кино милениум – Kurir.mk

Кино Милениум затворено на неодредено време

Ивона Петрова — Fri, 02 Sep 2022 09:53:06 +0000

Од Градското кино Милениум известуваат дека лошото невреме кое го зафати главниот град имало голем удар и врз Киното. -Како што може да се забележи од приложените слики и видео материјали, од двете страни на платното имаше проток на вода, низ неонските светла на двата странични излези лево и десно од сцената, кровот на салата е дополнително уништен, паднати се делови од таблите на таванот, водени се сите делови од кровот кон системот за озвучување во салата. Во предниот дел на салата, меѓу бината и првите редови седишта имаше огромно количество вода кое се слеваше од сите страни на кровот надолу. Делови од фоајето се зафатени со влага, влезот на киното беше комплетно поплавен. Дополнително ќе се врши и проценка на електричната инсталација. Во текот на следниве денови ќе се прави дополнителна проценка на материјалната штета предизвикана во фоајето, салата, тоалетите и дел од службените простории на киното, објавија од Милениум. Информираат дека додека не се изврши комплетна санација и реновирање на киното и додека не се процени дека е безбедно граѓаните повторно да влезат во сала, Градско Кино Милениум нема да работи на неодредено време.

Премиера на серијата „Генерација бушави“

Ивона Петрова — Wed, 10 Aug 2022 05:58:03 +0000

Во киното „Милениум“ вечер премиерно ќе биде прикажана македонската телевизиска серија „Генерација бушави“. Серијата обработува повеќе теми и има шест епизоди од кои првите четири се самостојни приказни кои се поврзуваат во петтата и шестата епизода. -Ние сме група млади креативци кои во скоро време основаа филмска продукција. Веќе четири години работиме на проект, ТВ-серијал наречен „Генерација бушави“, кој обработува повеќе теми, а неколку од нив се бурниот живот на младите во кој пристапот до наркотици е лесен, злоупотребата на моќ и секојдневието на еден тинејџер, велат од Тимот на Марви. Проектот е финансиски поддржан од Комисијата на Европската Унија (EU WITH YOU), а на вечерашната премиера ќе бидат прикажани првите две епизоди.

Од четврток кино Милениум почнува со работа, еве кои филмови ќе можете да ги гледате

Ивана Ефремовски — Tue, 15 Jun 2021 11:33:43 +0000

Oд 17 јуни (четврток) Градското кино Милениум ќе почне повторно со работа. На репертоарот се наоѓа новиот дел од филмската сага „Брзи и бесни“, „Денови на гнев“ од Гај Ричи, драмата „Шарлатан“, современата верзија на класичниот роман на Чарлс Дикенс - „Твист“ и шведскиот анимиран филм „Безопашестиот Пеле“. Билетите се достапни на билетарница во кино Милениум по цена од 150 денари.

Германскиот филм „Разврска“ премиерно во кино „Милениум“

Ивона Петрова — Thu, 19 Nov 2020 11:32:47 +0000

Во кино „Милениум“ вечер примиерно во нашата земја ќе биде прикажан германскиот филм „Разврска“ на режисерот Рик Остерман. Во филмот улогите ги толкуваат актерите Луис Хофман и Оливер Масучиод. Станува збор за адреналинска трилер-драма снимена во диви планински предели. Филмот е целосно снимен со три GoPro камери прикачени на двајцата главни актери, и практично се „вткаени“ во драматургијата на филмот. Филмот во режија на Рик Остерман (инаку искусен телевизиски автор), беше дел од натпреварувачката програма на дебитантски филмови на Интернационалниот филмски фестивал „Црни ноќи“ во Талин. – Татко и син, отуѓени еден од друг, тргнуваат на едно диво патување. Патувањето се претвора во авантура во која и двајцата мажи треба да се справат со минатото и сегашноста на другиот. Главните ликови во филмот треба да се справат со прашањето – како да се победи отуѓеноста? Филмот трае 98 минути, информираат од КТ Филм. На 25-ти и 25-ти месецов „Разврска“ ќе биде прикажан и во Кинотеката на Северна Македонија. Дистрибутер за Македонија е КТ Филм и Медиа од Битола.

