кино на отворено – Kurir.mk

Вечерва „Викенд на мртовци” и „Кајмак” на Кино на отворено во Кисела Вода

Ивана Ефремовски — Sat, 26 Aug 2023 14:55:25 +0000

Вечерва, со почеток од 20:30 часот започнува овогодинешното Кино на отворено во општина Кисела Вода. Во паркот „Македонија”, веднаш до домот на култура „Билјана Беличанец”, прво ќе бидат прикажани две епизоди од серијалот „Викенд на мртовци", потоа и фимот „Кајмак” во режија и сценарио на Милчо Манчевски. Филмските проекции на „Кино на отворено” се бесплатни, обезбедени од страна на Општина Кисела Вода во соработка со Авард Филм и Видео, „Банана филм”, како и со МРТВ и „Вардар Филм”. Програма: Сабота 26.08.2023 20:30- 22:00 две епизоди од серијалот „Викенд на мртовци" 22:00- 23:30- „Кајмак" во режија и сценарио на Милчо Манчевски Недела 27.08.2023 20:30- 22:00- две епизоди од серијалот „Викенд на мртовци" 22:00-23:30- „Ах љубов моја" во режија на Коле Ангеловски.

„Кино на отворено” викендов во Кисела Вода

Ивона Петрова — Thu, 24 Aug 2023 13:22:14 +0000

Општина Кисела Вода викендов ве поканува на “Кино на отворено”! Традицијата започната минатата година продолжува и годинава во паркот “Македонија”, веднаш до домот на култура “Билјана Беличанец”. Во сабота и недела, 26-ти и 27-ми август, со почеток од 20:30 часот ќе бидат прикажани по две епизоди од серијалот,,Викенд на мртовци", потоа и фимот “Кајмак” во сабота и ,,Ах, љубов моја" во недела. Бесплaтните филмски проекции на „Кино на отворено” се обезбедени од страна на Општина Кисела Вода во соработка со Авард Филм и Видео, “Банана филм”, како и со МРТВ и “Вардар Филм”. Програма: Сабота 26.08.2023 20:30- 22:00 две епизоди од серијалот ,,Викенд на мртовци" 22:00- 23:30- ,,Кајмак" во режија и сценарио на Милчо Манчевски Недела 27.08.2023 20:30- 22:00- две епизоди од серијалот,,Викенд на мртовци" 22:00-23:30- ,,Ах љубов моја" во режија на Коле Ангеловски

Кино на отворено во Македонска Каменица

Ивана Ефремовски — Mon, 22 Aug 2022 20:00:43 +0000

Во организација на Културно-информативниот центар ,,Романса” во Македонска Каменица започнаа кинопроекциите во рамки на проектот ,,Кино на отворено”. Настанот кој се реализира во Паркот на рударите е дел од Каменичко културно лето 2022. -Вечерва премиерно на репертоарот беше прилажан детскиот игран филм ,,Стакленото момче“. Ова е прва наша ваква активност, а кино претставите продолжуваат во текот на следните два дена, истакнаа од КИЦ „Романса”. Кинопроекциите како што додадоа продолжуваат утре со играниот филм ,,Подобри си го животот”. -Последната кинопроекција е закажана за 24 август 2022 година на истата локација каде ќе биде прикажан документарниот филм “Последниот Македонец” – Патот до истребување, во режија на Илија Пиперковски и во чест на скоро починатиот македонски актер Митко Апостоловски, додадоа организаторите. Во случај на влошена временска состојба од КИЦ ,,Романса” најавија дека кинопроекциите во наредните два дена ќе се одржат во киносалата во М.Каменица. (МИА)

Вечерва „Исцелител“ на Кино на отворено во Кисела Вода

Ивона Петрова — Sat, 13 Aug 2022 14:53:14 +0000

Еден од најнаградуваните македонски филмови, кој се прикажуваше на десетици светски филмски фестивали, вечерва пред публиката во Кисела Вода. Од 21 часот, „Исцелител”, на режисерот Ѓорче Ставрески ќе се емитува на „Кино на отворено“, пред Домот на Култура „Билјана Беличанец”. Како и за сите досегашни проекции, влезот е бесплатен, а половина час порано, за најмладите се прикажуваат анимирани филмови од архивата на Македокс. Летниот филмски фестивал на отворено во организација на Општина Кисела Вода кој со поддршка од МакеДокс се одржува од вторникот, завршува утре.

