Кингсли Коман – Kurir.mk

СП 2022: Нови проблеми за Франција, се повреди Коман

Бошко Тасиќ — Fri, 25 Nov 2022 06:07:19 +0000

Кингсли Коман се повреди, кој на последниот тренинг се здобил со повреда на мускулот. Колку е тешка повредата засега нема точна информација, но според француските медиуми не е наивна и можно е Коман да отпадне од составот до крајот на Мундијалот, а Франција пред стартот остана без Кристофер Нкунку, па Карим Бензема, а после десет минути лигаменти скина и левиот бек Лукас Ернандез. Претходно Дешан остана без Пол Погба, Нголо Канте, Паскал Кипембе. Коман на првиот меч со Австралија играше во последните 13 минути во тримфот со 4-1.

Кингсли Коман во Баерн Минхен до 2027 година

Бошко Тасиќ — Wed, 12 Jan 2022 19:22:58 +0000

Актуелниот германски фудбалски шампион Баерн Минхен го реши прашањето во однос на иднината на 25 годишниот Кингсли Коман, со тоа што фудбалерот стави потпис на договор со „Баварците“ со важност до 2027 година. Претходниот договор на Коман истеуваше идната година, а крилниот напаѓач е дел од составот на „Баварците“ од 2015 година, па така не ги криеше импресиите по денешниот потпис. „Премногу сум среќен бидејќи Баерн Минхен е еден од најголемите клубови во светот, знам дека се уште имаме големи амбиции и во иднина, тука се чувствувам како во својот дом, тимот наликува на едно среќно семејство, среќен сум што моите најубави фудбалски години ги минувам во овој клуб“ рече Коман.

Кингсли Коман заврши на операција поради проблеми со срцето

Бошко Тасиќ — Sat, 18 Sep 2021 06:46:02 +0000

Фудбалерите на Баерн ја победија Барселона во натпревар од Лигата на шампионите пред неколку дена, а минутажа на овој меч запиша и Кингсли Коман. Коман влезе во игра во второто полувреме и настапи против Барселона, но само неколку дена подоцна заврши во болница поради проблеми со срцето. Баерн веќе некое време го следи здравјето на овој фудбалер бидејќи сфати дека има проблеми со срцето. Откако беше заклучено дека Коман, покрај нормалното чукање на срцето, има и мало чукање на срцето, што му создаде проблем и го остави без здив, беше одлучено да се оди на операција. Минхенскиот клуб потврди дека Коман вчера имал мала операција и дека се чувствува добро. Јасно е дека тој нема да игра утре против Бохум, а точниот датум на неговото враќање на терените се уште не е познат. „Коман вчера имаше мала операција. Пулсот не беше точен бидејќи имаше дополнително мало отчукување на срцето што му правеше проблем. Ќе остане без здив во еден момент. Клубот ја следеше неговата состојба и заклучи дека му треба операција“, рече денес Јулијан Наглесман. Коман досега одигра вкупно четири натпревари во сите натпреварувања за Баерн оваа сезона.

Баерн нема да го пушти Коман да си замине, Јунајтед заинтересиран за Французинот

Ивона Петрова — Tue, 15 Dec 2020 07:37:43 +0000

Играчот за врска на Баерн, Кингсли Коман, ќе остане во клубот од Минхен, пренесува „Скај Германија“. Според изворот, управата на клубот нема намера да го ослободи 24-годишниот француски фудбалер за кого се интересира Манчестер јунајтед. Коман оваа сезона одигра 13 натпревари за Баерн, постигна пет гола и направи девет асистенции.

Коман најдобриот фудбалер на 1. коло во Лигата на шампионите

Магдалена Андонова — Fri, 23 Oct 2020 13:55:22 +0000

Играчот за врска на Баерн Минхен, Кингсли Коман е прогласен за најдобар играч во 1. коло од групната фаза од Лигата на шампионите, објави УЕФА на својата официјална веб-страница. На сметка на 24-годишниот Французин се два гола и една асистенција на натпреварот против Атлетико (4:0). Во гласањето, Коман ги победи дефанзивецот Анхелињо од Лајпциг, играчот за врска Тете од Шахтјор Доњецк и напаѓачот на Јувентус, Алваро Мората. (МИА)

Коман ќе го пропушти мечот со Шалке, оди во самоизолација

Ивона Петрова — Wed, 16 Sep 2020 09:19:03 +0000

Играчот за врска на Баерн, Кингсли Коман, ќе го пропушти натпреварот од 1. коло во Бундеслигата против Шалке, се наведува на официјалната веб-страница на клубот од Минхен. Дваесет и четиригодишниот Французин е дома во самоизолација по контакт со лице кое имало позитивен тест за коронавирус. Резултатот од тестот на Коман беше негативен. Натпреварот Баерн – Шалке ќе се одржи на 18 септември.