„Медена земја“ од утре повторно во „Милениум“

Ивона Петрова — Wed, 08 Jan 2020 09:46:19 +0000

Македонската публика повторно ќе има можност да го види документарниот филм „Медена земја“, кој е во потесниот избор за номинација за Оскар во две категории – документарни и странски филмови. Од утре до идната среда (15 јануари) од 20 часот филмот на режисерите Тамара Kотевска и Љубомир Стефанов ќе се прикажува во кино „Милениум“, а од 13 до 18 јануари и во Кинотеката со по две проекции дневно, од 18 и од 20 часот. Во очекување на одлуката на Американската филмска академија, која на 13 јануари ќе ги соопшти номинациите за Оскар, документарецот за Атиџе Муратова, последната одгледувачка на диви пчели во Европа, деновиве доби уште две значајни признанија. Снимателите Фејми Даут и Самир Љума ја добија наградата „Cinema Eye Honors“ за исклучително достигнување во кинематографијата. „Медена земја“ доби и награда за најдобар документарен филм од Меѓународното здружение на филмски критичари (NSFC). Покрај низата награди што минатата година ги освои на престижни фестивали, „Медена земја“ се најде и на листите на најдобри филмови во 2019-та на значајни списанија, како „Њујорк тајмс“, „Ролинг стоун“, „Варајети”, „Венити феир“…

Рекордна гледаност на „Врба“, екипата на филмот вечер на средба со публиката во „Милениум“

Ивона Петрова — Fri, 22 Nov 2019 08:56:33 +0000

За дваесет дена прикажување „Врба“ ги собори рекордите на гледаност. Филмот досега го видоа повеќе од 20.000 илјади гледачи во кината „Синеплекс“ и „Милиниум“ во Скопје и во речиси сите градови од земјава, соопшти продукцијата. -Повеќето проекции во Битола, Охрид, Струга, Прилеп, Штип, Куманово, Крива Паланка, Свети Николе, Кочани, Богданци, Крушево, Гевгелија, Виница, Радовиш, Пробиштип, Македонска Каменица, Кавадарци… беа распродадени, соопшти продукцијата „Банана-филм“ и информира дека приходот од проекцијата во Делчево на 3 декември ќе биде дониран во Дневниот центар за лицата со посебни потреби. Најавува и дека по завршувањето на редовната проекција на „Врба“ вечер од 20 часот во киното „Милениум“, гледачите ќе присуствуваат на сесија прашања и одговори со главните актерки и актери во филмот. -По светската гала-премиера во Рим, „Врба“ ја имаше азиската премиера на фестивалот во Тајпеј, каде Манчевски беше режисер во фокусот. Неколкуте проекции на „Врба“, како и проекциите на неговите останати филмови, беа целосно распродадени, а тој одржа и мастерклас за обожавателите, наведува продукцијата.

Кино Милениум од денес со нов репертоар

Ивона Петрова — Thu, 24 Oct 2019 09:18:19 +0000

„Медена земја“, „Џокер“ и „Враќање во Зомбиленд“ се само дел од филмовите кои се на репертоарот на Кино Милениум. Деталнито распоред на проекции може да го погледнете во продолжение. ЧЕТВРТОК (24.10) 15:00- ВРАЌАЊЕТО НА ХАНА (HANNA`S HOMECOMING)-98’ 19:30- ГРЧКИ ФИЛМСКИ ФЕСТИВАЛ- КОКТЕЛ И ОТВОРАЊЕ 20:30- ВИТЕЗ- 105 ’ (ГРЧКИ ФИЛМСКИ ФЕСТИВАЛ) ПЕТОК (25.10) 15:00- ВРАЌАЊЕТО НА ХАНА (HANNA`S HOMECOMING)-98’ 18:00 – СМАК 110 ’ (ГРЧКИ ФИЛМСКИ ФЕСТИВАЛ) 20:00- ЏОКЕР (JOKER) -121’ 22:00 –ВРАЌАЊЕ ВО ЗОМБИЛЕНД (ZOMBIELAND: DOUBLE TAP)- 99’ САБОТА (26.10.): 11:00 – ЗАГУБЕНИОТ ЈЕТИ (ABOMINABLE) 97’ 13:30- ГОСПОДАРКА НА ЗЛОТО (MALEFICENT: MISTRESS OF EVIL) 118’ 15:30- ОВЧИЧКАТА ШОН: ФАРМАГЕДОН (SHAUN THE SHEEP MOVIE: FARMAGEDDON) – 86’ 18:00 –СЛЕДНА СТАНИЦА: УТОПИЈА -91’ (ГРЧКИ ФИЛМСКИ ФЕСТИВАЛ) 20:00- НЕЈЗИНА РАБОТА 89’ (ГРЧКИ ФИЛМСКИ ФЕСТИВАЛ) 22:00 –ВРАЌАЊЕ ВО ЗОМБИЛЕНД (ZOMBIELAND: DOUBLE TAP)- 99’ НЕДЕЛА (27. 10): 11:00 – ЗАГУБЕНИОТ ЈЕТИ (ABOMINABLE) 97’ 13:30- ГОСПОДАРКА НА ЗЛОТО (MALEFICENT: MISTRESS OF EVIL) 118’ 15:30- ОВЧИЧКАТА ШОН: ФАРМАГЕДОН (SHAUN THE SHEEP MOVIE: FARMAGEDDON) – 86’ 18:00 – НЕПРАВЕДЕН СВЕТ 107’ (ГРЧКИ ФИЛМСКИ ФЕСТИВАЛ) 20:00- ПОЛИКСЕНИ -100’ (ГРЧКИ ФИЛМСКИ ФЕСТИВАЛ) 22:00 –ВРАЌАЊЕ ВО ЗОМБИЛЕНД (ZOMBIELAND: DOUBLE TAP)- 99’ ПОНЕДЕЛНИК (28.10): 15:00- ВРАЌАЊЕТО НА ХАНА (HANNA`S HOMECOMING)-98’ 20:00- ОТВОРАЊЕ НА ЕХО ФЕСТИВАЛ НА ПЛАНИНСКИ ФИЛМ ВТОРНИК (29.10) 15:00- ВРАЌАЊЕТО НА ХАНА (HANNA`S HOMECOMING)-98’ 17:30 - МЕДЕНА ЗЕМЈА (HONEYLAND) -85’ 20:00- ЏОКЕР (JOKER) -121’ 22:00 –ВРАЌАЊЕ ВО ЗОМБИЛЕНД (ZOMBIELAND: DOUBLE TAP)- 99’ СРЕДА (30.10) 15:00- ВРАЌАЊЕТО НА ХАНА (HANNA`S HOMECOMING)-98’ 17:30 - МЕДЕНА ЗЕМЈА (HONEYLAND) -85’ 20:00 - ЏОКЕР (JOKER) -121’ 22:00 –ВРАЌАЊЕ ВО ЗОМБИЛЕНД (ZOMBIELAND: DOUBLE TAP)- 99’

