Киран Трипие – Kurir.mk

Киран Трипие останува во Њукасл до 2025

Тале Кристо — Sat, 28 Jan 2023 18:00:24 +0000

Англискиот фудбалски репрезентативец Киран Трипие го продолжи договорот со Њукасл до 2025 година, објави премиерлигашот. Трипие дојде во Њукасл во јануари 2021 година од Атлетико Мадрид. Англискиот десен бек досега сезонава постигна еден гол и запиша шест асистенции во дресот на Њукасл. -Беше одличен на теренот и надвор од него, покажа лидерски квалитети во тешки моменти за клубот. Немам доволно комплименти да му изразам за сè што му даде на овој клуб, истакна тренерот на Њукасл, Еди Хау, во изјава за клупскиот сајт. Третопласираниот Њукасл се наоѓа во рекордна серија од 15 натпревари без пораз во Премиерлигата и ја има најдобрата одбрана со само 11 примени голови на 20 натпревари во англиското првенство.

Тешка повреда на Трипие

Бошко Тасиќ — Mon, 14 Feb 2022 20:14:05 +0000

Дефанзивецот на Њукасл, Киран Трипие ќе мора да паузира одреден период од терените, поради повреда. Трипие има скршеница на стопалото кој ја заработи за време на натпреварот со Астон Вила и победата од 1-0. Трипие е еден од клучните играчи за бегство на Њукасл од дното. На последните четири меча постигна два гола по доаѓањето од Атлетико, и донесе важни бодови за екипата.

Славен фудбалер на голема мака: Суспендиран поради обложување, а ќе треба и дебело да плати

Ивана Ефремовски — Wed, 23 Dec 2020 16:28:02 +0000

Десниот бек на Атлетико Мадрид, Киран Трипие, доби дест неделна суспензија поради обложување и парична казна од 78.000 евра. Трипие беше обвинет за недозволено обложување кое се случило во јули 2019-та година, период кога тој од Тотенхем се пресели во Атлетико Мадрид. Неговата суспензија важи за секаде низ светот без разлика што ги прекршил правилата на англиската асоцијација. Неговата суспензија ќе трае до почетокот на март и во тој прериод Трипие ќе пропушти 12 натпревари, меу кои и првиот осмина-финален натпревар со Челси во Лигата на шампионите.