Филмот “Avec l’amour” вечерва на “Кино на отворено” во Кисела Вода

Ивана Ефремовски — Thu, 11 Aug 2022 12:22:46 +0000

“Avec l'amour” на режисерот Илија Цветковски вечерва е на репертоарот на “Кино на отворено” кое од вторникот се одржува во Кисела Вода. Проекцијата започнува во 21 часот, пред Домот на културата “Билјана Беличанец”, а половина час порано за најмладите ќе се емитуваат анимирани филмови. Инаку, вчерашната проекција на првиот македонски филм за деца „Стела“ предизвика голем интерес кај публиката која имаше можност и да се дружи со екипата која работеше на овој филм, продуцентот Огнен Антов, режисерот Стојан Вујичиќ, како и главниот актер Дејан Лилиќ. Летното кино кое го реализира Општина Кисела Вода во партнерство со МакеДокс, продолжува до крајот на оваа седмица.

Вечерва „Cinema Komunisto”, утре „Стела” на „Кино на отворено” во Кисела Вода

Ивана Ефремовски — Tue, 09 Aug 2022 10:41:51 +0000

Вечерва “Cinema Komunisto”, утре “Стела” на “Кино на отворено” во Кисела Вода

Со филмот “Cinema Komunisto” на режисерката Мила Турајлиќ, вечерва се отвора првото Кино на отворено во Кисела Вода, кое до недела на публиката ќе и понуди повеќе интересни кинематографски остварувања.

Секоја вечер со почеток од 21 часот, во паркот Македонија, непосредно до Домот на кутурата Билјана Беличанец, посетителите ќе можат да погледнат по два филма.

Покрај Cinema Komunisto, вечерва на репертоарот е и “My world is upside down” во режија на Петра Селискар, а веќе утре ќе се емитува и првиот македонски филм за деца „Стела“, како и “Avec l'amour” на Илија Цветковски.

Покрај споменатите наслови, оваа седмица, доколку дозволат временските услови, “Кино на отворено” на публиката ќе и ги понуди и Grand mothers of Revolution, Mother Europe во режија на Петра Селискар, краткометражниот филм „Другарот“ во режија на Димитар Оровчанец, „Исцелител“ во режија на Ѓорче Ставрески, како и неколку други изненадувања.

Настанот го организира Општина Кисела Вода, во соработка со МакеДокс.

„Кино на отворено“ во Кисела Вода

Ивона Петрова — Tue, 09 Aug 2022 05:12:26 +0000

Општина Кисела Вода во партнерство со МакеДокс од денеска до 14 август организира „Кино на отворено“. Бесплатните филмски проекции ќе се прикажуваат во паркот „Македонија“, пред Домот на култура „Билјана Беличанец”. Секоја вечер од 21 часот, публиката од Кисела Вода, но и сите останати љубители на филмската уметност, ќе може да ги погледнат документарните филмови (програма МакеДокс) Cinema Komunisto во режија на Мира Турајлиќ, Grand mothers of Revolution, Mother Europe во режија на Петра Селискар, краткометражниот филм „Другарот“ во режија на Димитар Оровчанец, „Исцелител“ во режија на Ѓорче Ставрески, како и неколку други изненадувања. Од Општина Кисела Вода најавија дека наскоро ќе објават повеќе детали околу програмата и термините за филмските проекции на „Кино на отворено”.

Кино на отворено продолжува во Градски летен парк

Ивона Петрова — Thu, 13 Sep 2018 06:06:18 +0000

Со темната приказна раскажана на забавен начин, еден од најпознатите вознемирувачки филмови на режисерот Вуди Ален, „Ирационален човек“, ќе започне филмскиот викенд на отворено во Градскиот летен парк. Во петок на големото платно во Градскиот парк ќе биде прикажан визуелно спектакуларниот филм „Големата убавина“ од режисерот Пауло Серентино. Убавата приказна, бесплатни филмски вечери преку „Кино на отворено“ започна во јуни со „Исцелител“ и „Avec I`amour“. Двата филмски вечери започнуваат во 20:00 часот.