Почнува 4.Меѓународен филмски фестивал „Киненова“: Подгответе се за вистински филмски изненадувања

Ивона Петрова — Fri, 04 Oct 2019 07:59:09 +0000

4. Меѓународен фестивал на дебитантски филм „Киненова“, почнува вечерва и ќе трае до 13 октомври. Во кино „Милениум“ со проекција на „Господ постои се вика Петрунија“ во 18 часот неофицијално почнува годинашната програма, додека официјалниот дел е закажан за 20 часот со свеченост на која ќе биде доделено признанието за посебен придонес во светската филмска уметност, чиј лауреат годинава е актерката Тања Бошковиќ и проекција на филмот „Таткото“ на бугарските автори Кристина Грозева и Петар Валчанов. Претседател на жирито што ќе одлучува за годинешните фестивалски награди е истакнатиот руски документарист Витали Мански, кој е еден од најконтроверзните светски филмски автори. Неговиот филм „Путиновите сведоци“, кој е минатогодишен победник на Карлови Вари, ќе има специјалната проекција на фестивалот. Седум филмови се во трка за наградите за најдобар дебитантски филм, најдобар режисер, најдобро сценарио и за специјална награда од меѓународното жири. „Сожалување“ режија Бабис Макридис, „Човекот кој ги изненади сите“ сценарио и режија: Алексеј Чупов, Наталија Меркулова, „Алекси“ сценариот и режија Барбара Векариќ, „Љубовен автомобил“, сценарио и режија Елке Маргарете Леренкраус, „Сократес“, сценарио и режија Алехандре Морато, „Прасето“, режија Драгомир Шолев. -Покрај овие седум исклучителни остварувања во трка за наградите, продолжуваме со претставување на возбудливи автори од современата турска кинематографија, па годинава наша и Ваша гостинка е наградуваната Јесим Устаоглу, потоа, тука се и петте филма кои се дел од „Лукс“ наградата на Европскиот парламент, вклучувајќи ги и двете македонски остварувања, „...Петрунија“ и „Медена земја“, како и пост-фестум проекциите на современата унгарска кинематографија. Се’ на се’ сигурен сум дека, од програмски аспект, четвртото издание на „КинеНова“ ќе биде едно од оние, незаборавните, вели програмскиот директор на фестивалот Игор Анѓелков. Небојша Јовановиќ, директорот на „Киненова“ потенцира дека оваа година она што посебно избликнува од оваа програма се токму филмските автори и дела кои пркосат со храброста и одлучноста да се промени лошата реалност. -Во тој контекст имаме храбри филмови кои одлучно доаѓаат до сржта на проблемите. Ова сето значи дека Киненова МФФ не отстапува ни милиметар од својата авангардна патека. Ја повикувам публиката да ја истражи Киненова 2019 и да се подготви за вистински филмски изненадувања, вели Јовановиќ.

