Кира Јармиш – Kurir.mk

Порпаролката на рускиот опозиционер Навални доби казна од 1,5 година ограничено движење

Тале Кристо — Mon, 16 Aug 2021 18:41:00 +0000

Руски суд денеска ја осуди Кира Јармиш, портпаролка на рускиот опозиционер, Алексеј Навални, на 1,5 година ограничено движење заради организирање протести за време на епидемијата на коронавирусот. Јармиш (31) во јануари беше обвинета за учество во организирањето собири за поддршка на Навални, кога тој беше уапсен по неговото враќање од лекување во Германија во Русија. Тимот на Навални на Твитер соопшти дека Јармиш е прогласена за виновна за „поттикнување прекршување на мерките против коронавирусот“. Таа од февруари се наоѓа во домашен притвор и според одлуката на судот следната 1,5 година ќе и биде забрането да ја напушта Москва или да учествува на јавни настани. Навални (45) минатата година се лечеше во Германија од труење со нервниот агенс „Новичок“и беше уапсен во јануари, откако се врати во Русија. Тој во моментов издржува затворска казна од две и пол години.

По соработничката, уапсена и портпаролката на Навални

Ивона Петрова — Wed, 21 Apr 2021 10:14:58 +0000

Кира Јармиш, портпаролката на затворениот критичар на Кремљ, Алексеј Навални, е уапсена во близина на нејзиниот дом, изјави денеска нејзиниот адвокат. Претходно утринава беше уапсена и Љубов Собол, блиската соработничка на Навални, само неколку часа пред очекуваното обраќање на рускиот претседател Владимир Путин во парламентот. Апсењата на двете најблиски соработнички на опозицонерот Навални доаѓаат непосредбно пред најавените протести низ Русија, заради лошиот третман кон затворениот Навални. Приврзаниците на Навални планираат да протестираат заради неодговорноста на затворските власти за влошувањето на неговото здравје во затворот, пренесуваат британските медиуми. Навални во февруари беше осуден на две и пол години затвор за прекршување на условната слобода и беше уапсен на аеродромот веднаш по враќање од Германија, каде се лекуваше од труењето со нервниот агенс Новичок, лани во август.