинмен во Тајван поради „политичкото опкружување“ во Кина. И тој бил уапсен поради нелегален влез во Тајван. (МИА)

Кинез тешко повреден на автопатот во изградба Охрид-Кичево

Тале Кристо — Mon, 24 Apr 2023 14:27:28 +0000

На 23.04.2023 во СВР Охрид, од Специјалната болница „Св.Еразмо“ во Охрид било пријавено дека кај нив со тешки телесни повреди бил донесен Ш.Ч.(40) од Кина. Според пријавеното, тој се здобил со повредите околу 10.00 часот, при извршување работни задачи на автопатот во изградба Охрид-Кичево, кај с.Оровник. Увид извршиле екипа од СВР Охрид и трудов инспектор.

Две години криел од сопругата дека станал милионер

Ивона Петрова — Thu, 16 Feb 2023 18:02:52 +0000

Љубовта се заснова на доверба. Така велат сите што веруваат во љубов. Сепак, се чини дека еден Кинез, кој во локалните медиуми е претставен само под презимето Џоу, не верува во оваа изрека. Цели две години успеал да сокрие од сопругата дека добил на лотарија. Добитните бројки му ја збогатиле сметката за 1,36 милиони евра или околу 10 милиони јуани. Откако г-ѓа Џоу дознала за тоа, побарала развод, а судот во Венџоу во источната кинеска провинција Жеџијанг на 1 февруари пресудил дека Џоу мора да и плати отштета од повеќе милиони на својата сопруга, пренесува CdM. За време на судењето било кажано дека мажот и префрлил два милиони јуани на својата постара сестра веднаш штом парите легнале на неговата сметка, а неколку дена подоцна подигнал 700 илјади јуани за да и помогне на поранешната сопруга да купи стан. Судот се согласил со мислењето дека парите што Џоу ги префрлил на неговата сестра и поранешната сопруга се дел од заедничкиот имот, па сопругата успеала да се избори за 60 отсто од тој дел од добивката. Ниту една од страните не поднела жалба, а медиумите не наведуваат зошто сопругот решил да крие од својата „драга“ дека се збогатил, објави „Хангжу дејли“.

Кинез среде улица во Пекинг пее песни од Тоше Проески – овие видеа ќе ви го згреат срцето и ќе ве направат горди (ВИДЕО)

Дарко Андоновски — Tue, 30 Nov 2021 14:53:30 +0000

На социјалната мрежа се појави видео на кое се гледа како уличен музичар од Кина го пее хит од македонската музичка ѕвезда Тоше Проески. „Još uvijek sanjam da smo zajedno“ е песната на Проески која беше испеана од овој музичар. Погледнете:

View this post on Instagram

A post shared by 王小虫 (@wang_xiao_chong)

Станува збор за извесен уличен пејач кој на Инстаграм е потпишан како Wang Xiao Chong кој среде Пекинг ја пее и легендарната песна која ја пееше Проески на Беовизија, „Чија си“.

View this post on Instagram

A post shared by 王小虫 (@wang_xiao_chong)

Кинез осуден на 9 дена затвор поради мимика: Полицијата тврди дека ги исмејувал, луѓето го бранат

Магдалена Андонова — Wed, 03 Nov 2021 15:45:19 +0000

Маж од Кина е осуден на девет дена затвор откако испратил мимика во eдна чет група во која се потсмевал на полицијата. Овaa мимика набрзо стана вирална на кинеските социјални мрежи. Човек идентификуван само со презимето Ли, испрати контроверзна мимика преку социјалната мрежа We Chat во група во која корисниците споделуваат негативни коментари за моменталната ситуација со коронавирусот. Полициската станица објавила скриншот од преписката на која се гледа споменатата мимика, но подоцна ја избришала фотографијата. Мимиката покажува куче облечено во полициска униформа кое во едната рака држи полициска значка и покажува со показалецот во другата.

A man in China has been given 9 days in jail for sending a meme to a group chat room on WeChat. The man was turned in by a "member of the public" who complained about the police abuse.
The meme: one day a kent, the next day a hoonwebin. pic.twitter.com/4bTKS0iVp5
— Brijesh Singh (@Brijeshbsingh) November 3, 2021

Хаштагот кој е објавен под споменатата фотографија е споделен повеќе од 170 милиони пати, пренесува CNN. Во меѓувреме, голем број граѓани протестираа против затворањето на овој човек, наведувајќи дека ова е престрога казна за една шега. Полицијата подоцна соопшти дека тој со своите постапки направил штета и дека е соодветно казнет.

Кинез заразен со нов вид на птичји грип – дали има опасност од пандемија?