„Јужен ветер“ повторно во кино Милениум, ова е репертоарот за следните 7 дена

Ивона Петрова — Wed, 19 Dec 2018 09:44:18 +0000

Градското кино „Милениум“ го објави репертоарот за периодот од 20 до 26 декември. Во ударниот термин од 20 часот повторно ќе се прикажува српскиот филм „Јужен ветер“, а во 22.30 е „Крид 2“ со Силвестер Сталоне и Мајкл Б. Џордан во главните улоги. Во 15 часот на репертоарот е „Помош, ја смалив учителката“, а во 17.30 публиката ќе може да го погледне анимираниот филм „Човек – пајак: нов свет“. Само во сабота и недела во 13:30 часот ќе се прикажува „Астерикс: тајната на волшебниот напиток“, а во 11 часот „Гринч“.

Почнува 21. Скопје филм фестивал

Ивона Петрова — Thu, 19 Apr 2018 05:50:06 +0000

Со премиера на играниот филм „Година на мајмунот“ по сценарио и режија на Владимир Блажевски и во продукција на „Панк филм“, вечер во 20 часот во кино „Милениум“ ќе биде отворен 21. Скопје филм фестивал. Повеќе од 50 филмови, работилници, гостувања, како и филмска ретроспектива на Алфред Хичкок, ќе понуди новото издание на фестивалот кој до 26 април ќе се одрува во „Милениум“, „Фросина“ и Кинотека. Филмовите се распоредени во седум програми: Програма на авторски филм; Панорама на светски филм; Македонска продукција; Фокус на француски филм; Програма на европски филм; Ретроспектива на Хичкок, а од оваа година ќе има и нова програма - Квир фокус. Новиот филм на Блажевски „Година на мајмунот“ е црна комедија, копродукција меѓу Македонија, Србија, Словенија и Косово. Во главната улога е Игор Ангелов, а во актерската екипа се и: Марија Кон, Решит Береда, Рефет Абази, Тања Кочовска, Петер Елиот. Директор на фотографија е Димо Попов. Филмот се снимаше во 2016 година на 80-ина локации низ Македонија. Главни протагонисти во филмот се Цобе, сиромашен чувар во Зоолошката градина во Скопје, и шимпанзото Коко, жител во градината. Филмот е приказна за бегањето на Коко „од ропство во слобода“ поради што Цобе ќе биде отпуштен со ветување дека ќе го вратат на работа доколку го пронајде и донесе назад избеганиот мајмун... - Во измачената и со транзиција девастирана земја, се крева голема медиумска врева околу избеганото шимпанзо. Коко станува симбол на отпорот и слободарски стремежи, некој што успеал да излезе од магичниот круг на општата ентропија. Така, спасувачката мисија на Цобе за фаќање на шимпанзото ќе стане и предавничка, соопшти СФФ во најавата. По официјалната премиера, „Година на мајмунот“ од утре ќе продолжи да се прикажува во киносалите на „Синеплекс“, а светска премиера ќе има на 23 април на Московскиот меѓународен филмски фестивал. Во програмата Македонска продукција на 21. СФФ ќе бидат прикажани осум филмови, меѓу кои е премиерата на документарниот филм „Кобра“ во режија на Игор Иванов Изи, како и „Види ја ти неа“ на Горан Столевски, кој освои награда за најдобар краток филм на фестивалот Санденс. Во Ретроспектива на Хичкок, пак се пет филма: „Заден прозорец“, „Психо“, „Ребека“, „Птици“ и „Туѓинци во воз“. Во рамки на фестивалот ќе има и две работилници - режисерот на „Таксим холдем“, Мајкл Ондер, ќе одржи работилница за снимање нискобуџетен филм утре во Кинотека на Македонија, каде ќе има и средба со продуцентот на филмот, Јосеф Еревчик Амадо. Француските режисери Леа Мисиус и Кристоф Режин, пак, на 23 април на Универзитетот ЕФТА ќе одржат работилница: „Како се пишува, режира и продуцира прв игран филм“. Во кино „Фросина“ во понеделник ќе биде промовирана книгата „За засрамените геј мажи“. Автор на плакатот за годинашното издание на фестивалот е младиот македонски дизајнер Ѓорѓи Десподов. Програмата со распоред на проекциите е објавена на: www.skopjefilmfestival.com.mk.