Боатенг и Коман ќе можат да играат против Барселона

Магдалена Андонова — Tue, 11 Aug 2020 12:07:54 +0000

Дефанзивецот Џером Боатенг и играчот од средниот ред Кингсли Коман ќе закрепнат навреме за натпреварот Баерн – Барселона, пренесува „Марка“. Според изворот, Боатенг, кој се повреди на вториот натпревар од осминафиналето на Лигата на шампионите против Челзи (3:1), сега тренира според индивидуалната програма, но ќе има време да се врати во тимот за мечот со Каталонците. Коман ја пропушти средбата со Челзи поради проблеми со мускулите, но во понеделникот веќе тренираше во општата група. За дефанзивецот Бенјамин Павар се вели дека ќе остане во Минхен закрепнувајќи од повредата на глуждот, но ќе може да се приклучи на тимот доколку Баерн ја совлада Барселона и се пласира во полуфиналето. Натпреварот Барселона – Баерн е закажан за 14 август во Лисабон со почеток во 21 часот. (МИА)

Шефовите на Баерн го премислуваат Коман за пензионирањето

Ивона Петрова — Wed, 12 Dec 2018 16:23:22 +0000

Шефовите на германскиот шампион, Баерн Минхен веќе почнаа да го убедуваат полудефанзивецот Кингсли Коман да не става крај на играчката кариера. Французинот изјави дека при нова повреда ќе ја прекине кариерата. Тој годинава имаше две операции на зглобот на левата нога. Коман поради повредата не настапуваше на Мундијалот 2018. – Имам разбирање за него. За жал првата повреда го чинеше местото во составот на Франција на Светското првенство, каде тој требаше да учествува и сега ќе беше светски шампион. Но, и покрај тоа ќе му кажам да не мисли на крај на кариерата при нова повреда. Ние имаме добри лекари и физиотерапевти. Тој е важен играч за нас и посебно Роберт Левандовски ќе извлече многу бенефиции од присуството на Кингсли на теренот, изјави извршниот директор Карл-Хајнц Румениге. Спортскиот директор Хасан Салихамиџиќ додаде дека често разговара со Коман, потенцирајќи дека нема да биде последната повреда во неговата кариера. И јас скинав лигаменти двапати за една година. Ние сите се потпираме на него, пред него има светла иднина, посочи Салихамиџиќ. Додека тренерот на Баерн Минхен, Нико Ковач, посочи дека најверојатно Коман е чувствителен бидејќи за толку кратко време се здоби две повреди. Целосно го разбирам дека во неговата глава минуваат такви мисли. Но, тој е играч од светска класа и сигурно ќе одигра уште многу силни натпревари и ќе освојува трофеи. Можеби тоа беше првичната реакција од негова страна. МИА

Коман размислува за пензионирање на 22 години

Ивона Петрова — Mon, 10 Dec 2018 15:47:36 +0000

Францускиот фудбалер Кингсли Коман го шокираше раководството на Баерн Минхен, откако изјави дека попрво ќе се откаже од фудбалот, отколку да се подложи на нова операција, иако нема ни 23 години. Коман оваа година два пати го оперираше глуждот, го пропушти и Мундијалот во Русија и емотивно изјави дека попрво ќе се пензионира, отколку повторно да оди на операција. – Кога поради повреда морав да го пропуштам Мундијалот, ми се урна целиот свет. Сега гледам од друга перспектива, малите работи ме прават среќни. Се надевам дека ќе се опоравам и еден ден ќе заиграм на СП, но ако се повредам повторно и морам да одам на трета операција, не верувам дека би се одлучил за такво нешто. Тоа би било премногу, бидејќи тогаш мојата нога дефинитивно повеќе не би била за фудбал и јас би живеел без него, изјави Коман, кој оваа сезона одигра само пет натпревари за Баварците. Тој кариерата ја започна во Пари Сен Жермен, а пред Баерн, играше за Јувентус. Тој ги помина сите младински формации на француската репрезентација, додека за сениорите одигра 15 натпревари и постигна еден гол. МИА