Магдалена Андонова — Tue, 01 Jun 2021 07:37:16 +0000

41-годишен маж од источната кинеска провинција Џагсу е заразен со нов вид птичји грип наречен Х10Н3, што е помалку опасен од другите, соопшти денеска Кинеската национална комисија за здравство (НХЦ). Жител на градот Џенџијанг беше хоспитализиран на 28 април, откако доби висока температура и уште неколку други симптоми, изјави NHC. Еден месец подоцна, на 28 мај, било утврдено дека има птичји грип, но деталите за тоа како мажот се заразил со вирусот не се познати, објави Ројтерс, пренесува Танјуг. H10N3 е помалку опасен вид, така што ризикот од епидемија е многу мал, додаде NHC. Човекот е стабилен и подготвен да биде отпуштен од болницата, а со следење на неговите контакти, не се откриени други случаи. Постојат неколку видови на птичји групи во Кина, а понекогаш се случува и инфекцијата да се појави, но немало поголем број на заразени од 2016-2017 година, кога видот Х7Н9 убил околу 300 лица.

Кинез нелегално сакал да влезе во Македонија, веднаш е приведен

Ивана Ефремовски — Sun, 05 May 2019 09:11:29 +0000

На 04.05.2019 година во 12:10 часот во реонот на с.Лојане, општина Липково, во близина на „Миратовачки пат“, при вршење на патрола, полициски службеници од Полициската станица за Граничен надзор Сопот го забележале и спречиле лицето К.Д.(55) од Народна Република Кина илегално да ја помине државната граница од Р.Србија кон Р.Македонија. Тој бил приведен и предаден на полициски службеници од СВР Куманово за понатамошна постапка.

Во Чикаго уапсен Кинез поради шпионажа

Ивона Петрова — Wed, 26 Sep 2018 05:57:40 +0000

Во Чикаго е уапсен еден кинески државјанин поради сомневање дека шпионирал американски инженери и научници, меѓу кои и луѓе кои работат по договор за американскиот одбранбен сектор, соопштија американски сојузни обвинители. Џи Чаицхун (27) е обвинет дека во САД свесно дејствувал како агент на кинеската Влада, а претходно не го известил државниот обвинител, стои во соопштение од канцеларијата на државниот обвинител во Чикаго. Тој наводно работел по налог на високи кинески разузнавачи и бил задолжен да собере информации за осум лица со цел евентуално регрутирање. Тој првпат дошол во САД во 2013 година за да студира електротехника на Институтот за технологија во Илиноис, а во 2016 година им се приклучил на резервистите на американската армија. МИА

Во еден момент пливал во море, во следниот врескал од болка: Пожарникарите едвај му ги соблекоа шорцевите и го спасија од смрт (ВИДЕО)

Дарко Андоновски — Fri, 07 Sep 2018 14:20:04 +0000

На видео снимката, која стана вирална во кинеските социјални медиуми, несреќниот човек може да се види како лежи на песокот во мачна агонија, додека ражата лежи покрај него. Додека младиот Кинез пливал во морето, опашката на ражата некако влегла во неговите шорцеви, при што најмалку една боцка му се заглавила во неговиот пенис. Не долго потоа тој излегол од вода викајќи и плачејќи од болка. Додека целата операција ја посматрала група луѓе, пожарникарите и болничарите успеале да му ја извадат пипката од пенисот, а човекот потоа е префрлен во болница.

ВИДЕО: Украл 800 метри асфалт и го продал за 640 евра

Ивона Петрова — Wed, 07 Feb 2018 11:56:11 +0000

Кинез од покраината Јангсу украл 800 метри бетон од локалниот автопат, па го продал на градежна фирма за 5.000 јуани (640 евра), јавуваат локалните медиуми. Крадецот, меѓутоа, немал среќа, оти локалните жители веднаш го пријавиле исчезнувањето на автопатот в полиција. Селаните всушност мислеле дека автопатот се реновира, но полицијата утврдила дека нештата стојат поинаку. Инвентивниот „итрец“ изнајмил машини со кои исекол 800 метри од автопатот и блоковите ги качил на камиони пред да ги одвезе во градежната компанија. - Па, по тој автопат веќе никој не вози. Зошто тогаш да не земам бетонски блокови и малку да заработам?, рече тој во своја одбрана. „Сиромаштијата ги чини луѓето креативни", гласи еден коментар на социјалните мрежи. Друг пак, сугерира дека „најсоодветна казна за сторителот би било сам да ја поправи уништената делница". Крадецот вкупно украл и препродал 500 тони бетон.